Pilipus 2:26 - Hanunuu

²⁶ Mag-ayup yi gid siya sa kanyu tanan. Tutuu yi gid pinung-aw siya pagka naalaman niya kuntay nabaritaan niyu siya may sakit.

Pilipus 2:26 Iomraidhean Croise

2 Samwil 13:39

Pagka nakalawuy yi ti pagruku ni Hari Dabid sa kan Amnun, nanruku waydi siya sa kan Absalum.

2 Samwil 24:17

Pagka nakitan ni Dabid ti anghil magmatay manga tawu, magkun siya sa Panginuun, “Aku ti may kasalanan. Inda pag manga tawu parihu sa manga karanidu unman may nabwat kasalanan. Aku yi lang duy hanggan kang magtal-anakan ti parusahi nimu.”

Hub 9:27

Una nap-ut yi kang magdangup ag magpanrukuan ag magkasari yi aku,

Kanta 69:20

Nabyatan aku sa kanda magpakay-a sa kangku ag nag-alangan kang buut. Nangalagad aku hampay kaawaan, dapat unman gid may naawa. Nangalagad aku hampay may manpasulung, dapat unman gid may nagpasulung.

Kabagawan 12:25

Ti kaaburiduhan makaparuku sa kabayaan tawu, dapat ti mayad pag manga bagaw makapasulung sa kanya.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Matiyu 26:37

Dapat tinaban niya si Pidru hanggan kay duwa ka anak ni Sibidiyu sida ni Huwan, ni Santiyagu. Bag-u nanruku siya ag naarimputu sa kay tagipusuun.

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

Ruma 1:11

Magdumdum yi gid aku magtagasampaki sa kanyu hampay maayawan niku kamu kaluub Ispiritu pag kaayadan sa ikarig-un niyu.

Ruma 12:15

Pagpakibagay kamu sa manga magbaya, pagpakibagay diman sa manga maglumi.

Ruma 9:2

masyadu kang karukuan balaw mab-ul kang mag-asaydan sa kang tagipusuun, tungkul sa kang manga kanasyun, sa kang manga kasimanwa. Mayad waya abi sa kangku nu saadan yi lang aku miblag ginan sa kan Kiristu basta maribri mana sida.

1 Kurintu 12:26

Nu ti usa ka gamit bilug may mag-asaydan, ti tanan gamit minsan sa kanya magdungug kakurian. Nu ti usa ka gamit bilug pagdayawun, ti tanan manga gamit parihu magbaya minsan sa kanya.

2 Kurintu 9:14

Nakan ngani sa lubus nida pagmahal sa kanyu, kamu kanda idarangin dahil sa daka gid pag kaayadan kay ipinakaun Diyus sa kanyu.

Galasya 6:2

Pag-arawatan kamu nu may mabuyat pag dararan-un. Nu katunda kanyu buwatun, matupad niyu ti sugu ni Kiristu.

Ipisu 3:13

Nakan ngani kang pagsabihun sa kanyu, danga malubay kanyu naisipan dahil sa kakurian kang pag-agwantahun tungkul sa kanyu. Inda nakan sa ikadayaw ngap niyu.

Pilipus 1:3

Magpasalamat aku sa kang Diyus sa kada magkaisipan niku kamu.

Pilipus 1:8

Alam di Diyus tutuu kang pagsabihun nu kabitay kang maghanap sa kanyu tanan parihu ga kan Kiristu Hisus diman magmahal sa kanyu.

Pilipus 2:25

Dapat inisip niku pauliun sa kanyu kanta patar-ari si Ipapruditu. Parihu siya ga kangku manugtarabahu ag sundalu diman Diyus. Siya ti sinugu niyu hampay magdara kanyu pakaun ag rargu makaawat sa kangku sitay.

Pilipus 2:27

Tutuu ngani nasakit siya. Diit yi lang mamatay. Dapat kinaawaan siya Diyus. Balaw lang siya hanggan aku kinaawaan diman Panginuun hampay balaw manungbaw-tungbaw kang karukuan.

Pilipus 4:1

Kamu, duy manga patar-ari, kang gid pagmayadun. Mag-ayup yi gid aku sa kanyu, masulung aku sa kanyu, kamu kang gid pinagkapirimyu. Nakan ngani pagpakarig-un gid kamu sa kanyu pakiusa sa Panginuun.

1 Pidru 1:6

Nakan ngani duy kailangan kamu pagbaya gid, una abi makalakaw dapu kamu sa tuhay-tuhay pagsubuk sa sulud diit pag udas.