Pilipus 2:7 - Hanunuu

⁷ Dapat tinalikdan dapu niya tunda tanan-tanan, pinili niya ti pagkapanawuhun, nagpaparihu sa manga tawu ag nakitan siya sa histuda tawu.

Pilipus 2:7 Iomraidhean Croise

Kanta 22:6

Pagpakay-ahun aku ag pagpuyaan manga tawu. Magkun sida ga iyay aku ag balaw tawu.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 49:3

Magkun siya sa kangku, “Israil, kawu kang manugsirbi. Sa panab-anan nimu, galangun aku manga tawu.”

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Sakaryas 3:8

Taynguna, pagpatingi kawu, Huswi pangulu manughandug: Kawu hanggan ti manga kaparihu nimu manughandug tanda sa manga pararas-ugun mangyari. Itultul niku kang suruguun pag-ingarnan Sanga.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Markus 9:12

Sinmagut si Hisus magkun, “Sumitay ngani dapu si Ilyas hampay kay ialistu ti tanan manga bagay. Dapat kang pagsabihun sa kanyu, nagsitay yi ginan si Ilyas ag binwat yi manga tawu sa kanya ti nagustuhan nida angay sa isinurat sa Banal Kasuratan tungkul sa kanya. Dapat hayga pagsabihun Banal Kasuratan magkun aban ti Anak Tawu kailangan umagwanta waydi sa mayamu kakurian ag dayuun siya manga tawu?”

Lukas 22:27

Dahil si unu ti lalu mataas ngatay ti matukawan sa puun lamak, aw ngatay ti manugtindug? Unman aw ti matukawan sa puun lamak? Dapat aku sa kanyu karaw-an parihu sa manugtindug.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Ruma 1:3

Inda pag Mayad pag Barita tungkul ngani sa kay Anak, sa kan Hisu-Kiristu, kanta Panginuun. Nu angay sa kay pagkatawu si Hisus inanak ginan sa kay linahi ni Dabid. Dapat ay nu angay sa kay pagka-Diyus, ipinakilala siya yi ngap ti Anak Diyus may kamaskihan, pagka siya nabuhi uman ginan sa kamatayan.

Ruma 15:3

Si Kiristu unman diman nagsadili kasulungan. Bagkus ngap angay sa isinurat sa Kasuratan magkun, “Sa kanda magpuya mana sa kanmu, aku ngap ti pinuyaan nida.”

Ruma 15:8

Pagkumnun niku sa kanyu, si Kiristu ti nagsirbi sa manga Hudiyu hampay kay ipakilala niya ti Diyus masarigan, magtupad sa kay manga itinaratu sa kanda ginurang,

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

2 Kurintu 13:4

Malumuy siya sa kay nipaku sa kurus, dapat ti kamaskihan Diyus ti nagbuhi maan sa kanya. Dahil sa kanmi magpakiusa sa kan Kiristu kami hanggan malumuy waydi, dapat ti kamaskihan Diyus magpakaun sa kanmi kay buhi ni Kiristu hampay matupad nimi kanmi buruwatun tungkul sa kanyu.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,

Pilipus 2:6

Si Hisus daan diman Diyus, unman kailangan maghinaum magpaparihu sa Diyus.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 13:3

Pagpadamay kamu sa manga napirisu ga kamu diman napirisu kaibahan nida. Pagpasunaid kamu sa kanyu sadili bilug tungkul sa manga pag-unuunuhun.

Hibriyu 4:15

Kanta pangulu manughandug sa Balay Diyus makapasunaid di gid sa kanta kalumuyan. Dahil sinubukan siya sa tanan paraan parihu diman ga kanta, dapat unman gid siya nagkasala.