Pilipus 1:6 - Hanunuu

⁶ Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

Pilipus 1:6 Iomraidhean Croise

Kanta 138:8

Panginuun, pagtupadun nimu kanmu manga turunu sa buhi niku. Kanmu pagmahal unman may katapusan. Tupada kanmu inumpisahan binwat.

Huwan 6:29

Sinmagut si Hisus magkun, “Inda ngani kay gustu Diyus kanyu buwatun, pagsarig kamu sa kay sinugu Diyus.”

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 16:14

May usa ka babayi namatingi diman sa kanmi kay ngaran si Lidya taga Tiyatira. Magtinda siya manga pisahan ga dukut dungun ubi. Magsamba siya sa Diyus. Pinalug-ud Panginuun kay tagipusuun hampay maniwala siya sa kay itinudlu ni Pablu.

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

2 Kurintu 1:15

Dahil imaw yi ngani kang pagpaniwalaan, nakan inisip niku asan tabug dapu aku hampay lalu dumaka kanyu pakinabang sa kang pag-asan sa kanyu.

2 Kurintu 2:3

Nakan ngani sinuratan dapu niku kamu hampay nu aku umasan, balaw yi karukuan kanyu ipakaun sa kangku, kamu yi ngap ti magpasaya sa kangku. Dahil alam yi waydi niku nu masulung aku, masulung diman waydi kamu.

2 Kurintu 7:16

Aku magbaya dahil lubus makatiwalaan niku kamu.

2 Kurintu 9:4

Barang kami mangay-a nu mabuyu, balaw lang kami ti mangay-a hanggan kamu nu may kumuyug sa kangku manga taga Masidunya bag-u nu makitan nida unman diman maaw kamu handa.

Galasya 5:10

Kita magpakiusa sa Panginuun nakan nu para sa kangku pihu kamu napaminsan di kanyu pag-iisip sa kangku. Ag pihu gid parusahan Diyus una si unu tigpagulu sa kanyu.

Ipisu 4:12

Sida tanan may katungkulan hampay paanadun nida sa buruwatun ti tanan manga nasakup sa Diyus, sa ikarig-un iglisya ni Kiristu.

Pilipus 1:10

Nu katida madunung kamu magpili sa pinakamayad. Bag-u kamu manga malumpiyu yi ag unman may ikasabi sa kaudasan aban nu rumas-ug si Kiristu.

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Pilipus 2:13

Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Pilipus 2:16

Ag itultul niyu ti Mayad pag Barita hampay nu paniwalaan tawu siya may tutuu pag buhi. Nu katida kanyu buwat, kamu kang dayawun sa kaudasan pagbalik ni Kiristu ag pihu kang tarabahu balaw unman may kaganahan hanggan kang budlay balaw nauyang.

Kulusas 2:12

Pagka itinulbaw kamu, ilinbung kamu kaibahan ni Kiristu. Bag-u nabuhi maan uman niya dahil sa kanyu pagsarig sa makamaskihan buwat Diyus, imaw ti nagbuhi uman sa kan Kiristu.

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

2 Tisalunika 3:4

Pihu dayu pumabaya ti Panginuun, nakan lubus kami magpaniwala kanyu ugali angay sa kanmi itinudlu sa kanyu ag rargu di niyu ugaliun.

Pilimun 1:21

Tutuu aku magsarig kanmu gid buwatun subra waya sa kang isinurat inda.

Hibriyu 10:35

Nakan ngani danga kamu maiwdan sarig sa Diyus dahil may daka pag pirimyu aban.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.