Pilipus 3:18 - Hanunuu

¹⁸ Pirmi kang sinabi sa kanyu ag maglumi aku sa kang tagipusuun sa kang magsabi maan sa kanyu kuntay mayamu tawu mag-ugali maglaban sa kamatayan ni Kiristu sa kurus.

Pilipus 3:18 Iomraidhean Croise

Kanta 119:136

Masyadu gid kang maglumi dahil unman pagsundun manga tawu kanmu kasuguan.

Isayas 8:11

Mahigpit aku pinasandaman Panginuun kuntay danga niku paghuwada ti palakaw manga kasimanwa niku.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Libitiku 13:8

Nu ungud tutuu nan-amat kay garis, ipaalam maan manughandug kuntay mauring siya dahil may imaw siya magmaliw pag sakit sa lukub.

Lukas 19:41

Pagka arani yi si Hisus ag magkaalantaw niya ti banwa Hirusalim, linumian niya ti banwa,

Binwat 20:19

Lubus yi gid sa pakumbaba aku nagtupad sa buruwatun Panginuun, nanlumi aku sa kang tagipusuun, nag-agwanta sa aduk pagsubuk, dahil pirmi paggayakun aku matyun manga Hudiyu.

Ruma 9:2

masyadu kang karukuan balaw mab-ul kang mag-asaydan sa kang tagipusuun, tungkul sa kang manga kanasyun, sa kang manga kasimanwa. Mayad waya abi sa kangku nu saadan yi lang aku miblag ginan sa kan Kiristu basta maribri mana sida.

1 Kurintu 1:18

Ti barita tungkul sa kan Kiristu kamatayan sa kurus ga unman may kabuluhan nu sa manga tawu atag sa kaparusahan. Dapat sa kay kamatayan ngap ni Kiristu pag ipinakilala Diyus kay kamaskihan sa kanta sa manga pag-iparibri niya.

1 Kurintu 6:9

Unman aw waya lugud niyu alam ti manga magbuwat kalukuhan dayu masakup sa kay paghari Diyus. Danga kamu magsarig, dahil ti manga magpanguragin, ti manga magsamba sa diyus-diyusan, ti magpamabayi hanggan ti magpanlalaki, tigkaraibgan sa kaparihu lalaki,

2 Kurintu 11:13

Bukun sida tutuu pag manga apustul. Magdaya lang sida. Magpanaguabi sida kuntay manga apustul ni Kiristu.

2 Kurintu 11:29

Nu may linmumuy sa kay pagsunud, aku magpakidamay sa kay kalumuyan. Nu may nalagpak sa kasalanan, subra yi kang karukuan sa kang tagipusuun.

2 Kurintu 2:4

Sa kabag-u niku surat sa kanyu nanlumi aku sa kang tagipusuun, maruku gid aku, balaw diit pagka luwa ti binmulus ginan sa kang mata sa katpung kang magsurat sa kanyu tabug. Sinuratan niku kamu balaw kuntay pakan-an kamu karukuan nu unman hampay ipakilala sa kanyu nu kabitay kay kadaka kang pagmahal sa kanyu.

Galasya 1:7

Nu sa ungud udyi may iba waya mayad pag barita. Nakan lang gid may manga maggulu sa kanyu. Kanda gustu umanun ti Mayad pag Barita tungkul sa kan Kiristu.

Galasya 2:14

Pagka nakitan niku unman sida maglakaw sa katutuuhanan Mayad pag Barita, sinabi niku sa kan Pidru sa atubangan nida tanan magkun, “Nu kawu Hudiyu mag-ugali parihu sa balaw Hudiyu, ag bukun yi ga usa ka Hudiyu, kabitay pag mapilit nimu ti manga balaw Hudiyu mag-ugali parihu sa manga Hudiyu?”

Galasya 2:21

Balaw pagbul-an niku halaga kay pangaawa Diyus sa kangku. Nu abi pagkilalan-un Diyus ti tawu kuntay siya matadlung dahil sa kay magtupad sa Kasuguan, unman yi may pulus kay kamatayan ni Kiristu.

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

Galasya 6:12

Tunda pag manga tawu ti magpilit sa kanyu hampay magpaturi, magkaibug lang sida magpakakit-kakit sa manga iba. Pagbuwatun nida tunda, hampay sida balaw pag-unuunuhun ga mangyari nu abi pag-itudlu nida ti kahulugan kamatayan ni Kiristu sa kurus.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Pilipus 1:4

Sa kada aku magdarangin, pirmi masulung aku magdarangin tungkul sa kanyu tanan.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

2 Tisalunika 3:11

Pagsabihun nimi inda dahil nabaritaan nimi ti iba sa kanyu mag-ugali sa bugyahin, dayu magtrabahu, nu unman maralabut sa magkabuhi iba.

2 Pidru 2:10

Lalu gid parusahan aban ti manga mag-ugali angay lang sa sadili nida kagustuhan sa daut pag naisipan hanggan sa mahalay ag unman madunung magpanagunsirung sa may kangaranan. Manga paranghasin tunda pag manga pudilun pag manga manugtudlu, manga palabi-labihun. Unman paggalangun nida ti manga makapangyarihan sa langit, bagkus ngap kanda paglibakun.

Hudas 1:13

Sida ga manga humbak sa dagat, pagbulwatun nida kanda kahalayan, ga manga talang pag pamgasan. Kanda patabgan pihu gid atag sa masyadu kadudulman hanggan aban.