Pilipus 3:14 - Hanunuu

¹⁴ Nakan magparargu aku sa katugkaan hampay tanggapun niku ti pirimyu, nu magtawag yi aban ti Diyus sa kangku ag butungun aku ni Kiristu Hisus tabug sa langit.

Pilipus 3:14 Iomraidhean Croise

Lukas 16:16

“Ti Kasuguan ni Muysis hanggan ti Kasuratan manga purupita tugka lang sa kan Huwan Manugtulbaw. Siyun ginan pag-itudlu yi ti Mayad pag Barita tungkul sa kay paghari Diyus. Magpilit ti kada tawu hampay makapasakup siya sa kay paghari Diyus.

Ruma 11:29

Dahil ti Diyus unman magkauman kay inisip tungkul sa kay manga ipinakaun pag kaayadan hanggan tungkul sa kay manga pinili pag manga tawu.

1 Kurintu 9:24

Alam diman niyu nu may mag-urunahan, magpalagiw sida tanan dapat usa lang ti makatanggap pirimyu. Nakan ngani kaayad nu magpalagiw hampay matanggap niyu ti pirimyu.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

Hibriyu 6:1

Nakan danga yi kanta pag-adalan ti nalawyan yi pag manga adal tungkul sa kan Kiristu. Pagparargu yi kita ilubus nita kanta tudlu. Danga yi balikan nita ti kabag-u itinudlu tungkul sa pag-ampu sa manga unman may kabuluhan pag tarabahu, hanggan tungkul sa pagsarig sa Diyus,

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.