Pilipus 3:9 - Hanunuu

⁹ ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

Pilipus 3:9 Iomraidhean Croise

Gimpuunan 7:23

Rinuris niya ti tanan tawu hanggan ti tanan manga hayup sa kalibutan. Si Nuwi lang hanggan kay manga kaibahan sa sulud barku ti unman namatay.

1 Hari 8:46

Nu magkasala sida sa kanmu — dahil unman waydi una di usa ti unman magsalan — ag sa kanmu pangagalit ipinatalu nimu sida sa kanda manga kalaban ag binihag sida sa arayu ngatay sa arani pag rugar,

2 Krunika 32:25

Dapat nagpadayaw si Isikyas ag ipinalawuy niya ti kaayadan ipinakakit Panginuun sa kanya. Nakan nagalit ti Panginuun sa kanya ag sa manga nasakupan Huda ag Hirusalim.

2 Krunika 32:31

Dapat sinubukan siya Diyus pagka rinmas-ug ti manga may kangaranan ginan sa Babilunya mag-usisa tungkul sa makadululaw pag nangyari sa Huda. Binwat inda Diyus hampay maalaman nu unu ungud sa tagipusuun ni Isikyas.

Kanta 14:3

Ti tanan nagsimray sa tutuu pag dalan ag parihu nagbaliw daut kanda buhi. Unman una di usa sa kanda ti magbuwat mayad.

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Kanta 19:12

Nu kas-a unman magkaalaman tawu kuntay nagsalan siya. Nakan Panginuun, lumpiyuha aku sa manga kasalanan balaw niku magkaalaman!

Manugtudlu 7:20

Unman gid may tawu sitay sa kalibutan ti pirmi magbuwat matadlung ag unman magsalan.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Matiyu 9:13

Paglakaw yi kamu, isipun niyu inda kay pagkumnun Diyus, ‘Kang gustu pagmaawaun kamu ag balaw kanyu handug.’ Nagsitay aku hampay butungun ti manga makasalanan, balaw ti manga matadlung.”

Ruma 1:17

Dahil pagsabihun sa Mayad pag Barita nu kabitay pagkilalan-un Diyus ti tawu kuntay matadlung, tunda sa panab-anan lang pagsarig. Angay sa nisurat sa Banal Kasuratan magkun, “May buhi ti tawu pagkilalan-un Diyus kuntay matadlung dahil sa kay pagsarig sa Diyus.”

Ruma 10:10

Dahil ginan sa kanta tagipusuun kita pag magsarig sa Panginuun bag-u kita pagkilalan-un Diyus kuntay kita matadlung. Ag nu pag-itultul nita kanta pagsarig, miribri kita.

Ruma 16:7

Ipadakit waydi niyu kang kamusta sa kanda ni Anduruniku ni Hunya, manga kaparihu niku Hudiyu, manga kaibahan niku sa pirisuhan. Nakilala sida manga apustul yi waydi, un-an man sa kangku pag nagtanggap sida sa kan Kiristu.

Ruma 5:21

Nakan nu hinmari ngani ti kasalanan sa panab-anan kamatayan, katunda diman humari ti pangaawa Diyus nu pagkilalan-un niya ti manga tawu kuntay manga matadlung, hampay karubtan nida ti buhi unman may katapusan sa panab-anan nita Panginuun Hisu-Kiristu.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 2:16

alam nimi pagkilalan-un Diyus ti tawu kuntay siya matadlung nu sumarig siya sa kan Hisu-Kiristu ag unman dahil sa kay magtupad sa Kasuguan. Hanggan kami manga Hudiyu magsarig sa kan Kiristu Hisus hampay pagkilalan-un Diyus kami matadlung, dahil sa kanmi pagsarig sa kan Kiristu ag unman dahil sa kanmi magtupad sa Kasuguan. Dahil dayu kilalan-un Diyus ti tawu kuntay matadlung nu ginan lang sa kay pagtupad sa Kasuguan.

Diyuturunumiyu 27:26

“Saadan ti balaw sumunud ngatay tumupad sa inda tanan pag sugu.” Bag-u sumagut ti tanan tawu, “Amin!”

Pilipus 3:6

Masyadu masipag aku nakan inunu-unu niku ti iglisya. Nu bay tungkul sa katadlungan ginan sa kang magtupad gid sa Kasuguan, unman may ikasabi.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Titu 3:5

Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.

Hibriyu 6:18

Ti sumpa kag ti taratu balaw magkauman ag dayu mahimu makapudil ti Diyus. Nakan kita ti manga nagdangup sa kanya, marig-un kita sa kanta maghingabut sa kay itinaratu.

Santiyagu 3:2

Kita tanan pirmi magsalan. Una si unu pag tawu nu unman magsalan sa kay bagaw, unman yi may ikasabi sa kanya. Mapinigilun siya sa kay sadili bilug.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

1 Huwan 3:4

Una hintay pag tawu nu magbuwat kasalanan, unman siya magpasakup sa Kasuguan. Dahil ti ibug sabihun kasalanan, nu unman magpasakup sa Kasuguan.