Pilimun 1:7 - Hanunuu

⁷ Patar-ari, lubus aku nagbaya ag nagmasulung maan kang naisipan, pagka naalaman niku kuntay dinmasig maan ti naisipan manga nasakupan Diyus dahil sa kanmu pagmahal.

Pilimun 1:7 Iomraidhean Croise

1 Kurintu 16:18

Pinasulung nida kang naisipan, pinasulung waydi nida kanyu naisipan. Pahalagai ngani niyu ti katunda pag manga tawu.

2 Kurintu 7:13

Nakan ti kanyu binwat nagpakaun daka pag kasulungan sa kanmi. Lalu gid ngapu nagbaya kami dahil nagmasulung si Titu dahil kanyu tinanggap ag inawatan siya.

2 Kurintu 7:4

Lubus gid makatiwalaan niku kamu. Daan diman kamu kang pagpahalgaan. Madi mayamu kanmi kakurian, lubus ngap aku sa kasulungan, maglapwas sa kang tagipusuun kang kabayaan.

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

1 Tisalunika 2:19

Udyi kami may paggagadun masulung pag naisipan nu ud dahil lang hanggan sa kanyu, kamu yi lang ti puun nimi kabayaan. Kamu yi ti pinagkapirimyu sa kanmi panalu, kanmi idayaw sa atubangan Panginuun Hisus sa kay pagbalik niya aban!

1 Tisalunika 3:9

Kabitay nguna pag kumang-ud kanmi pasalamat sa Diyus tungkul sa kanyu ag tungkul sa kabayaan kanmi tinanggap dahil sa kanyu sa atubangan nita Diyus.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

Pilimun 1:20

Magpakihampang gid aku sa kanmu dahil ngani sa Panginuun, pasnui gid duy kang pagsabihun sa kanmu. Pakan-i nimu masulung pag kabayaan kang tagipusuun, dahil kawu yi waydi kang patar-ari sa kan Kiristu.

2 Huwan 1:4

Aku lalu ngap nakabaya pagka naalaman niku kanmu manga anak kay iba kanda ugali buhi angay sa katutuuhanan, angay sa sugu kanta tinanggap ginan sa Ama.