Pilipus 4:5 - Hanunuu

⁵ Kailangan pagmakilala gid tanan tawu kanyu kaalumanay. Udyi dugay aban rumas-ug yi ti Panginuun.

Pilipus 4:5 Iomraidhean Croise

Matiyu 6:25

“Nakan pagsabihun niku sa kanyu, danga kamu magkaarimputu tungkul sa karan-unun ag sa danum kanyu kailangan sa ikabuhi niyu, hanggan sa rutay para sa kanyu manga bilug. Unman aw ti buhi tawu mahalaga man sa karan-unun, ag ti bilug mahalaga man sa rutay?

Matiyu 6:34

Nakan ngani danga niyu ikaarimputu ti tungkul sa aldaw pag sirang, bag-u yi niyu isipun nu kainda ay yi. Kang-udyi yi sa kada sirang kay kakurian.”

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

1 Kurintu 6:7

Taynguna duy, nakan kamu magkarasabaan dahil tutuu gid kurang kanyu magmalahalan sa magtar-arian sa Panginuun. Hayga unman bagkus kanyu pag-agwantahun nu may magbuwat kalukuhan sa kanyu? Hayga lugud kamu unman magpatalu yi lang?

1 Kurintu 8:13

Nakan ngani nu ginan sa kang magkaun, magkasala kang patar-ari, nu katunda dayi lang aku mangaun taguban hampay siya balaw magkasala.

1 Kurintu 9:25

Ti tanan manga magpaanad sa mag-urunahan, mapinigilun sa kanda tanan kagustuhan hampay makatanggap sida pirimyu madi balaw dugay magkadaut tunda pag pirimyu. Dapat kanta paghangadun pag pirimyu tunda unman may kadautan hanggan aban.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

2 Tisalunika 2:2

danga kamu magkataranta, danga waydi magkaaburidu sa manga barita tawu kuntay rinmas-ug yi ti kaudasan Panginuun. Danga kamu magpaniwala una kanda sabi ipinurupita kunu tunda, una abi itinultul kunu una abi kunu sa surat ginan sa kanmi.

Titu 3:2

Amparaha nimu sida magbagaw daut una sa kantapu. Iwasi nida ti mag-arawayan. Kailangan sida pagmaalumanay, lubus galanga nida ti tanan tawu.

Hibriyu 10:25

Danga kalimtan nita pagluwang di kita sa kanta pagtiripun. Danga maghuwad sa manga magpalya. Pagparabisugan ngap kita ti kada usa. Lalu ngap taynguna dahil magkaalaman yi nita arani yi ti kaudasan pagras-ug Panginuun.

Hibriyu 10:37

Diyus ti may taratu magkun, “Balaw yi gid dugay, bag-u ti pagkumnum sumitay rumas-ug yi ag dayi dumugay.

1 Pidru 1:11

Inusisa gid nida kaybi nu hintay pag tawu ag nu kapira pag mangyari ti pagtukuyun Ispiritu ni Kiristu sa kanda tagipusuun. Dahil ipinauna ipinaalam Ispiritu sa kanda ti malakawan kakurian ni Kiristu hanggan ti kadayawan kay matanggap niya.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

Ipinakakit 22:20

Magsabi ti nagpaburayhaw sa tanan inda magkun, “Pihu gid ngani rumas-ug yi aku udyi dugay.” Amin, Panginuun Hisus, pagsitay yi duy kawu.

Ipinakakit 22:7

Magkun si Hisus, “Pagpatingi kamu, rumas-ug yi aku udyi dugay. Papaladan Diyus ti tawu magtupad sa manga ipinurupita nisurat sa inda pag ribru.”