Pilipus 1:27 - Hanunuu

²⁷ Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 1:27 Iomraidhean Croise

1 Krunika 19:12

Magkun si Huab kan Abisay, “Nu makitan nimu ga magkatalu yi kami manga Aramiyu, awatan niyu kami, ag nu kamu waydi ti ga magkatalu yi manga Amunita awatan nimi kamu.

Kanta 122:3

Ti Hirusalim usa ka daka pag banwa ipinatindug marinu ag marig-un.

Kanta 133:1

Ga kabitay yi kaayad bantayun nu ti nasakupan Diyus magkabuhi may pagkarausa.

Kabagawan 22:23

dahil ti Panginuun ti manug-apin sa kanda. Una hintay ti buwatun niyu daut sa kanda buwatun diman Panginuun sa kanyu.

Hirimyas 32:39

Pakan-an niku sida pagkarausa hampay sambahun nida aku hanggan aban, para sa kanda sadili ikaayad ag sa kaayadan diman nida manga linahi.

Matiyu 12:25

Alam di ni Hisus kanda pag-isipun, nakan kay sinabi sa kanda magkun, “Marangga ti kada kaharian nu udyi magkarausa maglalabanan wadi. Mawayak yi ti banwa una ti magtal-anakan nu udyi magkarasunduan kay manga tawu sa kanda ginan nangarawayan.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 24:24

Pagka nakalawuy pira ka sirang, linmuwang si Pilik kaibahan niya kay asawa si Durusila, usa ka babayi Hudiyu. Ipinab-ul ni Pilik si Pablu bag-u kay pinatingihan niya kan Pablu paliwanag tungkul sa pagsarig sa kan Kiristu Hisus.

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Ruma 1:16

Balaw gid niku pag-ikakay-a ti Mayad pag Barita, dahil imaw yi ti kapangyarihan Diyus sa ikaribri kada tawu nu sumarig, una sa tanan sa manga Hudiyu, bag-u hanggan sa manga balaw Hudiyu.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 1:9

Pirmi diman kamu kang pag-idarangin. Inda alam di gid Diyus imaw kang pagsirbihan buu niku tagipusuun sa kang magtudlu sa Mayad pag Barita tungkul sa kay Anak.

Ruma 10:8

Dapat inda kay pagsabihun magkun, “Arani yi sa kanmu ti bagaw Diyus, sa kanmu yi bibig ag sa kanmu tagipusuun.” Imaw yi ngani pag manga bagaw kanmi pag-itudlu tungkul sa pagsarig.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Ruma 15:29

Alam niku nu umasan aku, may imaw abunda aku pag papalad ginan sa kan Kiristu para sa kanyu.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 15:58

Nakan ngani duy, manga patar-ari, pagmarig-un kamu, danga daradarahan, pagpirmi matinupadun kamu sa buruwatun Panginuun, dahil naalaman yi niyu balaw unman may kabuluhan kanyu magbudlay para sa Panginuun.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 9:13

Nu unman kamu may kabuyatan sa kanyu magpakaun sa kanda hanggan sa tanan tawu imaw yi ti puruyba sa kanda kuntay matinupadun kamu sa Mayad pag Barita ni Kiristu. Nakan siyun ginan dumayaw sida sa Diyus.

Galasya 1:7

Nu sa ungud udyi may iba waya mayad pag barita. Nakan lang gid may manga maggulu sa kanyu. Kanda gustu umanun ti Mayad pag Barita tungkul sa kan Kiristu.

Ipisu 1:13

Dahil sa kan Kiristu, kamu pag manga balaw Hudiyu nagpatingi sa tutuu pag barita Diyus, sa Mayad pag Barita imaw tigpakaun karibrihan. Dahil diman sa kan Kiristu kamu nagsarig sa Diyus. Nakan ngani ipinakaun Diyus sa kanyu ti Ispiritu Banal imaw kay itinaratu Diyus, bilang puruyba kuntay kamu pinili Diyus hampay kay yi manga sakup.

Ipisu 1:15

Nakan ngani pagka nabaritaan niku kanyu pagsarig sa Panginuun Hisus hanggan kanyu pagmahal sa tanan manga nasakup sa Diyus,

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Pilipus 1:5

Dahil inawatan niyu aku sa kang magpadakit Mayad pag Barita ginan waya sa kabag-u kanyu nagsarig sa kan Kiristu hanggan taynguna tugka.

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Pilipus 2:24

Dapat may pag-asa aku sa Panginuun makaras-ug diman aku asan udyi waydi dugay.

Pilipus 3:18

Pirmi kang sinabi sa kanyu ag maglumi aku sa kang tagipusuun sa kang magsabi maan sa kanyu kuntay mayamu tawu mag-ugali maglaban sa kamatayan ni Kiristu sa kurus.

Pilipus 3:20

Kita bay manga taga langit. Magpatigagad kita sa kanta Manugribri, sa Panginuun Hisu-Kiristu ginan sa langit.

Pilipus 4:1

Kamu, duy manga patar-ari, kang gid pagmayadun. Mag-ayup yi gid aku sa kanyu, masulung aku sa kanyu, kamu kang gid pinagkapirimyu. Nakan ngani pagpakarig-un gid kamu sa kanyu pakiusa sa Panginuun.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 1:4

Dahil naalaman nimi ti tungkul sa kanyu pagsarig sa kan Kiristu Hisus hanggan sa kanyu pagmahal sa tanan manga nasakupan Diyus.

1 Tisalunika 3:6

Taynguna nakaras-ug yi maan si Timutiyu asan ginan. May dara siya marinu pag barita tungkul sa kanyu pagsarig hanggan kanyu pagmahal. Itinultul diman niya sa kanmi pirmi kami kanyu pag-isipun, magtagakakiti kamu sa kanmi parihu sa kanmi gustu makakit sa kanyu.

1 Tisalunika 4:1

Usa sa siyun, manga patar-ari, magpaalam waya mana kami kanmi paanyu sa kanyu dahil sa kanta pakiusa sa Panginuun Hisus. Kailangan kanyu ugali pag-angay sa kanyu nataw-an ginan sa kanmi hampay lalu waya sa ikabaya Diyus. Imaw yi kanyu ugali dapat paglalu waya gid sa ikabaya Diyus.

1 Timutiyu 1:11

Tunda ngani pag tudlu ti angay sa Mayad pag Barita inintirga sa kangku. Tunda yi pag Barita tungkul sa kanta pagdayawun pag kamaskihan Diyus.

1 Timutiyu 1:19

Pangungud yi lang gid kawu sa kanmu pagsarig ag danga may pag-alalahanun kasalanan sa kanmu tagipusuun. Dahil may manga tawu unman pagpahalagaan nida kanda malumpiyu tagipusuun, nakan rinangga yi kanda pagsarig.

2 Timutiyu 4:7

Lubus aku naglaban ga sa mag-urunahan. Nakaaput yi aku sa turunu niku palalagiwan. Iningatan niku ti katutuuhanan tungkul sa kang pagsarig.

Titu 2:10

Sabihi nimu sida danga maggawhin. Kailangan paglubus masarigan sida hampay sa tanan nida ugali pag-ipakakit nida ti kaayadan kay pag-itudlu Diyus imaw kanta Manugribri.

Pilimun 1:5

dahil nabaritaan niku kanmu pagsarig sa Panginuun Hisus hanggan kanmu pagmahal sa tanan manga nasakupan Diyus.

Santiyagu 3:18

Ag ti tawu nu madunung magpanab-anan sa mayad pag taratuhan, nu itanum niya kay kahusayan, may maani ngap siya katadlungan.

2 Pidru 3:11

Katunda ngani aban ti pangatapusan tanan bagay, nakan ilubus niyu ipasakup kanyu sadili sa Diyus, kanyu ugali buhi pag-angay yi sa kay kagustuhan,

2 Pidru 3:14

Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.