Pag-ighit 3:1 - Hanunuu

¹ Usa ka sirang, pag-alagaan ni Muysis ti manga hayup niya manugang si Hitru ti manughandug sa Midyan. Dinara niya ti manga hayup sa arani pangawakawaan ag nakaras-ug siya sa Hurib, ti bantud Diyus.

Pag-ighit 3:1 Iomraidhean Croise

1 Hari 19:8

Nakan binmangun ngani si Ilyas, nangaun ag nanginum. Pinabaskug siya niya kinaun, ag nagbaklay siya sa sulud upatpulu ka sirang ag upatpulu ka yabi, tugka sa nakaras-ug siya sa Hurib, ti bantud Diyus.

Pag-ighit 17:6

Alagdun kawu niku ati sa may batu Hurib. Nu ati yi kawu, hampaka ti batu, ag lumuwang ti danum inmun manga tawu.” Ag binuwat ngani inda ni Muysis sa atubangan manga paggurangunun sa Israil.

Bilang 10:29

Bag-u magkun si Muysis sa kay bayaw sa kan Hubab anak ni Ruwil taga Midyan, “Maglakaw yi kami atabug sa rugar itinaratu Panginuun ipakaun niya sa kanmi. Nakan pagkuyug kawu sa kanmi, balaw nimi kawu pabay-anan, dahil nanaratu ti Panginuun papaladan niya ti Israil.”

Malakyas 4:4

“Tupada niyu ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai hampay ipatupad sa tanan nasakupan Israil.

Talaghusay 4:11

Sa ati pag udas, si Hibir usa ka Kiniyu namatindug kay turda arani sa daka pag kayu sa Saananim arani sa Kadis. Napablag siya sa iba pag manga Kiniyu manga lahi ni Hubab bayaw ni Muysis.

Pag-ighit 19:11

Pihua alistu sida sa ikatlu pag sirang, dahil sa ati pag sirang, aku, ti Panginuun, dumugsun sa Bantud Sinai sa mag-akitan tanan tawu.

Lukas 2:8

May manga manug-alaga karanidu sa pasturan arani banwa Bitlihim. Magbantay sida sa yabi sa kanda manada hayup.

Kanta 106:19

Ati sa Hurib, nagbuwat ti manga Israilita gintu pag baka ag sinamba nida inda pag diyus-diyusan.

Diyuturunumiyu 4:10

Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Diyuturunumiyu 1:6

“Katpung ati kita sa Hurib, magkun sa kanta ti Panginuun nita Diyus, ‘Dugay yi kamu magpangulian sitay pag bantud,

Pag-ighit 24:13

Nakan tinmukad si Muysis sa bantud Diyus kaibahan kay manugsirbi si Huswi.

Pag-ighit 19:3

Tinmukad si Muysis sa bantud hampay manpasampak sa Diyus. Tinawagan siya Panginuun ati sa bantud ag sinabi, “Inda ti sabihun nimu sa manga Israilita sa kay linahi ni Hakub:

Pag-ighit 3:5

Magkun ti Diyus, “Danga gid kawu magpakarani. Lubada kanmu lapak, dahil banal pag rugar kanmu pagtindugan.

Pag-ighit 2:16

Rinmas-ug waydi ti pitu ka anak babayi manughandug sa Midyan hampay manaas ag mamainum manada hayup nida ama.

Amus 1:1

Inda ti tultulanun ni Amus taga Tikwa, ti manug-alaga manga karanidu. Inda pag tultulanun tungkul sa Israil. Ipinadangat inda Diyus sa kanya duwa ka timpu bag-u di nangyari ti linug, katpung panahun si Usyas ti hari sa Huda ag si Hirubuam kay anak ni Huas ti hari Israil.

Pag-ighit 4:27

Magkun ti Panginuun sa kan Aarun, “Paglakaw yi kawu, sulanga si Muysis sa pangawakawaan.” Nakan sinulang niya si Muysis sa Bantud Diyus ag inarkan bilang pangamusta.

Pag-ighit 2:21

Nagpasnu si Muysis mandayun sa balay ni Ruwil. Pagkadugay ipinaasawa ni Ruwil kay anak, si Sipura, sa kan Muysis.

Pag-ighit 2:18

Pagka nuli ti manga babayi sa kanda ama si Ruwil, pinaingana niya sida, “Hayga bilang maagap kanyu uli?”

Binwat 7:30

“Pagka nakalawuy upatpulu ka timpu, may napakakit sa kan Muysis usa ka anghil sa basad labdaban apuy sa ababa pag kayu ati sa pangawakawaan sa sugkad Bantud Sinai.

Pag-ighit 3:12

Magkun ti Diyus, “Ibahan niku kawu, ag inda ti puruyba aku ti nagsugu sa kanmu: Nu naipalwas yi nimu ti manga Israilita ginan sa Ihiptu, sambahun niyu aku sa inda pag bantud.”

Pag-ighit 4:18

Nagbalik si Muysis sa kay manugang sa kan Hitru, magkun siya, “Pasnui niyu aku bumalik sa kang manga kasimanwa ati sa Ihiptu hampay duawan ngatay buhi waya sida.” Magkun si Hitru, “Hu, pag may kahusayan mana kanmu lakaw.”

Pag-ighit 18:12

Bag-u nagpakaun si Hitru manga handug pagsunugun ag tuhay waya pag manga handug sa Diyus. Pagka pagbuwatun niya inda, rinmas-ug si Aarun hanggan ti tanan manugpamahala sa Israil. Sinmaru sida sa kan Hitru hampay mangaun sa atubangan Diyus.

Pag-ighit 33:6

linukas ngani nida kanda manga kulintas ati sa bantud Hurib.

Diyuturunumiyu 1:2

(Manga 11 ka sirang lakawun ginan sa Bantud Sinai atabug sa Kadis Barnia nu lakaw sa Bantud Siir.)

Bilang 10:33

Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan.

1 Samwil 16:11

Nagpaingana si Samwil sa kan Isai magkun, “Sida lang aw duy tanan kanmu anak?” Sinmagut si Isai, “May imaw waya duy, kay arian, dapat mag-alaga di siya manga karanidu.” Magkun si Samwil, “Pabul-an duy nimu siya. Balaw kita makaparargu sa kanta buruwatun tugka sa unman siya magras-ug.”

1 Hari 19:19

Nighit ati si Ilyas ag nakitan niya si Ilisyu kay anak ni Sapat, mag-aradu. May sampulu may usa ka paris baka sa kay unahan niya paggamitun niya manga kaibahan sa mag-aradu, ag pag gamitun waydi niya ti ikasampulu may duwa ka paris baka. Pinmakarani si Ilyas sa kanya, linukas kay kulimpay ag ipinakulimpay sa kan Ilisyu.