Pilipus 2:3 - Hanunuu

³ Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

Pilipus 2:3 Iomraidhean Croise

Kabagawan 13:10

Sa subra pagpadayaw, may manga tawu unman magpatingi sa patigayun, ag inda pagpun-an kaguluhan. Nu gustu nida dumunung kailangan pagpatingi sida sa patigayun.

Lukas 18:14

Magkun si Hisus, “Pagsabihun niku sa kanyu, nuli yi inda pag lalaki pinakan-an siya kahusayan sa atubangan Diyus, dapat tunda pag Parisiyu unman. Dahil ti kada magpalabaw-labaw ipaababa. Dapat tigpakumbaba, ipaabwat ngap Diyus.”

Ruma 12:10

Pagmalahalan kamu ga suud magtar-ari. Nu kabitay ti manga iba kanda pagpahalaga sa kanyu, paglalu waya daka kanyu magpahalga sa kanda.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

Ruma 2:8

Dapat mahigpit pag galit kay ganti Diyus sa manga magbuwat kaguluhan, sa manga dayu magpaniwala sa katutuuhanan, bagkus naniwala di ngap sa kadautan.

1 Kurintu 15:9

Aku ngani ti pinakaababa sa manga apustul, unman aku may karampatan ingarnan apustul, dahil inunu-unu niku ti iglisya Diyus.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:15

Dapat nu kamu ga hayup magkaragtan magsiribaan, barang mapapas kamu.

Galasya 5:26

Danga kita palabi-labihun, maraaway, danga kita maghirirakan.

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 5:21

Pagparasakupan kamu sa usa kag sa usa, tanda sa kanyu paggalang sa kan Kiristu.

Pilipus 2:14

Buwata niyu ti tanan pag manga bagay danga sa pilitan ag danga waydi sa barungbadu.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Kulusas 3:8

Dapat kainda, patlikudi yi niyu ti tanan inda, ti galit, ti pusuk yi pag isug, ti magkutub daut. Iwasi yi gid niyu ti pagmuransa, ti mayagting pag baragawun.

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”