Pilipus 2:22 - Hanunuu

²² Dapat ay naalaman yi waydi niyu matinupadun si Timutiyu. Inawatan niya aku sa kang magtudlu Mayad pag Barita, parihu ga anak mag-awat sa kay ama.

Pilipus 2:22 Iomraidhean Croise

Binwat 16:2

Ti manga patar-ari sa Listara ag sa Ikunyu sa kanda magkilala sa kan Timutiyu siya mayad pag tawu.

Ruma 5:4

Ti matiniisun kay burak maan karig-unan. Ti karig-unun kay burak maan pag-asa.

1 Kurintu 16:10

Nu rumas-ug si Timutiyu asan sa kanyu kailangan kanyu tanggapun siya sa unman maruku siya kay naisipan. Dahil pagtupadun niya ti buruwatun Panginuun parihu diman ga kangku.

1 Kurintu 4:17

Nakan sinugu niku tabug sa kanyu si Timutiyu, kang pagmahalun ag matinupadun pag anak sa Panginuun. Siya ti pumaalaala sa kanyu nu kabitay kang manga ugali dahil sa kang pakiusa sa kan Kiristu, parihu diman sa kang pag-itudlu sa una naan pag rugar, sa kada iglisya.

2 Kurintu 2:9

Nakan nagsurat diman aku sa kanyu sa kabag-u hampay alamun niku ngatay kanyu pagtupadun mayad-mayad ti tanan niku manga pag-ibilin sa kanyu.

2 Kurintu 8:22

Nakan ngani suguun nimi kaibahan nida kanta usa ka patar-ari pirmi nasulayan nimi kay ugali ag nakitan nimi kay kasipagan sa buruwatun. Maslalu waya siya masipag taynguna sa mag-awat dahil daka kay magsarig sa kanyu.

2 Kurintu 8:24

Nakan ngani ipakakit niyu sa inda pag manga patar-ari kanyu lubus pagmahal hampay makitan manga iglisya balaw kami nagsalan sa kanmi magdayaw tungkul sa kanyu.

2 Kurintu 8:8

Balaw kuntay ga pagsuguun niku kamu. Kang lang pagsabihun sa kanyu ti pagbuwatun awat manga iba hampay masulayan nu naan tugka kanyu pagmahal.

Pilipus 1:12

Gustu niku mana pagmaalaman niyu, manga patar-ari, kuntay ginan sa manga nangyari sa kangku balaw naampara ti Mayad pag Barita. Bagkus ngap lalu nilantag.

Pilipus 1:16

May pagmahal sida sa kangku, nakan pag-ibarita nida si Kiristu, dahil magkaalaman nida aku pinatukahan Diyus katungkulan sa pagtudlu sa Mayad pag Barita.

Pilipus 1:5

Dahil inawatan niyu aku sa kang magpadakit Mayad pag Barita ginan waya sa kabag-u kanyu nagsarig sa kan Kiristu hanggan taynguna tugka.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Pilipus 2:20

Si Timutiyu lang waydi ti parihu ga kangku kay naisipan magpasunaid sa kanyu kahamtangan.

1 Timutiyu 1:18

Inda pag bilin kang pag-ipabahala duy Timutiyu sa kanmu angay sa manga ipinurupita kaybi tungkul sa kanmu, imaw ngani tigpabisug sa kanmu maglaban sa kadautan.

1 Timutiyu 1:2

Inda pag surat tabug sa kanmu, Timutiyu, kawu kang pinagkaanak sa pagsarig sa kan Kiristu. Pagsa kanyu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Hisu-Kiristu.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

2 Timutiyu 1:2

Inda pag surat tabug sa kanmu, Timutiyu. Kawu kang pagmahalun dahil kawu kang pinagkaanak sa pagsarig sa kan Kiristu. Pagsa kanmu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Kiristu Hisus.

2 Timutiyu 3:10

Dapat balaw katida kawu. Kanmu ngap sinunud kang manga bilin, ugali hanggan turunu. Alam yi waydi nimu kang pagsarig, kang matugway, kang pagmahal hanggan kang matiniisun.

Titu 1:4

Inda kang surat tabug sa kanmu, Titu, dahil kawu kang pinagkaanak, usa kita sa kanta pagsarig. Pagsa kanmu ti papalad hanggan ti kahusayan ginan sa Diyus Ama ag ginan sa kan Kiristu Hisus, sa kanta Manugribri.