Pag-ighit 7:3 - Hanunuu

³ Dapat paganitun niku ti tagipusuun hari Ihiptu. Una waya mamuwat aku mayamu makadululaw ag lilingutan pag manga bagay sa Ihiptu,

Pag-ighit 7:3 Iomraidhean Croise

Nihimyas 9:10

Nagbuwat kawu manga makadululaw hanggan manga lilingutan pag manga bagay laban sa hari Ihiptu, hanggan sa tanan niya manga may kangaranan ag tawuhan, dahil magkaalaman nimu nu kabitay nida inapi kanmi manga ginurang. Ag kanmu ngaran bantug taynguna tugka.

Kanta 135:9

Ati sa Ihiptu, nagbuwat siya manga makadululaw hanggan lilingutan pag manga bagay agud parusahan ti hari Ihiptu ag ti tanan may kangaranan.

Kanta 78:12

Nagbuwat ti Diyus makadululaw ati sa Suan, sa daga Ihiptu ag nakitan inda nita manga ginurang.

Pag-ighit 11:10

Binuwat nida ni Muysis ni Aarun inda pag manga makadululaw sa atubangan hari Ihiptu, dapat pinaganit Panginuun ti tagipusuun hari Ihiptu, ag balaw pinasnuan umighit ti manga Israilita ginan sa kay nasyun.

Pag-ighit 11:9

Magkun kaybi ti Panginuun sa kan Muysis, “Unman maniwala sa kanmu ti hari Ihiptu, hampay mayamu waya pag makadululaw kang buwatun sa Ihiptu.”

Pag-ighit 14:4

Paganitun niku kay tagipusuun ag bukadun niya kamu. Dapat rurisun niku siya hanggan kay manga sundalu. Sa panab-anan tunda madayaw aku, ag maalaman manga Ihipsiyu aku ti Panginuun.” Nakan binuwat inda manga Israilita.

Pag-ighit 3:20

Nakan parusahan niku ti manga Ihipsiyu sa panab-anan manga makadululaw niku buwatun sa kanda. Bag-u di pahintulutan niya kamu umighit.

Pag-ighit 4:21

Magkun ti Panginuun sa kan Muysis, “Nu kawu rumas-ug yi sa Ihiptu, buwata gid nimu sa atubangan hari Ihiptu ti tanan makadululaw pag-ipabuwat niku sa kanmu. Pinakan-an yi niku kawu kapangyarihan hampay bumuwat tunda. Dapat paganitun niku ti tagipusuun hari hampay balaw niya pahintulutan umighit ti manga Israilita.

Pag-ighit 4:29

Nakan minsan linmakaw sida duwa, ag tinipun ti tanan takinan Israil.

Pag-ighit 4:7

Magkun ti Panginuun, “Paulian maan kanmu kamang sa sulud nimu rutay.” Sinunud maan ni Muysis. Pagka ilinuwas niya kay kamang, mayad yi maan parihu sa iba niya bahagi bilug.

Pag-ighit 7:13

Dapat maganit di gid kay tagipusuun hari Ihiptu, balaw siya naniwala sa kanda ni Muysis ag ni Aarun, parihu sa sinabi Panginuun.

Pag-ighit 9:16

Dapat pinasnuan niku kawu mabuhi sa inda pag turunu: hampay maipakakit niku sa kanmu kang kamaskihan ag hampay makilala kang ngaran sa buu kalibutan.

Kabagawan 21:1

Ti kaisipan hari parihu sa danum sa sapa pag-amparahun Panginuun kay magbulus. Pag-amparahun niya angay sa kay kagustuhan.

Isayas 51:9

Panginuun, awati yi duy nimu kami. Gamita yi nimu kanmu kamaskihan sa pagribri sa kanmi. Awati nimu kami parihu sa binwat nimu kaybi. Balaw aw kawu ti nagtuktuk sa daragun si Rahab?

Mikas 7:15

Pagpakakit kawu sa kanmi manga makadululaw ga kanmu diman binwat katpung ipinalwas nimu kami sa Ihiptu.

Huwan 4:48

Sinabi ni Hisus sa kanya magkun, “Kamu unman gid magsarig nu ud may mag-akitan manga makadululaw pag tanda.”

Binwat 2:22

Magkun maan si Pidru, “Kamu pag manga kaparihu niku Israilita, pamatingi kamu. Udyi kamu pumahimudil sa kan Hisus taga Nasarit, dahil may nakitan yi waydi kamu puruyba. Binwat yi ni Hisus sa kanyu atubangan ti manga makamaskihan hanggan makadululaw pag tanda dahil sa kay kapangyarihan Diyus. Tunda balaw yi ngap nilihim sa kanyu.

Binwat 7:36

Sa kay nagbawi sa kanda ginan sa kakurian nagbuwat siya manga makadululaw pag tanda sa Ihiptu, sa Dagat Marara hanggan sa pangawakawaan sa sulud upatpulu ka timpu.

Ruma 15:19

may mamaski waya pag manga makadululaw ag lilingutan pag manga tanda buwat kapangyarihan Ispiritu Banal. Nakan ngani sa tanan rugar ginan sa Hirusalim hanggan tugka Iliriku pag daga itinudlu yi niku ti tanan Mayad pag Barita tungkul sa kan Kiristu.

Ruma 9:18

Nakan ngani pagkaawaan Diyus nu kay gustu niya kaawaan, ag pagpaganitun niya ti tagipusuun tawu nu kay gustu niya paganitun.

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 7:19

Nakitan gid niyu ti manga pagsubuk, ti manga makadululaw hanggan ti manga lilingutan pag bagay, ag ti makamaskihan pag kapangyarihan ipinakakit Panginuun niyu Diyus katpung ipinalwas niya kamu. Parihu diman siyun kay buwatun Panginuun niyu Diyus sa tanan manga pagkadalaan niyu pag manga tawu.