Pilipus 2:1 - Hanunuu

¹ Pagpabisugun ungud kamu dahil sa kanyu magpakiusa sa kan Kiristu. Kay pagmahal ni Kiristu tigparig-un sa kanyu naisipan. Magpakiusa waydi kamu sa Ispiritu Banal. Maawaun kamu ag magparasunaidan kamu sa usa kag sa usa.

Pilipus 2:1 Iomraidhean Croise

Kanta 133:1

Ga kabitay yi kaayad bantayun nu ti nasakupan Diyus magkabuhi may pagkarausa.

Isayas 16:11

Nakan magkaruku aku sa nadangtan manga taga Muab parihu sa maruku pag tunug alpa. Magkaruku diman aku sa nadangtan Kir Harisit.

Lukas 2:25

May usa ka lalaki sa Hirusalim kay ngaran si Simyun. Matadlung gid siya pag tawu, marasarig sa Diyus, magpatigagad yi gid sa karibrihan manga taga Israil. Nangulian sa kanya ti Ispiritu Banal.

Huwan 14:18

“Balaw niku kamu pabay-anan usa-usa. Bumalik maan aku sa kanyu.

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Huwan 17:13

“Taynguna aku asan yi tabug sa kanmu. Inda kang pagsabihun sitay waya sa babaw daga hampay lubus yi lang gid bumaya kanda tagipusuun parihu ga kang magbaya.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Ruma 5:5

Dayu kita mibuyu sa kanta pag-asa, dahil kay pagmahal Diyus ilinubus yi sa kanta manga tagipusuun sa panab-anan Ispiritu Banal, imaw ti ipinakaun Diyus sa kanta.

Ruma 8:26

Katunda diman kita manga malumuy pag-awatan di Ispiritu. Dahil nu kita magdarangin kurang kita sa kanta mag-intindi. Nakan ti Ispiritu magdarangin para sa kanta balaw kay pag-ibungat, may ga arunghung sa basad tagipusuun.

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

1 Kurintu 15:31

Sirang-sirang arani yi lang aku sa kamatayan. Inda kang pag-ipakilala sa kanyu dahil kamu duy, manga patar-ari, kang pagbayaun dahil sa kan Kiristu Hisus, sa kanta Panginuun.

1 Kurintu 3:16

Unman aw niyu alam kamu kay Balay Diyus? Ti Ispiritu Diyus ti nangulian sa kanyu.

2 Kurintu 2:14

Dapat salamat sa Diyus, dahil sa kanta pakiusa sa kan Kiristu, pirmi kita pagdarahun Diyus ga manga pirisu hampay ipadakit kay panalu ni Kiristu. Paggamitun kita Diyus hampay ikalat sa tanan rugar ti pagkilala sa kan Kiristu parihu ga hungaw mabanglu.

Galasya 4:6

Dahil kita manga anak yi Diyus nakan ipinakaun niya sa kanta ti Ispiritu niya Anak mangulian sa kanta tagipusuun imaw tig-ingaran sa kanya magkun, “Amang.”

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Ipisu 4:4

Kita ti manga magsarig usa lang ka bilug, usa lang ka Ispiritu ti nangulian sa kanta. Usa lang kanta pagsarigan pagka kita kay tinawag.

Pilipus 1:8

Alam di Diyus tutuu kang pagsabihun nu kabitay kang maghanap sa kanyu tanan parihu ga kan Kiristu Hisus diman magmahal sa kanyu.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Hibriyu 6:18

Ti sumpa kag ti taratu balaw magkauman ag dayu mahimu makapudil ti Diyus. Nakan kita ti manga nagdangup sa kanya, marig-un kita sa kanta maghingabut sa kay itinaratu.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

1 Huwan 3:24

Tigtupad sa kay manga sugu Diyus dayu miblag ginan sa Diyus ag ti Diyus nangulian waydi sa kanya. Nakan makilala nita kuntay ti Diyus nangulian sa kanta dahil sa Ispiritu Banal imaw ti ipinakaun niya sa kanta.

1 Huwan 4:12

Kaybi ginan unman may tawu nakakit sa Diyus. Nu kita magmalahalan, ti Diyus nangulian sa kanta ag udyi may kurang kay pagmahal sa kanta.

1 Huwan 4:16

Magkaalaman yi nita ag kanta diman pagsarigan kay pagmahal Diyus sa kanta. Ti Diyus gid ti may gimpuunan pagmahal. Ti tawu nu magparargu sa pagmahal, dayu mag-iblag ginan sa Diyus ag ti Diyus nangulian diman sa kanya.