Pilipus 3:1 - Hanunuu

¹ Inda waya duy, manga patar-ari, kang mana sabihun sa kanyu, pagbaya kamu dahil sa kanyu pakiusa sa Panginuun. Una kas-a waya kang ulitun kang isinurat sitay, unman may makuri sa kangku. Dapat imaw ngap tigparig-un sa kanyu.

Pilipus 3:1 Iomraidhean Croise

1 Krunika 15:28

Nakan dinara tanan Israilita ti Kaban Kasunduan Panginuun may huruyawan, pagpatunug sa manga turumpita, manga budyung ag manga simbals, ag pagpatnug sa manga lira ag manga alpa.

1 Krunika 16:10

Dayawa niyu kay kabanalan. Pagmasulung kamu pag manga magdangup sa kanya.

1 Krunika 29:22

Nangaun sida ag nanginum masulung sa atubangan Panginuun sa ati pag sirang. Ag ibinarita maan nida kuntay hari si Sulumun anak ni Dabid. Pinayidan si Sulumun lana sa atubangan Panginuun bilang hari, ag pinayidan waydi si Saduk bilang manughandug.

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Hub 22:26

Bag-u malakawan nimu ti kabayaan ginan sa Makamaskihan Diyus, ag balaw kawu mangay-a pumakarani sa kanya.

Kanta 149:2

Pagbaya ti manga taga Israil dahil sa kanda Manuglalang. Pagbaya ti nasakupan Siun dahil sa kanda Hari.

Kanta 32:11

Kamu pag manga matadlung, pagmasulung ag pagbaya sa Panginuun. Kamu pag manga magkabuhi sa hustu, paghuyaw kamu sa kabayaan!

Kanta 33:1

Kamu pag manga matadlung, paghuyaw kamu sa kabayaan dahil sa binwat Panginuun sa kanyu. Kamu pag manga magkabuhi sa hustu, kailangan dayawun niyu siya!

Kanta 37:4

Sa Panginuun nimu hanapun kanmu kabayaan ag iayaw niya kanmu pagkaibgan.

Kanta 42:4

Mag-alangan kang buut nu magkaimatun-an niku kaybi pagpangunahan niku ti mayamu pag manga tawu atag sa kanmu Balay. ag magdaus kami may huruyawan sa kabayaan ag pagpasalamat sa kanmu.

Kanta 5:11

Dapat makabaya mana ti tanan maghagad awat sa kanmu. Mana kumanta sida sa kabayaan hanggan aban. Alagai sida ti magmahal sa kanmu hampay makabaya sida dahil sa kanmu binwat sa kanda.

Kanta 97:1

Maghari ti Panginuun! Nakan pagbaya ti kalibutan, hanggan yi ti manga puru.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 65:14

Manganta sida sa kabayaan, dapat kamu lumumi sa karukuan hanggan sa daut pag nalub-anan.

Huwil 2:23

Kamu manga taga Siun, pagbaya kamu sa binwat Panginuun niyu Diyus sa kanyu. Dahil pinadarahan niya kamu un-an pag uran ag nadasnan waya tunda parihu sa kabag-u agud mipakakit kay katadlungan.

Sipanyas 3:14

Magkun si Sipanyas, “Kamu pag nasakupan Israil, paghuyaw kamu sa kabayaan! Kamu pag manga nasakupan Siun, ti banwa Hirusalim, pagkanta kamu ag pagbaya sa buu tagipusuun!

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Sakaryas 10:7

Ti nasakupan Israil bumaliw parihu sa mabaskug pag sundalu. Bumaliw masulung sida parihu sa nakainum irinmun makalangu. Maalaala nida manga linahi inda pag panalu ag makabaya sida dahil sa kang binwat.

Matiyu 5:12

“Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

Lukas 1:47

Nakabaya kang tagipusuun sa Diyus, sa kang Manugribri.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Diyuturunumiyu 12:18

Kan-un lang niyu inda sa atubangan Panginuun niyu Diyus ati sa rugar kay piliun kaibahan kanyu manga anak, manga panawuhun, ag manga Libita mag-uli sa kanyu manga banwa. Magbarayaan kamu ati sa atubangan Panginuun niyu Diyus sa tanan niyu buruwatun.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

Pilipus 4:8

Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

1 Tisalunika 4:1

Usa sa siyun, manga patar-ari, magpaalam waya mana kami kanmi paanyu sa kanyu dahil sa kanta pakiusa sa Panginuun Hisus. Kailangan kanyu ugali pag-angay sa kanyu nataw-an ginan sa kanmi hampay lalu waya sa ikabaya Diyus. Imaw yi kanyu ugali dapat paglalu waya gid sa ikabaya Diyus.

1 Tisalunika 5:16

Pagbaya kamu pirmi.

Santiyagu 1:2

Manga patar-ari niku, pagbaya kamu lubus nu kamu makalakaw sa tuhay-tuhay pag manga subuk.

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 4:13

Lalu kailangan gid kamu pagbaya sa kanyu magpakidamay sa kakurian ni Kiristu, hampay nu ipaburayhaw yi aban kay kadayawan ni Kiristu, kamu lubus yi sa kabayaan.

2 Pidru 3:1

Inda yi ngani duy manga patar-ari kang ikadwa pag surat tabug sa kanyu. Sa duwa ka surat niku inda pagpulawun niku kanyu mayad pag naisipan, pagpaala-alahanan niku kamu.

1 Samwil 2:1

Nandarangin si Hana magkumun, “Magbaya aku sa Panginuun. Dahil sa kay binwat, nadura yi kang magkay-a. Pagkasarin-an niku taynguna kang manga kalaban. Magbaya aku sa kay pagribri sa kangku.