Pilipus 1:20 - Hanunuu

²⁰ Daka gid kang kagustuhan ag may pag-asa aku dayu gid aku umalinlangan. Bagkus pirmi matutum kang naisipan lalu waya ngap inmamat taynguna agud sa mamatay sa mabuhi man hampay nu makitan aku manga iba, lalu waya dayawun nida si Kiristu.

Pilipus 1:20 Iomraidhean Croise

Kanta 119:116

Ayawi aku kabisugan angay sa kanmu taratu hampay parargu aku mangabuhi; ag danga pagpahintuluti mabuyu aku sa kang pagsarig sa kanmu.

Kanta 119:80

Mana tupadun niku sa buu niku tagipusuun kanmu manga surundanun hampay balaw aku mangay-a.

Kanta 62:5

Sa Diyus lang aku makatanggap kahusayan dahil pagpakan-an niya aku pag-asa.

Kabagawan 10:28

Ti pagsarigan manga tawu matadlung makapakaun sa kanda kabayaan, dapat ti pagsarigan manga daut pag tawu unman magkatupad.

Kabagawan 23:18

Ag pihu gid may mayad kawu patabgan, ag balaw mibuyu kanmu paghingabtun.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 50:7

Dapat balaw aku nakaramdam kay-a, dahil inawatan aku Panginuun Diyus. Nakan napaganit aku ga tanang batu, dahil alam niku balaw aku mangay-a.

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Huwan 21:19

Inda kay sinabi ni Hisus hampay ipakilala niya nu kabitay pag kamatayan ti malakawan aban ni Pidru sa ikadayaw sa Diyus. Bag-u sinabi ni Hisus sa kanya magkun, “Pagpasakup kawu lubus sa kangku.”

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

Binwat 4:31

Pagka nakadarangin yi sida nauyug ti balay kanda tinipunan, sida tanan lubus sinuldan Ispiritu Banal ag matutum kanda naisipan nanudlu sida Bagaw Diyus.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Ruma 5:5

Dayu kita mibuyu sa kanta pag-asa, dahil kay pagmahal Diyus ilinubus yi sa kanta manga tagipusuun sa panab-anan Ispiritu Banal, imaw ti ipinakaun Diyus sa kanta.

Ruma 6:13

Danga niyu ipasakup sa kapangyarihan kasalanan una naan pag bahagi bilug niyu para gamit sa kadautan. Bagkus ngap pasakup kamu sa Diyus. Kamu pag manga namatay yi ag binuhi uman, ipakaun niyu sa Diyus kanyu buu pagkatawu hampay gamit yi sa katadlungan.

Ruma 6:19

Maghampang aku angay lang sa ugali tawu hampay balaw makuri maintindihan niyu. Kaybi ipinasakup ngani niyu kanyu sadili sa kayagtingan ag sa kadautan hanggan di mag-amat. Taynguna kailangan ipasakup ngap niyu lubus kanyu sadili sa katadlungan hampay gamitun kamu Diyus.

Ruma 8:19

Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

Ruma 9:33

imaw ti nisurat sa Banal Kasuratan magkun, “Nagpauli aku sa banwa Siun usa ka batu karadayaanun, laun pag batu kanda matalakpahan. Dapat balaw mibuyu una si unu pag tawu nu sumarig sa kanya.”

1 Kurintu 15:31

Sirang-sirang arani yi lang aku sa kamatayan. Inda kang pag-ipakilala sa kanyu dahil kamu duy, manga patar-ari, kang pagbayaun dahil sa kan Kiristu Hisus, sa kanta Panginuun.

1 Kurintu 6:20

dahil kamu binili yi sa halaga. Nakan gamitun niyu kanyu bilug sa ikadayaw sa Diyus.

1 Kurintu 7:34

Pagtalinduwahun kay naisipan may sa buruwatun Panginuun, may sa kay asawa. Katida diman ti babayi unman may asawa ag ti daraga magpangabudlay sa buruwatun Panginuun, hampay ilubus niya kay kabisugan bilug hanggan naisipan sa Panginuun. Dapat ti babayi nu may asawa magpangabudlay maghanap kanda kabuhian nu kabitay makatupad sa kagustuhan niya asawa.

2 Kurintu 10:8

Padi aku mangay-a una aku magpadayaw-dayaw sa kanmi karampatan, dahil ipinakaun waydi Diyus sa kanmi inda pag karampatan balaw sa ikadamhak niyu sa kamatayan nu unman sa ikarig-un ngap niyu.

2 Kurintu 3:12

Unman kita magkadala magtultul dahil may pagsarig kita.

2 Kurintu 4:10

Unman madura sa kanmi bilug ti kamatayan ni Hisus agud sa panab-anan nimi bilug, makitan waydi kay buhi ni Hisus.

2 Kurintu 5:15

Namatay si Kiristu dahil ngani sa tanan tawu hampay ti manga buhi taynguna danga kanda pag-isipun kanda lang sadili kagustuhan naisipan. Bagkus ngap kailangan si Kiristu yi ti turunuha nida buhi imaw ti namatay dahil sa kanda, siya diman nabuhi maan tungkul sa kanda.

2 Kurintu 7:14

Itinultul niku sa kan Titu kuntay kamu mayad pag manga patar-ari. Balaw ngap pudil kang sinabi sa kanya. Ga tutuu gid tanan kanmi pagsabihun sa kanyu, katunda diman waydi pinatutuuhanan ni Titu kuntay balaw pudil kanmi pagdayaw tungkul sa kanyu tabug.

2 Kurintu 7:4

Lubus gid makatiwalaan niku kamu. Daan diman kamu kang pagpahalgaan. Madi mayamu kanmi kakurian, lubus ngap aku sa kasulungan, maglapwas sa kang tagipusuun kang kabayaan.

Pilipus 1:14

Ti mayamu pag manga patar-ari lalu matutum kanda naisipan sa Panginuun dahil sa kang sa pirisuhan. Lalu waya ngap udyi sida magkadala magtudlu Bagaw Diyus.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

1 Tisalunika 5:23

Pag-idarangin niku kamu hampay kamu lubus pasakup sa Diyus. Siya yi ngani tigpakaun kahusayan. Pag-idarangin diman niku kamu hampay alagaan niya kanyu buu pagkatawu sa unman may kadautan una kanyu tagipusuun, una kanyu karadwa, una kanyu bilug hanggan sa ud rumas-ug kanta Panginuun Hisu-Kiristu.

1 Pidru 4:16

Dapat una si unu sa kanyu danga mangay-a nu siya parusahan dahil sa kay magpasakup sa kan Kiristu. Lalu ngap pagpasalamat siya sa Diyus, dahil siya magpakiusa sa kan Kiristu.

1 Huwan 2:28

Kamu duy pag manga tuludluan niku, dagpablag gid kamu ginan sa kan Kiristu, hampay nu miburayhaw siya, balaw kita magkadala ag hampay kita balaw mangay-a sa kay atubangan sa kay pagras-ug aban.