Pilipus 3:10 - Hanunuu

¹⁰ Kang gustu lang gid makilala si Kiristu, maungdan ti kamaskihan niya pagkabuhi uman ag masaydan niku kay kakurian ag miparihu aku sa kanya hanggan sa kay kamatayan.

Pilipus 3:10 Iomraidhean Croise

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Matiyu 20:23

Sinabi ni Hisus sa kanda, “Ungud gid inman niyu aban kang ungut may kakurian. Dapat balaw aku ti may karampatan magpili nu si unu ti tumukaw sa kang sikun una sa kang wala. Tunda para sa manga inalistuhan niku Ama.”

Huwan 10:18

Unman may tawu bum-ul kang buhi, buluntadan ngap kang ipakaun. May kapangyarihan aku mamatay, may kapangyarihan diman aku hampay mabuhi uman. Inda yi ngani ti ibinilin niku Ama sa kangku hampay kang tupadun.”

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

Ruma 8:36

Angay sa isinurat sa Banal Kasuratan magkun, “Alang alang sa kanmu, madala yi lang kami matyun ginan sa surip hanggan sa malambung. Inunu-unu kami ga manga karanidu maratyun.”

2 Kurintu 1:10

Irinibri niya kami sa pingit pag kamatayan, ag parargu niya kami irinibri. Una ngap hanggan kainda kay di iribri kami. May pag-asa di kami una aban kay di iribri kami.

2 Kurintu 1:5

Angay sa kanta magpakiusa sa kan Kiristu sa kay kakurian, katunda waydi pag maariwaya kanmi pagtanggapun ginan diman sa kan Kiristu.

2 Kurintu 13:4

Malumuy siya sa kay nipaku sa kurus, dapat ti kamaskihan Diyus ti nagbuhi maan sa kanya. Dahil sa kanmi magpakiusa sa kan Kiristu kami hanggan malumuy waydi, dapat ti kamaskihan Diyus magpakaun sa kanmi kay buhi ni Kiristu hampay matupad nimi kanmi buruwatun tungkul sa kanyu.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 6:17

Bag-u inda wadi kang pagsabihun, una si unu danga yi dugangan niya kang aragwantahun. Hustu yi kang manga latu hampay makilala aku kay panawuhun ni Hisus.

Ipisu 4:13

Nu katunda kita tanan magkarausa aban sa kanta pagsarig hanggan sa kanta pagkilala sa Anak Diyus. Bag-u udyi may ikasabi sa kanta, parihu sa kan Kiristu, unman yi may kakurangan una di.

Pilipus 3:8

Balaw lang kang pagtupad sa Kasuguan, hanggan ti tanan pag manga buruwatun kang sinipagan kaybi pag-isipun niku udyi gid ngap mahalaga sa kangku taynguna. Dahil ti pinakamahalaga sa kangku kang pagkilala hanggan kang pakiusa sa kan Kiristu Hisus sa kang Panginuun. Dahil sa kanya dinayu yi niku ti tanan pag manga bagay, ga paruk yi lang balaw yi pagpahalagahan niku hampay sa kangku yi si Kiristu, imaw ti tutuu gid mahalaga,

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

Kulusas 3:1

Kamu binuhi uman kaibahan ni Kiristu. Nakan pagkaibgi niyu ti ihinanda Diyus sa kanyu ati sa langit, ati si Kiristu nakatukaw baliwa sa sikun Diyus nakapaminsan sa kay karampatan maghari.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

2 Pidru 1:13

Unman may gustu aku mag-apas kang magpaalaala sa kanyu hanggan aku buhi waya hampay unman malimtan niyu.

1 Huwan 2:3

Nu tupadun nita kay manga sugu, pihu masabi nita siya kanta pagkilalan-un.

1 Huwan 2:5

Dapat una hintay pag tawu nu magtupad sa kay Bagaw Diyus, tutuu lubus yi kay pagmahalun ti Diyus. Nu katida, alam yi nita, kita sa kanya yi ngani.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.