Pilipus 1:11 - Hanunuu

¹¹ Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Pilipus 1:11 Iomraidhean Croise

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Isayas 5:2

Inaradu niya inda, ipinasaruy di ti manga batu, ag tinanuman pinakamayad gid pag ubas. Namatindug siya usa ka barantayan pag bantayaw sa inda pag ubasan, ag namabuwat pirigsan ubas sa batu. Siyun gin, mag-alagad siya mamurak inda matagsing, pat-ay namurak inda maaslum.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 61:11

Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Huwan 15:16

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Huwan 15:8

Nu parargu kamu magburak mayamu, kang Ama dayawun manga tawu, ag siyun pag makitan kamu kang manga tuludluan.

Ruma 15:28

Pagkatapus tunda, nu miintirga yi niku tunda pag ambagan kuwarta tanan-tanan sa manga patar-ari sa Hirusalim, tuminir waya aku asan sa kanyu bag-u di aku tabug sa Ispanya.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

2 Kurintu 9:10

Ti Diyus tigpakaun binhi hampay ipamgas hanggan karan-unun hampay may makaun, siya ti pumakaun binhi sa kanyu, siya diman ti pumadaka hampay mamurak abunda kanyu mayad buut naisipan.

Ipisu 1:12

hampay kami pag manga Hudiyu ti un-an man sa kanyu nagsarig sa kan Kiristu sa lalu ikadayaw sa kanya.

Ipisu 1:14

Ti Ispiritu ti ipinakaun sa kanta imaw kay puruyba tupadun Diyus kay manga taratu sa kanta, sa manga pinili niya, hampay dayu umalinlangan kita hanggan sa udwaya kita lubus miribri Diyus. Dayawun nita kay kadayawan!

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Ipisu 5:9

Dahil ti ugali sa marayaw kay burak lunsay mayad, matadlung hanggan tutuu.

Pilipus 4:17

Balaw kuntay sa may paghingbutun manga pakaun. Dapat ti mahalaga gid sa kangku nu yumamu waya kanyu manga mayad buwat hampay may matanggap waydi kamu pirimyu aban.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 1:6

Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

2 Tisalunika 1:12

Nu katunda mapakan-an niyu kadayawan ti ngaran Panginuun Hisus, kamu diman hanggan pakan-an waydi kay kadayawan angay sa kay pangaawa Diyus hanggan nita Panginuun Hisu-Kiristu.

Titu 3:14

Tudlui gid nimu kanta manga kaibahan asan hampay gamitun nida ti kada udas sa tarabahu ikabuhi nida ag hampay makaawat diman sida sa manga may kakurangan.

Hibriyu 12:11

Sa katpung kita pagparig-anan balaw masulung nu unman ikaruku ngap. Dapat pagka lawuy kay magpariga kay burak mayad pag kahusayan hanggan katadlungan sa manga mag-ugali sa kaayadan.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Pidru 4:14

Papaladan kamu Diyus nu kamu pagmuransahun dahil kamu napasakup yi sa kan Kiristu, tutuu papaladan kamu dahil nangulian sa kanyu ti makamaskihan pag Ispiritu kadayawan, imaw ti Ispiritu Diyus.