Pilimun 1:9 - Hanunuu

⁹ Dapat dahil sa kang pagmahal gid sa kanmu, nakan lalu kang gustu magpakihampang gid sa kanmu inda. Aku si Pablu, bilang usa ka gurangun, ti sinugu ni Kiristu Hisus, madi taynguna aku usa ka pirisu dahil sa kanya.

Pilimun 1:9 Iomraidhean Croise

Kanta 71:18

Ag una gurangun yi aku ag may uban yi, danga aku pagpabay-ani, Diyus, habang pag-ipabantug niku kanmu kapangyarihan ag kabisugan sa dumasun pag sinulput.

Kanta 71:9

Danga aku pagbugyahi nu gurangun yi aku. Danga aku pagpabay-ani nu malumuy yi.

Kabagawan 16:31

Ti pagkagurangun usa ka kabayaan matanggap tawu nangabuhi sa matadlung.

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Ipisu 3:1

Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 6:20

Sinugu aku Diyus hampay manudlu sa inda pag Mayad pag Barita una aku sa pirisuhan taynguna. Nakan ngani daranginan yi gid niyu aku hampay ilubus niku kang katutuman sa kang magpanudlu unman may subra unman diman may kurang.

1 Timutiyu 1:12

Magpasalamat aku sa kanta Panginuun Kiristu Hisus, dahil siya tigpabisug sa kangku hampay mabuwat niku inda pag buruwatun ag kinilala niya aku kuntay aku matinupadun, nakan pinili niya aku hampay magsirbi sa inda pag katungkulan.

Titu 2:2

Pagkumun kawu sa manga gurangun pag lalaki, pagmapinigilun sida, pagmahusay, pagmaalumanay kanda manga pag-iisip. Pag-ugali sida sa maayus angay sa kanda pagsarig, pag mapagmahal sida, pagmatiniisun.

Hibriyu 13:19

Lalu gid aku magpaawat duy sa kanyu sa darangin, hampay udyi dumugay aku makauli maan sa kanyu.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

Talaghusay 21:22

Nu manriklamu sa kanmi kanda manga ama ngatay patar-ari lalaki, inda kanmi sabihun sa kanda, ‘Pabay-ani lang niyu sida dahil kurang ti manga daraga nab-ul nimi katpung nan-gira kami sa Habis Gilyad. Unman kamu may saragtun dahil unman diman nagpahintulut asawan-un manga Binhaminita kanyu manga anak babayi.’ ”