Pilipus 2:14 - Hanunuu

¹⁴ Buwata niyu ti tanan pag manga bagay danga sa pilitan ag danga waydi sa barungbadu.

Pilipus 2:14 Iomraidhean Croise

Kanta 106:25

Nagriklamu sida sa sulud nida manga turda, ag unman sida magsunud sa Panginuun.

Kabagawan 13:10

Sa subra pagpadayaw, may manga tawu unman magpatingi sa patigayun, ag inda pagpun-an kaguluhan. Nu gustu nida dumunung kailangan pagpatingi sida sa patigayun.

Bilang 14:27

“Tugka waya kapira magriklamu inda pag daut nasakupan sa kangku? Nasaydan niku ti manga riklamu manga marariklamu pag manga Israilita.

Matiyu 20:11

Pagka kanda tinanggap, naghampang sida laban sa may puun ubasan,

Markus 14:5

Mayad waya nu ipinabili kis-ab sa tulu ka gatus dinaryu bag-u nu ipinakaun sa manga pugri kay kabilyanan.” Bag-u tinamyaw nida ti babayi.

Markus 9:14

Pagka sida ni Hisus rinmas-ug maan sa lawud, nakitan nida kay iba manga tuludluan linibut kayamuan tawu paglabanan sida manga manugtudlu Kasuguan.

Lukas 5:30

Ti manga Parisiyu hanggan manga manugtudlu Kasuguan nagsungyaw sa kay manga tuludluan ni Hisus magkun, “Hayga duy kamu magkaun mag-inum minsan sa manga manunukut buhis hanggan sa manga makasalanan?”

Binwat 15:2

Sida ni Pablu ni Birnabi balaw napatalu sa mahigpit pag kalatadlunganan sa kanda. Nakan pagka dugay pinagkausahan nida kailangan umati sa Hirusalim sida ni Pablu ni Birnabi may kumuyug manga patar-ari taga Antiyukya hampay manhampang sa manga apustul hanggan sa manga manug-asiwa iglisya tungkul sa inda pag kakurian.

Binwat 15:39

Nagtalaluhan gid sida ni Pablu ni Birnabi. Pagka unman gid sida nagparasnuan, nagbululagan yi sida. Tinaban ni Birnabi si Markus. Sida nagsakay nagdipay atag sa Sipru pag puru sa karaw-an dagat.

Binwat 15:7

Pagka dugay yi kanda mag-aragawan ayad, tinmindug si Pidru bag-u kay sinabi magkun, “Manga patar-ari, alam niyu kaybi sa kanta tanan aku ti napili Diyus manugpadakit Mayad pag Barita sa manga balaw Hudiyu hampay makadnug waydi sida ag makasarig diman sa kan Hisus.

Binwat 6:1

Ati katpung pagka amat-amat mayamu yi ti manga nagsarig sa kan Hisus nagriklamu ti manga Hilinista pag Hudiyu laban sa manga Hibriyu pag Hudiyu. Magkun sida ti manga Hilinista pag babayi buranday pagpabay-anan kunu unman pagpakan-an kanda pangailangan sa udas maghururayan sirang-sirang.

Ruma 12:18

Hanggan tugka sa kanyu makaya pagpakiusa kamu kaayad sa tanan manga tawu.

Ruma 14:1

Tanggapa niyu ti malumuy kay pagsarig, danga niyu pagtamyawa kay manga tun-anun.

Ruma 16:17

Pagsabihun yi gid niku sa kanyu, manga patar-ari, tandai niyu ti manga tawu magbuwat karampihan ag ti manga mag-pasimray sa manga patar-ari tungkul sa kanda pagsarig sa kan Kiristu, paglabanan nida ti manga tudlu kanyu tinanggap. Amana niyu tunda pag manga tawu.

1 Kurintu 10:10

Danga diman waydi kamu magriklamu laban sa Diyus, balaw parihu sa kanda, ti iba nagbirba laban sa Diyus nakan minatay sida anghil kay sinugu Diyus hampay magpapas sa kanda.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:15

Dapat nu kamu ga hayup magkaragtan magsiribaan, barang mapapas kamu.

Galasya 5:26

Danga kita palabi-labihun, maraaway, danga kita maghirirakan.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

1 Tisalunika 5:13

Ipakakit niyu sa kanda ti lubus paggalang hanggan pagmahal dahil sa kanda buruwatun. Mabuhi kamu sa may kahusayan sa usa kag sa usa.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

Hibriyu 12:14

Tupadun niyu ti kahusayan sa tanan tawu ag pag-ugali kamu sa unman may kasalanan. Ti tawu nu unman mag-ugali sa lubus marapasakup sa Diyus dayu siya kumakit sa Panginuun.

Santiyagu 1:20

Dahil nu magkagalit ti tawu unman ikatadlung niya sa atubangan Diyus.

Santiyagu 3:14

Dapat kamu nu mahinirakun ag maramuun kanyu tagipusuun, danga waydi niyu iyabang tunda, danga waydi ipaulam ti katutuuhanan.

Santiyagu 5:9

Danga kamu maghirinanakitan, manga patar-ari, barang kamu pihuun Diyus kanyu daut kanyu mayad, dahil udyi dugay rumas-ug yi ti Manugpihu.

1 Pidru 3:11

Pagpatlikud siya sa daut, pagbuwat siya mayad. Danga siya magkagasa sa kay maghanap sa kahusayan.

1 Pidru 4:9

Tanggapa di niyu ti manga patar-ari sa kanyu balay, danga sa barungbadu.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.