Pilipus 4:8 - Hanunuu

⁸ Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

Pilipus 4:8 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

2 Samwil 1:23

Pagmahalun ag pagkaawaan gid manga Israilita si Saul ag si Hunatan. Magkaibahan sida sa buhi ag sa kamatayan. Sa girahan, mas maliksi waya sida sa manga agila ag mas mabisug waya sa manga liyun.

2 Samwil 23:3

Magkun sa kangku ti Diyus, ti batu palalan-iban Israil, ‘Ti magpangulu matadlung ag may dala sa Diyus

Kanta 82:2

Magkun siya, “Tugka waya lugud kapira kamu manhusay balaw matadlung? Tugka waya lugud kapira niyu pag paangayan ti manga daut?

Kabagawan 11:1

Pagkadat-an Panginuun ti manga magdaya sa magkilu, dapat kay pagbayaun ti magkilu sa tama.

Kabagawan 12:4

Ti mayad pag asawa babayi ikadayaw ag ikabaya niya asawa, dapat ti makakaray-a pag asawa parihu sa sakit mag-arit-it sa manga but-ul niya asawa.

Kabagawan 16:11

Pagbayaun Panginuun ti balaw madaya pag manugnigusyu.

Kabagawan 20:7

Ti matadlung pag tawu magpangabuhi unman may ikasabi. Mapalad kay manga anak magsunud sa kanya.

Kabagawan 31:10

Makuri hanapun ti mayad pag asawa babayi. Mahalaga waya siya kaysa mahalaga pag manga batu.

Kabagawan 31:29

“Mayamu ti mayad pag asawa babayi, dapat kawu ti pinakamayad sa kanda tanan!”

Kabagawan 31:31

Kailangan balusan siya sa kay mayad pag manga binwat ag parangalan sa kadamlan.

Kanta ni Sulumun 5:16

Mayad arukan kay bibig, marinu gid siya. Manga babayi sa Hirusalim, siya kang mahal, kang kakilala.

Isayas 26:7

Maratag ti dalan tawu matadlung, kawu, Panginuun matadlung, ti nagratag inda.

Matiyu 22:16

Nakan sinugu nida kanda manga tuludluan hanggan manga napakampi sa kan Hirudis, sinabi nida sa kan Hisus, “Maisturu, alam nimi kawu matinupadun. Pag-itudlu nimu ti buu katutuuhanan hampay tupadun manga tawu ti kagustuhan Diyus. Unman kawu magkadala una sa kantapu pag tawu, dahil kawu balaw may pag-apihun.

Markus 6:20

Dahil magkadala si Hirudis sa kan Huwan. Alam yi waydi niya si Huwan lalaki matadlung ag lubus sakup sa Diyus. Nakan pinabantayan niya si Huwan. Magbaya magpatingi si Hirudis sa manga bagaw ni Huwan una magkatalinduwa kay isip.

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Lukas 2:25

May usa ka lalaki sa Hirusalim kay ngaran si Simyun. Matadlung gid siya pag tawu, marasarig sa Diyus, magpatigagad yi gid sa karibrihan manga taga Israil. Nangulian sa kanya ti Ispiritu Banal.

Lukas 23:50

May usa ka lalaki kay ngaran si Husi taga Arimatiya, banwa sakup Hudiyu. Mayad siya paggalangun manga tawu ag mag-alagad paghari Diyus. Madi siya usa waydi ka pinunu unman siya nagpasnu sa harampangan Katipunan manga Pinunu hanggan sa kanda binwat sa kan Hisus.

Huwan 7:18

Nu kay pagbagawun tawu ginan lang sa kay sadili naisipan, kay gustu siya ti dayawa manga tawu. Dapat nu kay gustu manugtudlu hampay dayawun ngap manga tawu ti nagsugu sa kanya, pihu gid pag-itudlu niya ti katutuuhanan unman may pabalhingu.”

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 22:12

“Ati sa Damasku may usa ka lalaki kay ngaran si Ananiyas. Masipag siya magsamba sa Diyus angay sa Kasuguan ni Muysis. Pagbayaun siya tanan manga Hudiyu mag-uli sa ati pag banwa.

Binwat 6:3

Nakan manga patar-ari, pagpili kamu ginan sa kanyu sa manga patar-ari pitu ka lalaki tunda manga magkaalaman yi waydi kuntay mabuut ag lubus sinuldan Ispiritu Banal. Bag-u sida ti pakan-an nimi inda pag katungkulan sa mag-asikasu sa maghururayan pangailangan sa manga buranday.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

Ruma 13:3

Ti manga pinunu kailangan kadalaan manga tawu magbuwat daut. Dapat ti magbuwat mayad unman waydi kailangan magkadala sa kanda. Ibug aw nimu dayu madala sa manga gubirnu? Pagbuwat kawu sa mayad bag-u bayaun kawu nida.

Ruma 14:18

Nu katunda kay magsirbi tawu sa kan Kiristu, pagbayaun siya Diyus ag paggalangun manga tawu.

Ruma 2:29

Ti tawu nu binag-u yi sa kay tagipusuun hanggan naisipan angay sa Ispiritu balaw lang angay sa nisurat pag Kasuguan, tunda yi ti tutuu Hudiyu. Balaw tawu nu unman Diyus ngap ti dumayaw sa kanya.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 13:7

Kanmi diman pag-idarangin kamu sa Diyus hampay danga gid mana kamu magbuwat daut, balaw diman hampay makitan manga iba kami ti mayad, bagkus ngap hampay kamu bumuwat yi gid sa mayad una abi nangus nakitan kami ti ga unman may pulus.

2 Kurintu 6:8

Nalakawan yi waydi nimi ti magbaya manga tawu sa kanmi ag ti magkadaut sa kanmi, ti daut pag libak ag ti mayad pag libak. Kami kanda pagsabihun magdaya dapat ngap katutuuhanan kanmi pagbuwatun.

2 Kurintu 8:18

Pinakuyug nimi sa kanya ti patar-ari daan kilala sa tanan iglisya dahil sa kay magpanudlu Mayad pag Barita.

2 Kurintu 8:21

Pag-isipan nimi hampay mabuwat inda sa ikamayad sa kay magbantay Panginuun hanggan sa paghilingan manga tawu.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Ipisu 4:25

Nakan ngani ti kada usa sa kanyu pag-ampu sa kapudilan, parihu sa pagsabihun sa Banal Kasuratan magkun, “Ti kada usa kailangan pagbagaw katutuuhanan sa kay patar-ari.” Dahil kita tanan minsan kay manga gamit bilug ni Kiristu.

Ipisu 5:9

Dahil ti ugali sa marayaw kay burak lunsay mayad, matadlung hanggan tutuu.

Ipisu 6:14

Nakan ngani pagpirmi alistu kamu. Ihawud niyu ti katutuuhanan. Ti katadlungan kanyu panangga isulung yi sa kanyu dubdub.

Diyuturunumiyu 16:20

Kailangan manalu ti matarung hampay lumawig kanyu buhi ag makapamahala sa pag-ipakaun sa kanyu pag daga Panginuun niyu Diyus.

Pilipus 3:1

Inda waya duy, manga patar-ari, kang mana sabihun sa kanyu, pagbaya kamu dahil sa kanyu pakiusa sa Panginuun. Una kas-a waya kang ulitun kang isinurat sitay, unman may makuri sa kangku. Dapat imaw ngap tigparig-un sa kanyu.

Kulusas 4:5

Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

1 Tisalunika 4:12

Nu katunda, galangun kamu manga tawu udwaya magkilala sa Panginuun. Usa sa siti, danga niyu isarig sa iba kanyu pangabuhi.

1 Timutiyu 2:2

Kailangan idarangin niyu ti manga hari hanggan ti tanan tawu may kangaranan hampay kita may kaayusan ag may kahusayan sa kanta magpasakup sa Diyus ag may mayad pag ugali.

1 Timutiyu 3:11

Kailangan hanggan kanda manga asawa mabuut, danga sida magkutsu-kutsu. Kailangan sida manga mayad gid, matinupadun sa tanan bagay.

1 Timutiyu 3:4

Kailangan mahusay siya magpamahala sa kay kasunu balay. Kailangan siya galangun ag paniwalaan niya manga anak.

1 Timutiyu 4:12

Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

1 Timutiyu 5:2

Galanga nimu ti manga gurangun pag babayi parihu sa kanmu ina. Pagpakiusa kawu sa manga kalay-awan babayi unman may lakay hangal-hangal ga kanmu diman manga patar-ari babayi.

Titu 1:8

ag balaw waydi mag-irang kay balay. Kailangan siya maraibgun sa mayad, mapinigilun sa kay sadili, matinupadun sa kay kaparihu tawu, masurundun sa Diyus, mapinasunaidun sa kay sadili.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Titu 2:2

Pagkumun kawu sa manga gurangun pag lalaki, pagmapinigilun sida, pagmahusay, pagmaalumanay kanda manga pag-iisip. Pag-ugali sida sa maayus angay sa kanda pagsarig, pag mapagmahal sida, pagmatiniisun.

Titu 2:7

Sa tanan nimu buruwatun pag may makitan sida marinu pag mustara. Pagmatinupadun kawu sa kanmu magtudlu, danga isipun manga iba kuntay hakut lang ti kanmu pagsabihun.

Titu 3:14

Tudlui gid nimu kanta manga kaibahan asan hampay gamitun nida ti kada udas sa tarabahu ikabuhi nida ag hampay makaawat diman sida sa manga may kakurangan.

Hibriyu 11:2

Kaybi pag manga ginurang pagbayaun Diyus dahil sa kanda pagsarig.

Hibriyu 13:18

Daranginan niyu kami, dahil tutuu kami unman may pag-isipun daut sa kanmi tagipusuun una sa kanmi naisipan. Gustu lang nimi pagmarinu kanmi ugali sa tanan nimi buruwatun.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

2 Pidru 3:1

Inda yi ngani duy manga patar-ari kang ikadwa pag surat tabug sa kanyu. Sa duwa ka surat niku inda pagpulawun niku kanyu mayad pag naisipan, pagpaala-alahanan niku kamu.

1 Huwan 3:18

Danga tugka lang sa bagaw kanta pagmahal. Danga babaw lang lukub. Pakitan niyu ti tutuu gid pagmahal may patapil buwat.

1 Huwan 3:3

Una hintay pag tawu ti magsarig katunda sa kan Kiristu, mag-ingat sa kay sadili bilug hampay malumpiyu kay buhi, ga kan Kiristu waydi malumpiyu.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.

Rut 3:11

Nakan danga kawu magkaarimputu, anak. Buwatun niku ti tanan nimu pagpamuhunun, dahil alam tanan niku manga kasimanwa mayad kawu pag babayi.