Pag-ighit 10:3 - Hanunuu

³ Nakan nag-atag sida ni Muysis ni Aarun sa hari Ihiptu bag-u sinabi sa kanya, “Inda ti pagsabihun Panginuun, ti Diyus manga Hibriyu, ‘Tugka kapira kawu magpalabaw-labaw sa kangku? Paighita yi nimu kang nasakupan hampay makasamba sida sa kangku.

Pag-ighit 10:3 Iomraidhean Croise

1 Hari 18:21

Nagpakarani si Ilyas sa manga tawu ag magkun, “Tugka waya lugud kapira kamu pag magtalinduwa? Nu ti Panginuun ti tutuu Diyus, sundun niyu siya, dapat nu si Baal ti tutuu Diyus, sundun niyu inda.” Dapat unman sinmagut ti manga tawu.

1 Hari 21:29

“Nakitan aw nimu nu kabitay nagpakumbaba si Akab sa kay sadili sa kang atubangan? Dahil sa nagpakumbaba niya, balaw niku ipadara ti kadamhakan sa kaudasan niya, nu unman ipadara niku inda sa magtal-anakan niya anak nu maghari yi inda.”

2 Hari 22:19

Pinatingihan niku kanmu darangin, dahil nagsisi kawu ag nagpakumbaba kanmu sadili pagka nadnugan nimu kang sinabi laban sa inda pag rugar hanggan sa manga nasakupan inda, kuntay saadan ag rurisun inda pag rugar. Ginisi waya ngani nimu kanmu rutay ag nanlumi sa kang atubangan. Nakan aku, ti Panginuun, magsabi

2 Krunika 33:12

Sa kay kakurian, nagpakumbaba gid siya kay sadili ag nagpaawa-awa sa Panginuun niya Diyus, kuntay siya diman ti Diyus niya manga ginurang.

2 Krunika 33:19

Kay darangin hanggan ti sagut Panginuun sa kanya, hanggan ti tanan niya kasalanan ag paglabag sa Panginuun, nakasurat sa ribru manga Purupita. Nakalista diman sitay ti manga rugar pinatindugan niya manga simbahan, manga tulduk tanda diyusa si Asira, ag iba waya pag manga diyus-diyusan, bag-u waya siya nagpakumbaba sa Diyus.

2 Krunika 34:27

Pinatingihan niku kanmu darangin, dahil nag-ampu kawu ag nagpakumbaba sa atubangan niku pagka nadnugan nimu ti sinabi niku laban sa inda pag rugar ag sa manga mag-uli sitay. Ginisi nimu waya kanmu rutay ag nanlumi sa kang atubangan bilang pagpakakit karukuan nimu. Nakan aku, ti Panginuun, magsabi

2 Krunika 7:14

ag nu ti manga nasakupan kang tinawag pumakumbaba, mandarangin, mandangup sa kangku, ag pumatlikud sa pagbuwatun nida kadautan, patingihan niku sida ginan sa langit ag patawadun kanda manga kasalanan, ag papaladan niku maan kanda daga.

Hub 42:6

Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Pag-ighit 10:4

Nu balaw nimu sida paighitun, aldaw mamadara aku manga apan sa kanmu nasyun.

Pag-ighit 16:28

Ag magkun ti Panginuun sa kan Muysis, “Tugka kapira waya inda pag nasakupan maglabag sa kang manga sugu hanggan manga tudlu?

Pag-ighit 4:23

nakan nagsugu aku pasnui nimu siya umighit hampay mansamba sa kangku, dapat balaw kawu nagpasnu. Nakan matyun niku ti panganay nimu pag anak lalaki!’ ”

Pag-ighit 5:1

Nag-atag sida ni Muysis ni Aarun sa hari Ihiptu ag magkun, “Inda ti pagsabihun Panginuun, ti Diyus Israil: ‘Pasnui nimu umighit kang manga nasakupan hampay tupadun nida kanda pista ati sa pangawakawaan para sa kangku.’ ”

Pag-ighit 9:17

Dapat magpalabaw diman kawu sa kang nasakupan, ag unman waya nimu sida pagpasnuan umighit.

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Kabagawan 1:24

Dahil balaw niyu pinakidnugan kang magtawag sa kanyu kuntay pagpakarani kamu sa kangku,

Kabagawan 18:12

Ti pagpadayaw-dayaw makapadamhak, dapat ti pagpakumbaba makaparangal.

Isayas 1:5

Manga taga Israil, hayga parargu kanyu maglaban? Magkaibug aw waya lugud kamu parusahan? Ga tawu kamu lunsay biyag kay ulu ag punu kakurian kay tagipusuun.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 13:18

Sinugu aku Panginuun kuntay sabihun sa hari hanggan sa kay ina rayna pagdugsun sida gin sa kanda tukawan hari dahil arani yi bul-un sa kanda ulu ti marinu nida pag kuruna.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Isikil 5:6

Linabag niya kang manga sugu, ag mas daut waya siya kaysa iba pag manga nasyun sa kay palibut. Dinayu niya kang manga sugu ag manga surundanun.

Danyil 5:22

“Ag kawu, Hari Bilsasar kay anak niya, una naalaman yi nimu inda tanan, unman diman kawu nagpakumbaba kanmu sadili.

Bilang 14:27

“Tugka waya kapira magriklamu inda pag daut nasakupan sa kangku? Nasaydan niku ti manga riklamu manga marariklamu pag manga Israilita.

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Santiyagu 4:10

Pagpakumbaba kamu sa atubangan Panginuun, bag-u kamu paabwatun niya.

1 Pidru 5:6

Nakan ngani pagpasakup kamu sa kamaskihan Diyus, hampay ipaabwat niya kamu nu rumas-ug kay taning pag udas.