Pilipus 2:16 - Hanunuu

¹⁶ Ag itultul niyu ti Mayad pag Barita hampay nu paniwalaan tawu siya may tutuu pag buhi. Nu katida kanyu buwat, kamu kang dayawun sa kaudasan pagbalik ni Kiristu ag pihu kang tarabahu balaw unman may kaganahan hanggan kang budlay balaw nauyang.

Pilipus 2:16 Iomraidhean Croise

Kanta 40:9

Pag-itultul niku kanmu pagribri sa kangku sa pagtiripun nimu nasakupan. Alam nimu, Panginuun, balaw aku umapas sa pagtultul inda.

Kanta 71:17

Diyus, ginan sa anak waya aku, pagtudluan nimu aku tungkul sa kanmu makadululaw pag manga buwat, ag tugka kainda pag-itultul niku inda.

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Matiyu 10:27

Ti kang pagsabihun sa kanyu sa madulum, itultul maan niyu sa marayaw. Ti iyinanas sa kanyu kailangan kanyu maan ipahayag hampay mag-adnugan tanan tawu.

Lukas 12:8

Sinabi ni Hisus magkun, “Dapat pagsabihun niku sa kanyu, una si unu ti maggalang sa kangku sa atubangan manga tawu, kilalan-un diman siya Anak Tawu sa atubangan manga anghil Diyus.

Huwan 6:63

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Huwan 6:68

Sinmagut si Simun Pidru, magkun, “Panginuun, hintay waya gid kanmi dangpan? Kanmu sinabi pag manga bagaw ti makapakaun tutuu pag buhi unman may katapusan sa manga tawu.

Binwat 13:26

Magkun si Pablu, “Manga kaparihu niku Hudiyu, manga linahi ni Abraham hanggan kamu pag manga balaw Hudiyu manga niabay sa surundanun Hudiyu, kita yi duy ti pinadakitan barita tungkul sa inda pag karibrihan.

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

1 Kurintu 9:26

Nakan ngani magpalagiw aku hampay pihu rumas-ug sa kang turunu. Unman diman waydi aku magsuntuk sa durus.

2 Kurintu 1:14

Dahil udwaya masyadu maintindihan niyu kainda kuntay nu rumas-ug aban ti kaudasan Panginuun Hisus, kamu dumayaw sa Panginuun dahil sa kanmi, kumun diman kami dumayaw sa kanya dahil sa kanyu.

Galasya 2:2

Nakan aku nag-ati maan dahil ipinaalam ngani Panginuun sa kangku kailangan aku umatag. Napakihampang aku sa manga pinagkatakinan iglisya kami-kami lang, bag-u itinultul niku mayad-mayad sa kanda ti Mayad pag Barita kang pag-itudlu sa manga balaw Hudiyu. Nakan kang itinultul sa kanda dahil kang gustu danga maduraan kahulugan kang binudlayan ginan sa kabag-u hanggan taynguna tugka.

Galasya 4:11

Magkaaburidu yi gid aku sa kanyu barang unman may kabuluhan kang nagbudlay dahil sa kanyu.

Pilipus 1:10

Nu katida madunung kamu magpili sa pinakamayad. Bag-u kamu manga malumpiyu yi ag unman may ikasabi sa kaudasan aban nu rumas-ug si Kiristu.

Pilipus 1:6

Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

1 Tisalunika 2:19

Udyi kami may paggagadun masulung pag naisipan nu ud dahil lang hanggan sa kanyu, kamu yi lang ti puun nimi kabayaan. Kamu yi ti pinagkapirimyu sa kanmi panalu, kanmi idayaw sa atubangan Panginuun Hisus sa kay pagbalik niya aban!

1 Tisalunika 3:5

Nakan ngani pagka udyi aku makaagwanta, sinugu niku si Timutiyu hampay makaalam barita tungkul sa kahamtangan taynguna niyu pagsarig sa Panginuun. Nag-isip aku barang natuksu kamu diyablu. Nu abi katida ti nangyari, nabul-an yi lang halaga kanmi nagpangabudlay.

Hibriyu 4:12

Dahil buhi gid ngani ti Bagaw Diyus ag mamaski, matarum man sa una hintay pag baladaw baliw-baliw may urup. Ti Bagaw Diyus magtuduk magpisang sa karadwa ag sa tagipusuun tawu, hanggan sa kal-asan ag sa utuk. Pag-ipakilala waydi Bagaw Diyus ti daut ti mayad sa kagustuhan hanggan pag-iisip tawu sa kay tagipusuun.

1 Pidru 1:23

Dahil kamu ungud gid iinanak inuman balaw sa kapangyarihan lang tawu may kamatayan, nu unman sa kapangyarihan ngap Bagaw Diyus. Ag ti Bagaw Diyus buhi gid unman may katapusan.

1 Huwan 1:1

Kami inda may surat tabug sa kanyu tungkul sa Bagaw may kabuhian. Udwaya linalang ti kalibutan daan di siya. Imaw kanmi nadnugan hanggan nakitan nimi mata, kanmi binantayan ag nahikap nimi kamang.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.