Pilipus 1:12 - Hanunuu

¹² Gustu niku mana pagmaalaman niyu, manga patar-ari, kuntay ginan sa manga nangyari sa kangku balaw naampara ti Mayad pag Barita. Bagkus ngap lalu nilantag.

Pilipus 1:12 Iomraidhean Croise

Istir 9:1

Nagras-ug ti ika-13 pag sirang sa ika-12 pag bulan Adar. Inda ti sirang pagpatupad sa kasuguan hari. Sa inda pag sirang, inisip manga kalaban manga Hudiyu maruris yi gid nida lubus ti manga Hudiyu. Pat-ay baliktad ti nangyari, dahil sida ngap ti rinuris manga Hudiyu.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Pag-ighit 18:11

Naalaman niku taynguna mas makamaskihan ti Panginuun sa tanan diyus, dahil irinibri niya ti manga Israilita sa manga Ihipsiyu mag-api sa kanda.”

Lukas 21:13

Bag-u mahimu yi kamu magtultul Mayad pag Barita sa kanda.

Binwat 8:4

Pagka nangalat yi ti manga nagsarig sa kan Hisus, itinudlu ngap nida ti Bagaw Diyus una naan sida pag nakalakaw.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

Ruma 8:37

Inda tanan pag kakurian kaya di ay nita madaug dahil sa kanta Panginuun Hisus imaw tigmahal sa kanta.

Pilipus 1:5

Dahil inawatan niyu aku sa kang magpadakit Mayad pag Barita ginan waya sa kabag-u kanyu nagsarig sa kan Kiristu hanggan taynguna tugka.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Pilipus 2:22

Dapat ay naalaman yi waydi niyu matinupadun si Timutiyu. Inawatan niya aku sa kang magtudlu Mayad pag Barita, parihu ga anak mag-awat sa kay ama.

Pilipus 4:15

Naalaman diman niyu kuntay kamu lang pag taga Pilipus ti nakaabay sa kangku sa makuri kag sa maalwan, kang nighit ginan sa Masidunya sa kang kabag-u waya tudlu Mayad pag Barita sa kanyu.

Pilipus 4:3

Ag kawu duy usa ka mayad pag kaawat niku, kang pagsabihan diman kawu, awati nimu asan pag manga babayi hampay udyi sida mag-arawayan. Dahil manga masipag diman waydi sida kaibahan niku sa magpadakit Mayad pag Barita. Nagkarausa diman sida sa buruwatun tabug sa kan Kaluminti hanggan sa tanan niku pag manga kaibahan sa tarabahu. Kanda manga ngaran nisurat sa listahan pag ribru. Ati pag ilinista ti manga ngaran tawu pinakan-an buhi unman may katapusan.

1 Timutiyu 2:8

Kang gustu ngani ti manga lalaki una naan pag rugar nu magdarangin kailangan ipaabwat nida kanda manga kamang tag sa Diyus, ipasakup nida lubus sa Diyus kanda naisipan, danga may galit hanggan magtalaluhan.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.