Pilipus 2:13 - Hanunuu

¹³ Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Pilipus 2:13 Iomraidhean Croise

1 Hari 8:58

Mana buwatun niya kita matinupadun sa kanya hampay mangabuhi kita angay sa kay kagustuhan, ag sumunud sa kay manga sugu hanggan manga surundanun kay ipinakaun sa kanta manga ginurang.

2 Krunika 30:12

Nagpasandam diman ti Panginuun sa manga taga Huda hampay magkausa sida sa pagtupad sa sugu hari ag manga may kangaranan, angay sa sugu Panginuun.

Isra 1:1

Sa un-an timpu kay maghari ni Sayrus sa Pirsiya, tinandug Panginuun kay tagipusuun ni Sayrus sa pagsurat usa ka paalam ipabantala sa buu niya kaharian. Nangyari inda hampay matupad ti sinabi Panginuun sa panab-anan ni Hirimyas.

Isra 1:5

May manga Israilita tinandug Diyus hampay bumalik sa Hirusalim. Nakan nag-alistu sida umatag hampay ipatindug ti Balay Diyus Panginuun. Kaibahan nida ti manga takinan magtal-anakan sa lahi ni Huda hanggan sa lahi ni Binhamin. Kaibahan diman nida ti manga manughandug sa Balay Diyus, hanggan ti manga Libita.

Isra 7:27

Nagsabi si Isra: Dayawun ti Panginuun, ti Diyus nita manga ginurang, ti nag-ayuhap sa tagipusuun hari kuntay kilalahun niya ti Balay Diyus Panginuun sa Hirusalim.

Nihimyas 2:4

Nagpaingana ti hari, “Unu kanmu gustu?” Nandarangin aku sa Diyus sa langit,

Hub 33:29

“Hu, pirmi inda pagbuwatun Diyus sa tawu.

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 119:36

Pagmaraibgun aku sa pagsunud sa kanmu manga tudlu kaysa maghingbut yumaman.

Kanta 141:4

Ipakarayu nimu aku sa pagbuwat kadautan hanggan sa manga tawu magbuwat kainda. Ipakarayu diman nimu aku sa kanda manga karan-an hampay balaw mansaru.

Kabagawan 21:1

Ti kaisipan hari parihu sa danum sa sapa pag-amparahun Panginuun kay magbulus. Pag-amparahun niya angay sa kay kagustuhan.

Isayas 26:12

Panginuun, pakan-i duy nimu kami mayad pag kahamtangan, dahil ti tanan nimi magkabuwat, magkabuwat nimi dahil sa awat nimu.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:38

Kilalan-un niku sida kang nasakupan, ag kilalan-un waydi nida aku kanda Diyus.

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Huwan 3:27

Sinabi ni Huwan sa kanda magkun, “Dayu mangyari ti katida sa tawu, purya lang nu Diyus ti may buwat sa kanya.

Huwan 6:45

“Isinurat sa Ribru manga Purupita magkun, ‘Sida tanan-tanan tudluan Diyus.’ Una hintay pag tawu nakadnug ag nagpatudlu sa Ama, pumasakup sa kangku.

Huwan 6:65

Sinabi ni Hisus magkun, “Nakan ngani sinabi yi niku sa kanyu, unman may tawu pumasakup sa kangku purya lang nu ipahintulut niku Ama.”

Binwat 11:21

Sa kanda gid ti kamaskihan Panginuun, nakan mayamu ti nagpaniwala sa barita ag nagpasakup sa Panginuun.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

Ruma 9:16

Nakan ngani kay magpili Diyus angay gid sa kay pangaawa, balaw angay sa kagustuhan una kasipagan tawu.

1 Kurintu 12:6

Ag may tuhay-tuhay pag buruwatun, dapat usa lang ka Diyus tigpakaun kaya sa kada usa sa tanan buwat niya.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

2 Kurintu 3:5

Nu sa kanmi lang ud may kaya sa inda pag buruwatun. Kanmi kabisugan lunsay pakaun Diyus.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:5

kita kay ihinanda daan hampay kay yi manga anak sa panab-anan ni Hisu-Kiristu. Imaw kay turunu kagustuhan Diyus.

Ipisu 1:9

hampay lubus maintindihan nita kay udwaya pinaburayhaw pag gayak niya.

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.