Pilipus 1:26 - Hanunuu

²⁶ Nu katunda nu aku bumalik maan sa kanyu, lalu waya pahalagaan niyu aku angay sa kanyu pakiusa sa kan Kiristu Hisus.

Pilipus 1:26 Iomraidhean Croise

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Huwan 16:24

Hanggan taynguna tugka udwaya kamu may hinagad sa kanya madi kamu napasakup sa kangku. Paghagad kamu bag-u kamu may matanggap hampay lubus udyi may kurang kanyu kabayaan.”

2 Kurintu 1:14

Dahil udwaya masyadu maintindihan niyu kainda kuntay nu rumas-ug aban ti kaudasan Panginuun Hisus, kamu dumayaw sa Panginuun dahil sa kanmi, kumun diman kami dumayaw sa kanya dahil sa kanyu.

2 Kurintu 5:12

Balaw sa ipadayaw maan kanmi sadili sa kanyu. Nakan katida kang pagsabihun hampay kamu may ipabantug tungkul sa kanmi ag hampay masagut niyu ti manga tawu kanda dayaw sa mag-akitan lang mata, ag unman sa manga naisipan tagipusuun tawu.

2 Kurintu 7:14

Itinultul niku sa kan Titu kuntay kamu mayad pag manga patar-ari. Balaw ngap pudil kang sinabi sa kanya. Ga tutuu gid tanan kanmi pagsabihun sa kanyu, katunda diman waydi pinatutuuhanan ni Titu kuntay balaw pudil kanmi pagdayaw tungkul sa kanyu tabug.

2 Kurintu 7:4

Lubus gid makatiwalaan niku kamu. Daan diman kamu kang pagpahalgaan. Madi mayamu kanmi kakurian, lubus ngap aku sa kasulungan, maglapwas sa kang tagipusuun kang kabayaan.

2 Kurintu 7:6

Dapat ti manga maruku balaw pagpabay-anan Diyus. Sinaya niya aku pagka rinmas-ug si Titu.

Galasya 6:4

Pag-usisa ti kada usa sa kay sadili buwat. Nu mayad kay buwat, pagbaya siya danga yi ipaparihu sa buwat manga iba.

Pilipus 3:1

Inda waya duy, manga patar-ari, kang mana sabihun sa kanyu, pagbaya kamu dahil sa kanyu pakiusa sa Panginuun. Una kas-a waya kang ulitun kang isinurat sitay, unman may makuri sa kangku. Dapat imaw ngap tigparig-un sa kanyu.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 4:10

Angay sa kang magpakiusa sa Panginuun, aku tutuu gid magbaya dahil pagka nakalawuy dugay pag timpu, nakahimu maan kamu nakaawat sa kangku. Balaw kuntay inapasan niyu kanyu pasunaid sa kangku. Nakan lang unman may rugar kamu makaawat sa kangku.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!