Pilipus 2:5 - Hanunuu

⁵ Kailangan kanyu ugali naisipan pagga kan Kiristu Hisus waydi pag ugali naisipan.

Pilipus 2:5 Iomraidhean Croise

Matiyu 11:29

Paulian niyu sa kanyu liug kang singkaw, pagpatudlu kamu sa kangku, dahil maalumanay aku ag mapinakumbabaun pag tawu bag-u makakit kamu kahusayan sa kanyu buhi.

Lukas 22:27

Dahil si unu ti lalu mataas ngatay ti matukawan sa puun lamak, aw ngatay ti manugtindug? Unman aw ti matukawan sa puun lamak? Dapat aku sa kanyu karaw-an parihu sa manugtindug.

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 20:35

Sa tanan niku binwat pinakakitan niku kamu usa ka mustara. Pagkatida diman kamu pagbudlay hampay awatan niyu ti manga malumuy. Danga malimtan ti binagaw Panginuun Hisus magkun, ‘Lalu masulung ti magpakaun, balaw lang ga pinakan-an.’ ”

Ruma 14:15

Nu sa kanmu pagkan-un pag karan-unun magkabyatan ti tagipusuun nimu patar-ari, unman yi angay sa pagmahal ti kanmu pagbuwatun tunda. Si Kiristu namatay para sa kanya, nakan ngani danga ipadamhak nimu siya ginan lang sa kanmu pagkan-un.

Ruma 15:3

Si Kiristu unman diman nagsadili kasulungan. Bagkus ngap angay sa isinurat sa Kasuratan magkun, “Sa kanda magpuya mana sa kanmu, aku ngap ti pinuyaan nida.”

Ruma 15:5

Pagsa kanyu ti Diyus, imaw ti nagpakaun sa kanyu matiniisun hanggan marig-un pag naisipan hampay kay awatan kamu sa kanyu pagkarausa angay sa kay mustara ni Kiristu,

1 Kurintu 10:33

Pagga kangku diman waydi, pagdahanan niku kang ugali sa unman may ikasabi una si unu. Unman paghanapun niku kang sadili ikamayad, nu unman ti paghanapun niku ti ikamayad kayamuan tawu hampay iribri sida.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

1 Pidru 2:21

Imaw yi ngani kay turunu Diyus sa kanyu pagka kamu pinili niya. Si Kiristu diman nagtiis para sa kanyu, pinakakitan niya kamu mustara hampay kanyu huwadun.

1 Pidru 4:1

Nag-agwanta si Kiristu sa kakurian sa kay buhi sitay sa babaw daga, nakan ngani una kamu pag-alistu sa kanyu naisipan hampay mag-agwanta waydi. Dahil ti tawu nu mag-agwanta sa kakurian sa kay buhi sitay sa babaw daga, napatlikud yi siya ginan sa kasalanan.

1 Huwan 2:6

Nu magsabi ti tawu magkun, pirmi siya magpakiusa sa Diyus, kailangan pagga kan Hisus diman waydi kay ugali.