Pilipus 1:1 - Hanunuu

¹ Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Pilipus 1:1 Iomraidhean Croise

Markus 13:34

Parihu sa usa ka tawu linmakaw tag sa iba rugar. Pagka magkalakaw yi siya, ainintirga dapu niya kay ulian sa kay manga panawuhun ag sa kada usa kay buruwatun. Nagbilin waydi sa manug-alaga sabian magkun, ‘Pagpirmi kawu alistu.’

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Binwat 1:20

Magkun si Pidru, “Isinurat ngani sa Ribru manga Kanta magkun, ‘Danga yi may mag-uli sa kay balay, danga yi mag-uli ati una hintay pag manga tawu.’ Isinurat waya, ‘Iba maan ti tumanggap sa kay katungkulan.’

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 9:13

Dapat nagsabi si Ananiyas magkun, “Panginuun, mayamu yi tawu nagtultul sa kangku tungkul sa tunda pag tawu. Mayamu gid pag kadautan ti binwat niya kunu laban sa manga magpasakup sa kanmu ati sa Hirusalim.

Ruma 1:1

Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

1 Kurintu 16:10

Nu rumas-ug si Timutiyu asan sa kanyu kailangan kanyu tanggapun siya sa unman maruku siya kay naisipan. Dahil pagtupadun niya ti buruwatun Panginuun parihu diman ga kangku.

2 Kurintu 1:1

Inda ti may surat si Pablu kay pinili Diyus hampay kay apustul ni Kiristu Hisus, hanggan kanta patar-ari si Timutiyu. Inda pag surat tabug sa iglisya sa Kurintu hanggan sa manga banal mag-uli sa buu daga Akaya.

Galasya 1:10

Taynguna nangahulugan aw kang hingbut hampay dayawun tawu? Bukun ay duy. Kang hingbut ngap hampay dayawun aku Diyus. Nakan aw lugud aku masipag agud pagbayaun tawu? Nu tunda lang kang gustu, balaw mahimu aku suruguun ni Kiristu.

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.

Ipisu 1:15

Nakan ngani pagka nabaritaan niku kanyu pagsarig sa Panginuun Hisus hanggan kanyu pagmahal sa tanan manga nasakup sa Diyus,

Ipisu 6:24

Sa tanan tawu nu kanda pagmahal sa Panginuun Hisu-Kiristu balaw magkauman-uman, pagsa kanda yi ngap kay papalad Diyus.

Pilipus 2:19

May pag-asa aku sa Panginuun Hisus hampay udyi dugay masugu niku si Timutiyu asan tag sa kanyu hampay aku balaw yi maruku sa kang naisipan nu mabaritaan niku kanyu kahamtangan asan.

Pilipus 2:5

Kailangan kanyu ugali naisipan pagga kan Kiristu Hisus waydi pag ugali naisipan.

Pilipus 3:12

Unman kuntay sa nakaaput yi aku ag unman waya aku kang-ud. Dapat lalu ngapu magparargu aku hampay maaput niku ti turunu kay ihinanda ni Kiristu para sa kangku, pagka aku kay binutung.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 3:8

Balaw lang kang pagtupad sa Kasuguan, hanggan ti tanan pag manga buruwatun kang sinipagan kaybi pag-isipun niku udyi gid ngap mahalaga sa kangku taynguna. Dahil ti pinakamahalaga sa kangku kang pagkilala hanggan kang pakiusa sa kan Kiristu Hisus sa kang Panginuun. Dahil sa kanya dinayu yi niku ti tanan pag manga bagay, ga paruk yi lang balaw yi pagpahalagahan niku hampay sa kangku yi si Kiristu, imaw ti tutuu gid mahalaga,

1 Tisalunika 1:1

Inda ti may surat kami ni Pablu, ni Silas, ni Timutiyu, tabug sa iglisya sa Tisalunika, sa manga magpakiusa sa Diyus Ama ag sa Panginuun Hisu-Kiristu. Pagsa kanyu ti papalad hanggan ti kahusayan.

1 Tisalunika 2:2

Alam niyu pagka kami sa Pilipus, inunu-unu kami ag minuransa waya. Dapat una katida pinabisug di nita Diyus kanmi manga tagipusuun hampay una mayamu ti manga kakurian, ilinantag di nimi ti Mayad pag Barita Diyus sa kanyu.

2 Tisalunika 1:1

Inda ti may surat kami ni Pablu, ni Silas, ni Timutiyu, tabug sa iglisya manga taga Tisalunika, sa manga nasakup sa kanta Diyus Ama hanggan sa Panginuun Hisu-Kiristu.

2 Tisalunika 1:10

Mangyari tunda sa kaudasan niya pagras-ug aban hampay dayawun siya tanan manga napasakup sa kanya ag hampay sambahun siya sa karaw-an tanan manga magsarig sa kanya. Mibilang diman kamu ati, dahil tinanggap niyu ti Mayad pag Barita kanmi itinudlu sa kanyu.

1 Timutiyu 1:2

Inda pag surat tabug sa kanmu, Timutiyu, kawu kang pinagkaanak sa pagsarig sa kan Kiristu. Pagsa kanyu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Hisu-Kiristu.

1 Timutiyu 3:8

Tungkul maan sa manga magsirbi sa iglisya, kailangan sida mabuut pag manga tawu, danga pudilun, balaw marainum sa makalangu, balaw maraibgun sa kayamanan.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Titu 1:7

Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

Pilimun 1:1

Inda ti may surat si Pablu, ti napirisu dahil ngani sa kan Kiristu Hisus, hanggan kanta patar-ari si Timutiyu. Inda pag surat tag sa kanmu, Pilimun, sa kanmi pagmahalun pag kaawat sa buruwatun,

Hibriyu 13:23

Kang pag-ibarita sa kanyu si Timutiyu balaw yi ati sa pirisuhan. Nu muli siya madali, kumuyug aku sa kanya asan tag.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Ipinakakit 1:1

Inda pag kasuratan tungkul sa kay ipinakakit Diyus sa kan Hisu-Kiristu. Nakan kay ipinakakit sa kan Hisu-Kiristu hampay kay maan ipaalam sa manga suruguun Diyus ti manga bagay arani yi mangyari. Sinugu ni Hisus kay anghil hampay kay ipakakit inda pag manga bagay sa kay panawuhun sa kan Huwan.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 2:12

“Isurat nimu inda para sa anghil magbantay sa iglisya sa banwa Pirgamu: “Inda ti magsabi imaw yi ngani ti may bitbit matarum pag baladaw duwa kay urup:

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 22:9

Dapat sinabi niya sa kangku magkun, “Danga duy, aku hanggan suruguun parihu sa kanmu, parihu sa kanmu manga patar-ari manga nagpurupita, parihu diman sa tanan manga magpaniwala sa manga bagaw nisurat sa inda pag ribru. Sambahun nimu ti Diyus.”