Pilipus 4:7 - Hanunuu

⁷ Balaw matabu nita masalman kay kahusayan Diyus. Imaw pag kahusayan ti makaingat sa kanyu tagipusuun hanggan sa kanyu naisipan sa kanyu pakiusa sa kan Kiristu Hisus.

Pilipus 4:7 Iomraidhean Croise

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Hub 22:21

“Hub, pagpasakup kawu sa Diyus ag pagpakiusa sa kanya hampay papaladan kawu niya.

Hub 34:29

Dapat una pumatagu ag ud mangingay ti Diyus, unman may makasabi balaw kuntay mayad kay pagbuwatun. Dapat kay tutuu, magbantay ti Diyus sa manga tawu ag sa manga nasyun,

Kanta 29:11

Pagpabisugun Panginuun kay nasakupan ag pagpakan-an mayad pag kahamtangan.

Kanta 85:8

Patingihan niku ti sabihun Panginuun Diyus, dahil manaratu siya kahusayan sa kay matinupadun pag nasakupan; inda nu balaw kita bumalik sa kanta kalukuhan.

Kabagawan 2:11

Nu makaintindi kawu ag madunung magpasya sa hustu, makadahan inda sa kanmu.

Kabagawan 4:6

Danga pagbugyahi ti kadunungan, bagkus ngap pahalagaan nimu, dahil tunda ti gumiya sa kanmu.

Kabagawan 6:22

Inda gumiya, makadahan, ag pumaalaala sa kanmu pangabuhi, una hintay waya kanmu pagbuwatun.

Isayas 26:12

Panginuun, pakan-i duy nimu kami mayad pag kahamtangan, dahil ti tanan nimi magkabuwat, magkabuwat nimi dahil sa awat nimu.

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 45:7

Aku ti naglalang rayaw hanggan dulum. Aku tig padara kaayadan ag kadamhakan. Aku, ti Panginuun, ti nagbuwat sa tanan.

Isayas 48:18

Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 48:22

Dapat ti daut unman magkaimaw kahusayan, magkun ti Panginuun.

Hirimyas 32:16

Pagkanatapus nipakaun niku ti kasuratan sa kan Baruk kay anak ni Niryas, nagdarangin aku.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Bilang 6:26

Makabaya mana ti Panginuun sa kanyu ag pakan-an niya kamu mayad pag kahamtangan.’

Lukas 1:79

Marayawan ti manga tawu nangulian sa kadudulman ag hinarian kamatayan. Ilakaw kanta raprapa sa dalan kahusayan sa Diyus hanggan sa kanta kaparihu.”

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.

Ruma 8:6

Dahil ti tawu nu kay pag-intindihun kay sadili lang kagustuhan niya pagkatawu kay patabgan ay kadamhakan. Dapat tigmasigasid tungkul sa Ispiritu Banal imaw ti may buhi hanggan kahusayan.

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Ipisu 3:19

Magdarangin aku hampay masalman niyu ti pagmahal niya madi balaw maaput tawu naisipan, agud nu kabitay ti Diyus katida diman kamu.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Pilipus 1:2

Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Pilipus 4:19

Ginan sa kay kayamanan unman may katabwanan, ipakaun niya ti tanan niyu kailangan dahil sa kanyu gid magpakiusa sa kan Kiristu Hisus.

Pilipus 4:21

Ipadakit niyu kang kamusta sa tanan manga nasakupan Diyus, sa manga magpakiusa sa kan Kiristu Hisus. Kang kaibahan sitay kanta manga patar-ari magpaingana sa kanyu, sa manga taga Pilipus nu kabitay waydi kamu asan.

Pilipus 4:9

Tupada niyu una hintay kang itinudlu ag ipinadakit sa kanyu. Sunda gid niyu ti kanyu nadnugan ag nakitan sa kangku. Nu katunda kamu, mangulian sa kanyu ti Diyus ti gimpuunan nita kahusayan.

Kulusas 3:15

Pagpasakup kamu kanyu tagipusuun sa kahusayan kay pakaun ni Kiristu. Kamu binutung Diyus sa inda pag kahusayan, hampay kamu magkabuu usa ka bilug. Kailangan kamu pagpasalamat sa Diyus.

2 Tisalunika 3:16

Panginuun ti bulbugan kahusayan. Pagsa kanyu ti kahusayan sa tanan pag udas. Pagsa kanyu gid tanan ti Panginuun.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Ipinakakit 1:4

Aku si Huwan ti may surat sa pitu ka iglisya sa Asya. Pagsa kanyu ti papalad hanggan ti kahusayan ginan sa Diyus. Siya ti Diyus kaybi ginan hanggan kainda hanggan waya aban. Pagsa kanyu ti papalad ginan sa pitu ka Ispiritu sa arani tukawan Diyus.

Ipinakakit 2:17

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu pakan-an niku hinamnu pag karan-unun ginan sa langit. Pakan-an diman niku siya batu malagti imaw ti sinuratan bag-u niya pag ngaran. Unman may nakaalam tunda pag ngaran nu ud tunda lang waydi ti pinakan-an.”