Pilipus 3:19 - Hanunuu

¹⁹ Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

Pilipus 3:19 Iomraidhean Croise

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Kanta 52:1

Kamu pag manga makapangyarihan pag manga tawu, hayga pag-ipadayaw niyu kanyu kadautan? Unman aw lugud ti Diyus mayad pirmi sa kanyu?

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Isikil 34:3

Pag-inmun niyu kanda manga gatas, pagbuwatun rutay kanda manga bulbul, bag-u pag-iyawun ti pinakamayad sa kanda, dapat unman niyu sida pag-alagaan.

Husyas 4:7

Mintaras magyamu kamu pag manga manughandug, magyamu diman waydi kanyu kasalanan sa kangku. Nakan buwatun niku makakaray-a kanyu pag-ipadayaw.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

Malakyas 1:12

Dapat kamu, pagpakay-ahun niyu kang ngaran magkumun kamu mauring kang harandugan ag unman may pulus ti manga pag-isagda ati.

Matiyu 16:23

Napasrangu si Hisus sa kan Pidru magkun, “Pagpakarayu yi kawu, Satanas! Mag-ampara kawu sa kang turunu. Ti kanmu pag-isipun bukun angay sa Diyus nu unman angay lang sa tawu.”

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Lukas 12:19

Bag-u sumabi sa kang sadili bilug, mayamu yi kang kasiyunan kinarinu sa kang butangan, kang-ud sa mayamu pag timpu. Magpahari aku kang bilug, kumaun, uminum, magbaya waya aku.’

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.

Lukas 18:4

“Sa kabag-u nagbugya ti talaghusay, dapat sa kadugayan panahun magkun siya sa kay sadili, ‘Madi aku unman maggalang sa Diyus, unman diman waydi maggalang sa tawu,

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

Ruma 6:21

Hintay nguna pag masulung kanyu nakitan ati katpung? Tunda lang pag manga buwat kanyu pag-ikay-a taynguna, dahil kay patabgan ngani kamatayan.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

1 Kurintu 5:2

Bag-u kamu manga palabi-labihun di, ag unman kamu magruku nu nagkasala ti usa ka patar-ari, hampay mipalwas mana ginan sa kanyu ti nagbuwat katunda pag kasalanan.

1 Kurintu 5:6

Unman mayad kanyu magpadayaw-dayaw. Unman aw niyu alam una diit lang pag pamadaka, magpahabuk sa pinkul arina.

2 Kurintu 11:12

Dapat iparargu di gid niku kang pagbuwatun inda hampay balaw masabi manga magpadayaw sa kanda buruwatun kuntay kanda pagsirbi parihu diman sa kanmi pagbuwatun.

2 Kurintu 11:15

Nakan ngani balaw paglingutan nu kay manga suruguun ni Satanas magpanaguabi waydi kuntay sida manga manugsirbi sa katadlungan. Kanda patabgan aban angay lang sa kanda pagbuwatun.

Galasya 6:13

Una ti manga nagpaturi unman diman waydi magtupad sa Kasuguan. Kanda lang gustu sida ti dayawun manga iba nu kamu magpaturi waydi, nakan kamu kanda gid pagpilitun.

Pilipus 2:21

Dahil ti pagsipagan manga iba kanda lang sadili pangailangan, unman tungkul sa kay buruwatun ni Hisu-Kiristu.

Kulusas 3:2

Isip-isipa gid niyu ti manga bagay sa langit, balaw manga bagay sa babaw daga.

2 Tisalunika 1:9

Inda aban ti sintinsiya sa kanda, atag sida sa unman may katapusan pag kadamhakan ag miblag sida sa Panginuun hanggan sa kadayawan niya kamaskihan.

2 Tisalunika 2:12

Nakan ngani masintinsiyahan Diyus sa kaparusahan ti tanan tawu magdayu magpaniwala sa katutuuhanan, bagkus ngap binaya nida ti kadautan.

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

Santiyagu 4:16

Dapat kamu magpalabi-labi, magpayabang-yabang. Tunda ngap duy daut.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

2 Pidru 2:13

Tunda yi ngani kay bayad sa kanda mag-api sa manga iba. Sigi lang kanda magbuwat kadautan una sirang hampay masunud lang kanda kagustuhan bilug. Daka gid pag kakay-ahan, subra gid kanda magpuya nu makitan sida sa kanyu karaw-an magsaru sa kanyu karan-an. Magbaya sida nu madaya lang nida kamu.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

Hudas 1:10

Dapat tunda pag manga tawu magmuransa ngap sa unman nida magkasalman. Ti manga bagay kanda yi nataw-an parihu ga manga hayup unman may buut, imaw yi kanda paggamitun sa ikadamhak nida.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Ipinakakit 18:7

Nu kabitay siya magpadayaw-dayaw sa kay kayamanan ag magpalabaw-labaw, katunda diman ipakaun niyu sa kanya ti mahigpit pag kakurian hanggan karukuan bilang patimbang. Dahil pirmi pagpakaisip-isipun niya magkun, ‘Rayna yi gid aku tutuu, balaw aku buranday, udyi aku may malakawan karukuan hanggan waya aban.’

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.

1 Samwil 2:29

Taynguna, hayga kanyu waya pagpakialaman ti manga handug para sa kangku? Hayga paggalangun nimu kanmu manga anak subra man sa kangku? Pinasugtan nimu sida magpatabul sa kanda sadili sa magpakakaun pinakamarinu pag taguban handug manga Israilita para sa kangku?