Pilipus 2:12 - Hanunuu

¹² Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Pilipus 2:12 Iomraidhean Croise

Isra 10:3

Nakan taynguna, sundun nimi ti paanyu nimu hanggan iba waya maggalang sa sugu nita Diyus. Mamuwat kami kasunduan sa kanmi Diyus palayasun inda pag manga babayi hanggan kanda manga anak. Sundun nimi ti pagsabihun Kasuguan.

Kanta 119:120

Pagtakigan aku sa paggalang sa kanmu; magkadala gid aku sa kanmu pagsintinsiya.

Kanta 2:11

Sirbihi niyu may paggalang ti Panginuun, pagmasulung kamu sa kanya.

Kabagawan 10:16

Ti balus sa matadlung pag tawu mayad ag malawig pag buhi, dapat ti balus sa daut pag tawu kaparusahan.

Kabagawan 13:4

Nu bugyahin ti usa ka tawu, una waya unu kay paghingabtun, unman gid niya inda mab-ul, dapat nu masipag siya, matanggap niya ti subra waya sa kay paghingabtun.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Matiyu 11:12

Ginan waya sa kay nagtudlu ni Huwan Manugtulbaw hanggan taynguna tugka, ti kaharian langit pag-unuunuhun, pag-agawun manga mag-unuunu.

Matiyu 11:29

Paulian niyu sa kanyu liug kang singkaw, pagpatudlu kamu sa kangku, dahil maalumanay aku ag mapinakumbabaun pag tawu bag-u makakit kamu kahusayan sa kanyu buhi.

Binwat 16:29

Ipinab-ul bantay ti manga sulu, bag-u nalagiw siya tag sa sulud pirisuhan, napadapa siya pagtakigan sa dala sa atubangan nida ni Pablu ni Silas.

Binwat 9:6

Pagbangun yi kawu, pag-ati kawu sa banwa bag-u may sumabi ati sa kanmu tungkul sa kanmu kailangan buwatun.”

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

1 Kurintu 15:58

Nakan ngani duy, manga patar-ari, pagmarig-un kamu, danga daradarahan, pagpirmi matinupadun kamu sa buruwatun Panginuun, dahil naalaman yi niyu balaw unman may kabuluhan kanyu magbudlay para sa Panginuun.

1 Kurintu 2:3

Kang asan sa kanyu aku mahuyang, magkadala, pagkulbaan waya.

1 Kurintu 4:14

Balaw isinurat niku inda hampay kamu kang pakay-ahun, nu unman hampay paalalahanan niku kamu, ga kang suud yi manga anak kang magmahal sa kanyu.

2 Kurintu 7:15

Lalu yi ngap kamu kay pagmahalun, nu pag-alalahanun niya kamu tanan manga masurundun. Balaw yi gid niya magkalimtan nu kabitay kanyu nagtanggap sa kanya may dala.

Ipisu 6:5

Kamu pag manga panawuhun, pagsunud kamu sa kanyu manga amu sitay sa babaw daga, pag may dala hanggan galang sa kanyu magtupad sa kanda bilang ga si Kiristu diman kanyu pagsirbihan.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Pilipus 1:5

Dahil inawatan niyu aku sa kang magpadakit Mayad pag Barita ginan waya sa kabag-u kanyu nagsarig sa kan Kiristu hanggan taynguna tugka.

Pilipus 1:6

Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

Pilipus 2:19

May pag-asa aku sa Panginuun Hisus hampay udyi dugay masugu niku si Timutiyu asan tag sa kanyu hampay aku balaw yi maruku sa kang naisipan nu mabaritaan niku kanyu kahamtangan asan.

Pilipus 4:1

Kamu, duy manga patar-ari, kang gid pagmayadun. Mag-ayup yi gid aku sa kanyu, masulung aku sa kanyu, kamu kang gid pinagkapirimyu. Nakan ngani pagpakarig-un gid kamu sa kanyu pakiusa sa Panginuun.

Pilipus 4:15

Naalaman diman niyu kuntay kamu lang pag taga Pilipus ti nakaabay sa kangku sa makuri kag sa maalwan, kang nighit ginan sa Masidunya sa kang kabag-u waya tudlu Mayad pag Barita sa kanyu.

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

Hibriyu 4:11

Hangadun nita, manga patar-ari ti makaslud makasamit sa kaariwayahan sa kay arani Diyus. Danga kita maglaban, barang kita hanggan unman diman makasamit sa kaariwayahan ga nangyari sa kanda kaybi.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.