Pilipus 1:17 - Hanunuu

¹⁷ Una ti manga maghirak magtudlu diman waydi tungkul sa kan Kiristu, dapat unman buu kanda naisipan sa Panginuun. Kanda turunu sa ikaayad lang nida sadili kahamtangan ag gustu ngap nida pakurian waya aku sitay sa pirisuhan.

Pilipus 1:17 Iomraidhean Croise

Lukas 21:14

“Pagkarig-un kanyu naisipan, danga magkaaburidu nu kabitay kanyu isagut.

Binwat 22:1

Magkun si Pablu, “Kamu duy pag manga katubu niku hanggan manga gurangun, pagpatingi sa kang paliwanag hampay maalaman niyu aku unman may kasalanan.”

Binwat 26:1

Sinabi ni Agripa sa kan Pablu magkun, “Mahimu yi kawu magbagaw, mamatingi kami nu kabitay kanmu rasun.” Pinaamanan ni Pablu ti manga magpatingi bag-u magbagaw siya, sinagut niya ti sumbung sa kanya.

Binwat 26:24

Magbagaw waya si Pablu magsagut waya sa dimanda manga Hudiyu, nagbagaw ngap si Pistu daraka buka magkun, “Paung duy kawu, Pablu. Napaung baga kawu, dahil subra yi kanmu inadalan.”

Ruma 2:8

Dapat mahigpit pag galit kay ganti Diyus sa manga magbuwat kaguluhan, sa manga dayu magpaniwala sa katutuuhanan, bagkus naniwala di ngap sa kadautan.

Pilipus 1:18

Hayga lugud? Magbaya diman aku basta pag-itudlu si Kiristu sa una hintay pag paraan, una sa tutuu una abi sa pabalhinguun. Pirmi magbaya aku,

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

1 Timutiyu 2:7

Nakan ngani pinili aku Diyus manugtudlu hanggan apustul hampay itudlu niku sa manga balaw Hudiyu ti tutuu pag sarig. Kang pagsabihun inda tutuu gid, balaw pudil.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

2 Timutiyu 4:16

Udyi may nangiba sa kangku sa kang kabag-u inmatubang sa husgadu. Tinayakan nida aku usa wadi. Patawadun sida Diyus.