Pilipus 3:20 - Hanunuu

²⁰ Kita bay manga taga langit. Magpatigagad kita sa kanta Manugribri, sa Panginuun Hisu-Kiristu ginan sa langit.

Pilipus 3:20 Iomraidhean Croise

Kanta 16:11

Pagtudluan nimu aku nu kabitay matanggap ti mayad pag buhi, ag sa kanmu lang pag masampakan ti kaariwayahan unman may katapusan.

Kanta 17:15

Dapat aku inda makakit sa kanmu dahil unman aku may nabwat kasalanan. Sa kang pag-ipulaw makabaya gid aku makakit sa kanmu.

Kabagawan 15:24

Pagsundun madunung pag tawu ti dalan atabug sa buhi hampay maamanan niya ti kamatayan.

Matiyu 19:21

Magkun maan si Hisus, “Nu kanmu gustu udyi kawu may kakurangan sa kay magbantay Diyus, pag-ati kawu, pabilihan nimu kanmu kasiyunan bag-u ayaw-ayawa nimu sa manga pugri kay kabilyanan. Nu matupad nimu tunda, magkaimaw kawu kayamanan sa langit. Bag-u pagsitay maan kawu pagkuyug sa kangku.”

Lukas 12:21

Magkun si Hisus, “Katunda ngani ti mangyari sa tawu nu magpakatipun kayamanan sa kay lang sadili bag-u nu sa kay magbantay Diyus ga pugri lang pag tawu.”

Lukas 14:14

Kawu papaladan gid Diyus dahil unman sida may kang-ud ibalus sa kanmu. Balusan kawu aban Diyus sa katpung pagkabuhi uman manga magpasakup sa kanya.”

Binwat 1:11

Magkun sida sa manga apustul, “Kamu pag manga lalaki taga Galiliya, hayga kamu matindugan diman mabantayan atag sa langit? Inda pag Hisus ti dinara ginan sa kanyu atag sa langit, sumitay maan parihu sa kanyu nakitan sa kay nag-atag sa langit.”

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

1 Kurintu 15:48

Ti bilug panbabaw daga parihu sa bilug tawu binwat sa daga, ti bilug panlangit parihu sa bilug ginan sa langit.

2 Kurintu 4:18

Nakan ngani kami magturun balaw sa manga bagay mag-akitan sa mata nu unman ngap sa manga bagay unman mag-akitan, dahil madali di maglawuy ti manga mag-akitan sa mata, dapat unman gid may katapusan ti manga unman mag-akitan sa mata.

2 Kurintu 5:8

Mabisug kanmi naisipan, daka mana kanmi gustu ighitan nimi inda pag bilug kanmi pag-ulian, hampay manahanan kami ati sa arani Panginuun.

Galasya 4:26

Dapat ti Hirusalim taga langit imaw ti bukun panawuhun, siya bilang ga kanta yi ina.

Ipisu 2:19

Nakan ngani, kamu pag manga balaw Hudiyu, balaw yi kamu day-uhan ngatay taga iba rugar, nu unman kasimanwa ngap manga pinili Diyus ag minsan sa kay magtal-anakan.

Ipisu 2:6

Dahil sa kanta pakiusa sa kan Kiristu Hisus binuhi uman kita Diyus kaibahan ni Kiristu, pinatukaw kita kaibahan niya sa langit.

Pilipus 1:10

Nu katida madunung kamu magpili sa pinakamayad. Bag-u kamu manga malumpiyu yi ag unman may ikasabi sa kaudasan aban nu rumas-ug si Kiristu.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Kulusas 1:5

Dahil may pag-asa kamu makarubtan niyu ti manga inalistu para sa kanyu ati sa langit. Nasalman yi niyu ti tungkul sa pag-asahan niyu inda pagka itinudlu sa kanyu ti tutuu pag barita Diyus, imaw ti Mayad pag Barita.

1 Tisalunika 1:10

ag hampay alagdun niyu kay Anak si Hisus ginan sa langit. Binuhi uman Diyus si Hisus ginan sa kamatayan. Siya diman ti rumibri sa kanta sa kay kaudasan sintinsiya Diyus aban.

1 Tisalunika 4:16

Ati katpung pag udas aban, dumugsun ti Panginuun ginan sa langit may matnug pag sugu. Madnugan nita bumagaw ti pangulu anghil ag tumunug ti turumpita Diyus. Bag-u ti manga namatay nu nagsarig sa kan Kiristu imaw ti buhiun dapu.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 12:22

Dapat ay kamu nagpakarani sa bantud Siun ag sa banwa Diyus buhi, imaw ti Hirusalim sa langit, sa may udyi mabilang pag kadamlan manga anghil. Magpakiusa yi kamu sa masulung pag katipunan,

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.