Pilipus 1:5 - Hanunuu

⁵ Dahil inawatan niyu aku sa kang magpadakit Mayad pag Barita ginan waya sa kabag-u kanyu nagsarig sa kan Kiristu hanggan taynguna tugka.

Pilipus 1:5 Iomraidhean Croise

Binwat 2:42

Unman pagkalimtan nida ti itinudlu manga apustul, ti pagkarausa magtar-arian, ti magmirinsanan magkaun hanggan ti magmirinsanan sa darangin.

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 12:13

Awati niyu ti manga pangailangan niyu manga patar-ari. Pagpirmi kamu alistu magtanggap sa manga dayuhan sa kanyu balay.

Ruma 15:26

Dahil ibinuluntad nida isip manga patar-ari taga Masidunya hanggan Akaya hampay ipadara nida kanda ambag kuwarta para sa manga makuri pag patar-ari sa Hirusalim.

1 Kurintu 1:9

Ti Diyus masarigan, siya diman ti nagpili sa kanyu hampay magpakiusa kamu sa kay Anak, sa kanta Panginuun Hisu-Kiristu.

2 Kurintu 8:1

Gustu nimi ibarita sa kanyu, manga patar-ari, kay pakaun Diyus mayad nabubut-un sa manga iglisya sa Masidunya.

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Pilipus 1:12

Gustu niku mana pagmaalaman niyu, manga patar-ari, kuntay ginan sa manga nangyari sa kangku balaw naampara ti Mayad pag Barita. Bagkus ngap lalu nilantag.

Pilipus 1:16

May pagmahal sida sa kangku, nakan pag-ibarita nida si Kiristu, dahil magkaalaman nida aku pinatukahan Diyus katungkulan sa pagtudlu sa Mayad pag Barita.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Pilipus 2:22

Dapat ay naalaman yi waydi niyu matinupadun si Timutiyu. Inawatan niya aku sa kang magtudlu Mayad pag Barita, parihu ga anak mag-awat sa kay ama.

Pilipus 4:3

Ag kawu duy usa ka mayad pag kaawat niku, kang pagsabihan diman kawu, awati nimu asan pag manga babayi hampay udyi sida mag-arawayan. Dahil manga masipag diman waydi sida kaibahan niku sa magpadakit Mayad pag Barita. Nagkarausa diman sida sa buruwatun tabug sa kan Kaluminti hanggan sa tanan niku pag manga kaibahan sa tarabahu. Kanda manga ngaran nisurat sa listahan pag ribru. Ati pag ilinista ti manga ngaran tawu pinakan-an buhi unman may katapusan.

Pilimun 1:17

Tanggapa maan nimu si Unisimu parihu sa kanmu magtanggap sa kangku, nu pagpahalgaan nimu kanta magpakiusa sa kan Kiristu.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

1 Huwan 1:3

Tunda ngani ti kanmi nakitan ag nadnugan imaw yi kanmi pag-itultul sa kanyu hampay kamu hanggan magpakiusa sa kanmi. Kita magpakiusa yi gid sa Ama ag sa kay Anak, sa kan Hisu-Kiristu.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.