Pag-ighit 3:2 - Hanunuu

² Napakakit ati sa kanya ti anghil Panginuun sa histuda maglabdaban apuy ginan sa karaw-an puun kayu. Nakitan ni Muysis maglabdaban inda, dapat unman diman magkairub.

Pag-ighit 3:2 Iomraidhean Croise

Gimpuunan 21:17

Taynguna, nasaydan Diyus ti maglumi anak. Nakan magkun ti anghil Diyus ginan sa tungud atabug sa kan Hagar, “Hintay ti magpaaburidu sa kanmu naisipan Hagar? Danga kawu magkadala; nasaydan Diyus ti maglumi nimu anak.

Gimpuunan 22:11

tinawag siya anghil Panginuun ginan sa langit, “Abraham! Abraham!” Sinmagut si Abraham, “Hayga duy!”

Gimpuunan 48:16

Ag mana papaladan diman sida anghil, ti nagribri sa kangku sa tanan kadamhakan. Mana maalaala aku hanggan kang manga ginurang sida ni Abraham ni Isaak sa panab-anan nida. Ag mana yumamu waya sida sa kalibutan.”

Kanta 66:12

Pinatat-an nimu kami sa kanmi manga kalaban; ga nangagwanta kami sa apuy ngatay sa baha. Dapat kainda ipinauli nimu kami sa mayad pag kahamtangan.

Pag-ighit 19:18

Nasaput anus ti Bantud Sinai dahil dinmugsun ati ti Panginuun sa histuda apuy. Napatungud ti anus parihu sa anus ginan sa pugun ag natandug mabisug ti bantud,

Pag-ighit 23:20

“Taynguna, suguun niku ti anghil hampay bantayan ag giyahan kamu atag sa rugar inalistu niku para sa kanyu.

Pag-ighit 24:17

Nakan sinmulud si Muysis sa rurum habang magtukad waya gid siya sa bantud. Napatayak siya ati sa sulud upatpulu ka sirang ag upatpulu ka yabi. Nu sa manga Israilita ati sa lawud, bilang apuy maglabdaban ti kadayawan Panginuun sa babaw bantud.

Pag-ighit 3:16

Bag-u magkun waya ti Panginuun sa kan Muysis, “Paglakaw yi kawu ag tipuna ti manga manugpamahala sa Israil bag-u sabiha nimu sa kanda, ‘Ti Panginuun, ti Diyus niyu ginurang, nida ni Abraham, ni Isaak, ag ni Hakub, napakakit sa kangku. Magkun siya: Pagbantayan gid niku kamu, ag nakitan niku ti pagbuwatun manga Ihipsiyu sa kanyu.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Danyil 3:27

Bag-u nagtiripun sa kanda ti manga gubirnadur, manga miyur, manga kumisyunir, ag ti iba waya pag manga takinan hari. Ag nakitan nida unman sida nairub apuy. Una ngani kanda buhuk hanggan rutay unman gid nairub, una di hungaw anus unman gid.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Markus 12:26

Tungkul bay sa pagkabuhi uman manga namatay, unman aw magkabasa niyu sa ribru ni Muysis tungkul sa kayu minaktan apuy. Ati kabay nagsabi ti Diyus sa kanya magkun, ‘Aku ti Diyus ni Abraham, Diyus ni Isaak, Diyus ni Hakub.’

Lukas 20:37

Dapat sa tultulanun tungkul sa kayu minaktan apuy ipinakilala diman ni Muysis pagbuhiun uman ti manga namatay. Iningarnan niya ti Panginuun kuntay siya ti Diyus ni Abraham, Diyus ni Isaak ag Diyus ni Hakub.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

Diyuturunumiyu 33:16

Mana umani pinakamayad pag manga ani kanda daga dahil sa kaayadan Diyus, ti nagbagaw sa kanda ginan sa maglabdaban ababa pag puun kayu. Mana inda pag manga papalad pumirmaminti sa lahi ni Husi dahil higit man siya sa kay manga patar-ari.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

2 Tisalunika 1:7

Kamu ti manga nag-agwanta pakan-an niya kahusayan hanggan kami sa kay pagbalik Panginuun Hisus ginan sa langit kaibahan niya kay manga makapangyarihan pag manga anghil.

Talaghusay 13:13

Nagsagut ti anghil, “Kailangan sundun nimu asawa ti tanan sinabi niku sa kanya.