Pilipus 2:29 - Hanunuu

²⁹ Kailangan tanggapun ngani niyu siya may daka pag kabayaan dahil magkarausa kamu sa kanyu pakiusa sa Panginuun. Ti katunda pag manga tawu kay buwat ga kanya kailangan pagpahalagaan gid niyu.

Pilipus 2:29 Iomraidhean Croise

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Lukas 9:5

Una naan pag banwa nu unman pagtanggapun kamu manga tawu, pag-ighit yi kamu siyun ginan, pagpaga niyu ti galbuk ginan sa kanyu manga lulud bilang puruyba sa kanda magdayu sa Diyus.”

Huwan 13:20

Ungud duy kang pagsabihun sa kanyu, tigtanggap sa una hintay pag tawu kang sinugu, magtanggap diman sa kangku. Tigtanggap sa kangku, kay tanggapun diman niya ti nagsugu sa kangku.”

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 28:10

Nakan pinakan-an nida kami mayamu pag kagamitan bilang kanda pasalamat sa kanmi. Pagka kami umighit yi ikinarga waya nida sa bangka una hintay kanmi kailangan balalunun.

Binwat 8:8

Nakan nakabaya gid ungud ti manga tawu ati pag banwa.

Ruma 10:15

Kabitay pag makatudlu una si unu nu unman siya pagsuguun? Angay sa nisurat magkun, “Anung, pag mangarinu pag lulud ti magdara Mayad pag Barita.”

Ruma 16:2

Tanggapun niyu siya dahil sakup siya sa Panginuun. Katunda diman kailangan matinanggapun ti manga nasakupan Diyus. Awatan niyu siya una sa unu pag kailangan niya dahil mayamu waydi patar-ari ti inawatan niya hanggan aku paman inawatan diman waydi niya.

1 Kurintu 16:10

Nu rumas-ug si Timutiyu asan sa kanyu kailangan kanyu tanggapun siya sa unman maruku siya kay naisipan. Dahil pagtupadun niya ti buruwatun Panginuun parihu diman ga kangku.

1 Kurintu 16:18

Pinasulung nida kang naisipan, pinasulung waydi nida kanyu naisipan. Pahalagai ngani niyu ti katunda pag manga tawu.

2 Kurintu 10:18

Ti mahalaga lang nu ti tawu pagbayaun Diyus. Ti magpadayaw sa kay sadili unman may kabuluhan.

2 Kurintu 7:2

Pakan-i niyu kami rugar una lang diit sa kanyu tagipusuun. Una kaybi ginan unman nimi inunu-unu, unman diman pinintasan, unman waydi hanggan dinaya nimi una si unu sa kanyu.

Pilipus 2:28

Nakan ngani kang gid gustu pag-atag siya sa kanyu hampay nu makakit kamu sa kanya, makabaya maan kamu ag hampay mab-ul waydi kang karukuan.

Kulusas 4:10

Pagkamustahun kamu ni Aristarku, parihu diman pinirisu kami. Pagkamustahun diman kamu ni Markus kay pinsan ni Birnabi. May bilin yi aku sa kanyu tungkul sa kan Markus, tanggapa niyu siya kaayad nu rumas-ug siya asan sa kanyu.

1 Tisalunika 5:12

Kami mana magpaanyu waya sa kanyu, manga patar-ari, galanga niyu ti manga magpangabudlay dahil sa kanyu, ti manga pinili Diyus hampay sida ti manugpatigayun ag manugtudlu sa kanyu.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

Hibriyu 13:17

Pagsunud kamu ag pagpasakup sa kanyu manga manug-asiwa iglisya, dahil sida ti may panagutan sa atubangan Diyus tungkul sa kanyu. Mag-alaga sida sa kanyu, dahil sida may panagutan sa atubangan Diyus tungkul sa kanyu. Nu kanyu sundun sida, masulung sida sa kanda magtupad sa buruwatun. Dapat nu unman, manruku sida ag balaw inda ikamayad niyu.

3 Huwan 1:10

Nakan sa kang mag-asan aban ipaalaala niku kay binwat tanan-tanan, kay manga pudil pag libak laban sa kanmi. Udwaya kang-ud tunda sa kanya. Dayi pagtanggapun niya ti manga patar-ari nu magsabang. Pag-amparahun waya niya bag-u pag-ipalwas waya niya sa iglisya ti manga may gustu magtanggap sa manga patar-ari magsabang ginan sa arayu.