Pilipus 2:9 - Hanunuu

⁹ Nakan ngani pinakan-an siya Diyus mataas gid sa tanan pag karampatan. Siya pinakan-an ngaran subra waya sa tanan pag ngaran.

Pilipus 2:9 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Kanta 110:1

Magkun ti Panginuun sa kang Panginuun, “Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.”

Kanta 110:5

Ti Panginuun asan sa kanmu arani; parusahan niya ti manga hari sa udas ipakakit niya kay pangagalit.

Kanta 89:27

Kilalan-un niku siya kang panganay pag anak, ti pinakamakapangyarihan sa tanan pag hari.

Kanta 91:14

Magkun ti Diyus, “Iribri niku ag alagaan ti magmahal ag magkilala gid sa kangku.

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Lukas 10:22

Ipinabahala niku Ama sa kangku ti tanan manga bagay. Unman may nakakilala sa Anak nu unman ti Ama lang. Unman waydi may nakakilala sa Ama nu unman ti Anak lang, hanggan una hintay ti piliun Anak hampay ipakilala sa kanya ti Ama.”

Huwan 13:3

Daan alam di ni Hisus ipinakaun Ama sa kanya ti tanan pag kamaskihan. Alam diman waydi ni Hisus siya ginan sa Diyus ag siya umighit sitay ginan atabug maan sa Diyus.

Huwan 17:11

Taynguna aku asantag yi sa kanmu, udyi aku sitay sa babaw daga. Sida waydi sitay di sa babaw daga. Amang banal, kanmu kamaskihan ti ipinakaun sa kangku imaw ti umingat sa kanda. Ingatan nimu sida hampay sida magkausa, parihu ga kanta urusa diman.

Huwan 17:12

Pagka aku sa kanda di waya, iningatan niku sida sa kapangyarihan nimu ipinakaun sa kangku. Unman may nidamhak sa kanda purya lang tunda pag usa ka tawu ti daan ihinanda para tabug sa kadamhakan hampay matupad ti isinurat sa Banal Kasuratan.

Huwan 17:5

Amang, taynguna pakan-an nimu aku kadayawan sa kanmu atubangan ga kaybi diman kang kadayawan asan sa kanmu, pagka udwaya nalalang ti kalibutan.

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

2 Tisalunika 1:12

Nu katunda mapakan-an niyu kadayawan ti ngaran Panginuun Hisus, kamu diman hanggan pakan-an waydi kay kadayawan angay sa kay pangaawa Diyus hanggan nita Panginuun Hisu-Kiristu.

Hibriyu 1:4

Lalu gid mayad pag ngaran ti ipinakaun Diyus sa kay Anak, balaw lang ga sa manga anghil, nakan lalu gid mayad siya sa manga anghil.

Hibriyu 1:9

Minayad nimu ti katadlungan ag kinagalitan nimu ti kadautan, nakan ti Diyus, kanmu ngani Diyus, ti nagpili sa kanmu ag balaw sa kanmu manga kaibahan. Binuhusan kawu lana hampay kawu maghari yi may kabayaan.”

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 2:9

Dapat ay mag-akitan nita si Hisus, ti binwat Diyus ababa man sa manga anghil ngalay-ngalay lang. Taynguna bay pinakan-an siya karampatan sa maghari may kadayawan hanggan kagalangan, dahil nakalakaw siya kamatayan. Sa kay lubus pangaawa Diyus, nakan namatay si Hisus para sa kada tawu.

1 Pidru 3:22

Nag-atag siya sa langit, baliwa sa sikun Diyus. Siyun yi ngap siya pag maghari sa manga anghil, imaw ti manga may kangaranan hanggan kamaskihan sa langit.

2 Pidru 1:17

Ipinakaun yi Diyus Ama sa kanya ti kadayawan hanggan kapurihan sa katpung may nagbagaw ginan sa mamaski pag kadayawan sa langit magkun, “Inda kang pagmahalun gid pag Anak, siya lubus kang pagkaawaan.”

3 Huwan 1:7

Linmakaw ngani sida dahil sa kanda magpasakup sa kay ngaran ni Kiristu. Unman sida nagtanggap una hintay pag awat ginan sa manga tawu unman magpasakup sa Diyus.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

Ipinakakit 5:12

Magkarantahan ti manga anghil magkun, “Ti Anak Karanidu ti minatay, nakan siya ti may karampatan makatanggap kamaskihan, kayamanan, kadunungan hanggan kabisugan, paggalang, kadayawan hanggan kapurihan.”