Pilipus 4:9 - Hanunuu

⁹ Tupada niyu una hintay kang itinudlu ag ipinadakit sa kanyu. Sunda gid niyu ti kanyu nadnugan ag nakitan sa kangku. Nu katunda kamu, mangulian sa kanyu ti Diyus ti gimpuunan nita kahusayan.

Pilipus 4:9 Iomraidhean Croise

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 8:10

Una hintay ti paggayakun niyu laban sa kanmi balaw manalu, dahil kaibahan nimi ti Diyus.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Matiyu 7:21

Magkun si Hisus, “Balaw tanan-tanan tig-ingaran sa kangku magkun, ‘Panginuun, Panginuun’, rumas-ug sa kaharian langit, nu unman tunda lang pag manga tawu ti magtupad sa kagustuhan niku Ama sa langit.

Lukas 6:46

Sinabi ni Hisus magkun, “Hayga lugud aku kanyu pagpakaingarnan Panginuun, Panginuun, bag-u unman diman kanyu pagtupadun kang pagbagawun sa kanyu?

Lukas 8:21

Dapat sinabi ni Hisus magkun, “Inda yi ngani kang ina, kang manga patar-ari ti manga magpatingi sa Bagaw Diyus bag-u kanda pagtupadun.”

Huwan 13:17

Nu naintindihan yi niyu inda pag manga katutuuhanan, masulung kamu nu kanyu tupadun.

Huwan 15:14

Nu kanyu tupadun kang pag-ibilin sa kanyu, kamu kang yi pagmayadun pag manga tawu.

Huwan 2:5

Bag-u sinabi niya ina sa manga suruguun magkun, “Sunda duy niyu una hintay kay pagsabihun sa kanyu.”

Binwat 9:6

Pagbangun yi kawu, pag-ati kawu sa banwa bag-u may sumabi ati sa kanmu tungkul sa kanmu kailangan buwatun.”

Ruma 15:33

Pagsa kanyu tanan ti Diyus ti gimpuunan nita kahusayan. Amin.

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

1 Kurintu 14:33

Dahil ti Diyus gimpuunan kahusayan, balaw gimpuunan kaguluhan. Kailangan pari-parihu ti mangyari sa kada puru iglisya Diyus.

1 Kurintu 4:16

Inda kang pagsabihun ngani sa kanyu, kamu paghuwad sa kangku.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

Diyuturunumiyu 5:1

Tinipun ni Muysis ti tanan Israilita ag magkun siya sa kanda, “Manga Israilita, pakidnugi niyu ti ipakaun niku sa kanyu pag manga sugu hanggan surundanun kainda pag sirang. Adalan niyu inda kaayad ag sunda gid.

Pilipus 3:17

Manga patar-ari, kamu tanan-tanan paghuwad sa kangku. Bantayan niyu ti manga magtupad sa kanmi mustara sa kanyu.

Pilipus 4:7

Balaw matabu nita masalman kay kahusayan Diyus. Imaw pag kahusayan ti makaingat sa kanyu tagipusuun hanggan sa kanyu naisipan sa kanyu pakiusa sa kan Kiristu Hisus.

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

1 Tisalunika 2:14

Ti mangyari sa kanyu, manga patar-ari, parihu sa nangyari diman sa kay iglisya Diyus sa daga Hudiya, sa manga magsarig ati sa kan Kiristu Hisus. Pag-unuunuhun diman kamu niyu manga kasimanwa, parihu sa manga taga Hudiya inunu-unu diman nida kaparihu Hudiyu.

1 Tisalunika 5:23

Pag-idarangin niku kamu hampay kamu lubus pasakup sa Diyus. Siya yi ngani tigpakaun kahusayan. Pag-idarangin diman niku kamu hampay alagaan niya kanyu buu pagkatawu sa unman may kadautan una kanyu tagipusuun, una kanyu karadwa, una kanyu bilug hanggan sa ud rumas-ug kanta Panginuun Hisu-Kiristu.

2 Tisalunika 3:4

Pihu dayu pumabaya ti Panginuun, nakan lubus kami magpaniwala kanyu ugali angay sa kanmi itinudlu sa kanyu ag rargu di niyu ugaliun.

2 Timutiyu 4:22

Pagsa kanyu ti Panginuun hanggan ti papalad niya.

Santiyagu 1:22

Pag-ugali kamu angay sa Bagaw Diyus. Nu pagpatingihan lang niyu ti Bagaw Diyus bag-u unman diman pagtupadun, pagdayaun niyu kanyu sadili.

2 Pidru 1:10

Manga patar-ari, kamu kay manga tinawag ag manga pinili Diyus, nakan ngani pagpakarig-un kamu sa inda pag kahamtangan. Nu inda kanyu buwatun dayu kamu sumimray.

1 Huwan 3:22

Una hintay kanta hagadun, matanggap nita ginan sa kanya, dahil pagtupadun nita kay manga sugu, pagbuwatun nita ti angay sa kay kagustuhan.