Pilipus 2:8 - Hanunuu

⁸ Pagka siya nabilug tawu, nagpakumbaba siya, masurundun siya hanggan tugka sa kamatayan. Sa kurus paman pag namatay.

Pilipus 2:8 Iomraidhean Croise

Kanta 22:16

Pinalibutan aku kaban daut pag manga tawu parihu sa manga idu. Binuslutan nida kang manga kamang hanggan manga lulud.

Kabagawan 15:33

Ti paggalang sa Panginuun ikadunung gid tawu, ag ti pagpakumbaba makapakaun kadayawan.

Matiyu 17:2

Pagka sida siyun nakitan nida nagtuhay gid kay histuda ni Hisus. Kay uyahun nagsinglaw ga init, kay manga rutay ga magsiriak-siak yi sa kay kalagti.

Matiyu 26:39

Pagka napakarayu siya diit, napadapa siya nagdarangin magkun, “Amang, nu mahimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti kailangan masunud.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Lukas 9:29

Pagka siya magdarangin di waya nagtuhay yi kay uyahun, kay rutay malagti sinminglaw.

Huwan 10:18

Unman may tawu bum-ul kang buhi, buluntadan ngap kang ipakaun. May kapangyarihan aku mamatay, may kapangyarihan diman aku hampay mabuhi uman. Inda yi ngani ti ibinilin niku Ama sa kangku hampay kang tupadun.”

Huwan 14:31

Dapat kailangan maintindihan manga tawu sa kalibutan kuntay pagmahalun gid niku kang Ama, nakan pagtupadun niku kay manga ibinilin niya sa kangku. Atag yi kita duy, tag yi sa luwas.”

Huwan 15:10

Nu tupadun niyu kang manga bilin, balaw yi kamu miblag sa kang pagmahal sa kanyu. Parihu diman ga kang magtupad sa manga bilin niku Ama, unman diman aku miblag sa kay pagmahal sa kangku.

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Binwat 8:33

Binul-an yi lang siya halaga udyi may nagpabliwa sa kanya. Unman may mitultul tungkul sa kay linahi, dahil binugtas kay kinabuhi sitay sa babaw daga.”

Ruma 5:19

Dahil sa kay naglapastangan usa ka tawu, mayamu tawu ti binmaliw makasalanan. Katunda waydi mayamu tawu ti kinilala Diyus kuntay manga matadlung sa panab-anan masurundun ni Kiristu sa kagustuhan niya Ama.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Diyuturunumiyu 21:23

kailangan danga maabutan surip ti bangkay ati sa kayu. Kailangan ilbung niyu inda sa tunda diman pag sirang, dahil una si unu ti ibinitin sa kayu sinaadan Diyus. Danga niyu pag-uringi ti pag-ipakaun Panginuun niyu Diyus pag daga sa kanyu bilang mana niyu.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 12:4

Sa kanyu maglaban sa kasalanan, udwaya nabuhus kanyu dugu sa kamatayan.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.