Pilipus 2:2 - Hanunuu

² Nakan pagkarausa gid kamu sa kanyu naisipan katunda diman kanyu pagmahal sa usa kag sa usa. Pagkaraminsan kamu sa kanyu kagustuhan hanggan sa kanyu turunu hampay lubus yi aku magbaya dahil sa kanyu.

Pilipus 2:2 Iomraidhean Croise

Kanta 122:8

Hampay sa ikamayad niku manga katawuhan ag manga kakilala, magkumun aku, “Mana ngani pag mayad lang ti kahamtangan Hirusalim.”

Huwan 3:29

Ti babayi ipasaru sa kay lalaki arasawan-un. Ti iribahun mag-alagad sa lalaki ipasaru. Nakabaya ti manug-iba nu makad-nug siya sa kay magbagaw lalaki ipasaru. Katunda diman ungud kang magbaya taynguna.

Binwat 1:14

Pirmi sida tanan magtiripun sa darangin. Una manga babayi napaminsan sa kanda hanggan si Marya kay ina ni Hisus hanggan kay manga patar-ari lalaki ni Hisus.

Binwat 2:1

Pagka udas yi Pintikustis, ti tanan magsarig nagkaminsan sa usa ka balay.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 5:12

Pinakan-an Panginuun kapangyarihan ti manga apustul hampay magbuwat sida mayamu pag makadululaw ag lilingutan pag manga tanda sa atubangan manga tawu. Pirmi magtiripun ati sa Parat-ungan ni Sulumun ti tanan manga nagsarig sa kan Hisus.

Ruma 12:16

Pagkarausa kanyu nalub-anan. Danga kamu magpalabi-labi, bagkus ngap pagpakiusa kamu sa manga makuri kay kahamtangan. Danga pag-isipa niyu kanyu sadili kuntay kamu lang ti madunung.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

2 Kurintu 2:3

Nakan ngani sinuratan dapu niku kamu hampay nu aku umasan, balaw yi karukuan kanyu ipakaun sa kangku, kamu yi ngap ti magpasaya sa kangku. Dahil alam yi waydi niku nu masulung aku, masulung diman waydi kamu.

2 Kurintu 7:7

Balaw kay nagras-ug lang ni Titu ti nagpasulung sa kangku, nu unman kanyu diman hanggan binwat mayad sa kanya. Ibinarita niya kanyu magpatigagad sa kangku, kanyu karukuan hanggan kanyu kasipagan, nakan aku lubus nagbaya.

Pilipus 1:4

Sa kada aku magdarangin, pirmi masulung aku magdarangin tungkul sa kanyu tanan.

Pilipus 2:16

Ag itultul niyu ti Mayad pag Barita hampay nu paniwalaan tawu siya may tutuu pag buhi. Nu katida kanyu buwat, kamu kang dayawun sa kaudasan pagbalik ni Kiristu ag pihu kang tarabahu balaw unman may kaganahan hanggan kang budlay balaw nauyang.

Pilipus 2:20

Si Timutiyu lang waydi ti parihu ga kangku kay naisipan magpasunaid sa kanyu kahamtangan.

Pilipus 4:2

Kang pagsabihan sida ni Iudyas ni Sintiki, pagkarausa kanda naisipan dahil sa kanda magpakiusa sa Panginuun.

Kulusas 2:5

Madi aku unman asan, balaw magkalimtan niku kamu, aku magbaya sa kanyu maayus pag ugali hanggan sa kanyu marig-un pag sarig sa kan Kiristu.

2 Tisalunika 2:13

Dapat kailangan pirmi kami magpasalamat sa Diyus dahil sa kanyu, manga patar-ari. Kamu kay pagmahalun Panginuun. Kami magpasalamat gid dahil ginan waya sa kabag-u kamu kay yi gid pinili hampay kamu pakan-an karibrihan, dahil sa kay kamaskihan Ispiritu imaw tigbuwat matadlung sa kanyu ag dahil sa kanyu pagsarig sa katutuuhanan.

2 Timutiyu 1:4

Nu magkaala-ala niku kanmu maglumi, maghanap aku sa kanmu. Gustu niku magsampak maan kita agud makabaya gid aku.

Pilimun 1:20

Magpakihampang gid aku sa kanmu dahil ngani sa Panginuun, pasnui gid duy kang pagsabihun sa kanmu. Pakan-i nimu masulung pag kabayaan kang tagipusuun, dahil kawu yi waydi kang patar-ari sa kan Kiristu.

2 Huwan 1:4

Aku lalu ngap nakabaya pagka naalaman niku kanmu manga anak kay iba kanda ugali buhi angay sa katutuuhanan, angay sa sugu kanta tinanggap ginan sa Ama.

3 Huwan 1:4

Inda duy balaw lang ga iba pag kaayadan makapasulung sa kangku nu maalaman niku kang manga tuludluan kanda ugali angay sa katutuuhanan.