Nihimyas 9:6 - Hanunuu

⁶ Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Nihimyas 9:6 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

Gimpuunan 1:9

Bag-u magkun ti Diyus, “Pagmatigsunan sa usa ka rugar ti danum sa sirung langit hampay lumutaw ti mamara pag bahagi.” Ag nangyari ngani inda.

Gimpuunan 2:1

Kinamhan yi linalang Diyus ti langit, ti daga hanggan ti tanan mag-uli asan.

Gimpuunan 32:2

Igu nakitan sida ni Hakub, magkun siya, “Manga sundalu inda Diyus.” Nakan iningarnan niya Mahanaim tunda pag rugar.

1 Hari 22:19

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

2 Hari 19:15

Bag-u nandarangin siya, “Panginuun, Diyus Israil matukawan sa tukawan hari sa karaw-an manga kirubin, kawu lang ti Diyus sa tanan kaharian sitay sa kalibutan. Linalang nimu ti kalangitan hanggan ti kalibutan.

2 Hari 19:19

Nakan taynguna, Panginuun kanmi Diyus, ribrihan kami sa kamang Asirya, hampay ti tanan pag kaharian sitay sa kalibutan makaalam kawu lang, Panginuun, ti Diyus.”

Nihimyas 9:5

Ti manga nagtawag pag Libita sa manga tawu hampay sumamba sida ni: Hisuwa, ni Kadmiyil, ni Bani, ni Hasabniya, ni Siribya, ni Hudiya, ni Sibanyas ag ni Pitahiyas. Magkun sida, “Pagtindug kamu ag dayawun ti Panginuun niyu Diyus magkabuhi sa unman may katapusan!” Bag-u magkun sida, “Panginuun, kadayaw-dayaw kanmu kamaskihan! Unman inda matupngan nimi pagdayaw.

Kanta 102:25

Sa kabag-u linalang nimu ti kalibutan ag ti langit.

Kanta 103:21

Dayawa niyu ti Panginuun, kamu tanan pag taga langit pag manga linalang, magsunud sa kanya ag magsunud sa kay kagustuhan.

Kanta 115:15

Mana papaladan kamu Panginuun imaw ti naglalang sa kalangitan ag sa kalibutan.

Kanta 124:8

Ti kanta awat ginan sa Panginuun imaw ti nagbuwat sa kalangitan ag sa kalibutan.”

Kanta 146:6

imaw ti naglalang sa kalangitan ag sa kalibutan, sa dagat ag sa tanan atay. Masarigan gid ti Panginuun hanggan aban.

Kanta 24:10

Si unu lugud ti may kadayawan pag Hari? Siya ti Panginuun Makamaskihan. Hu, siya ti may kadayawan pag Hari.

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Kanta 36:6

Kanmu pagkamatadlung marig-un parihu sa abwat pag manga bantud. Kanmu paghusay balaw masalman parihu sa kalalawdan dagat. Pag-alagaan nimu, Panginuun, ti manga tawu ag manga hayup.

Kanta 86:10

Dahil makamaskihan kawu, ag makadululaw kanmu manga buwat; ag kawu lang ti Diyus.

Isayas 37:16

“Panginuun, Diyus Israil matukawan sa turukawan sa tab-anan manga kirubin, kawu lang duy ti Diyus magdumara sa tanan kaharian sitay sa kalibutan. Linalang nimu ti kalangitan ag ti kalibutan.

Isayas 37:20

Nakan Panginuun nimi Diyus, iribri nimu kami sa kamang Asirya, hampay maalaman tanan kaharian sitay sa kalibutan kawu lang, Panginuun ti Diyus.”

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Isikil 20:11

Ati, ipinakaun niku sa kanda kang manga sugu ag manga surundanun kailangan nida sundun hampay magpangabuhi sida.

Hunas 1:9

Sinmagut si Hunas, “Hibriyu aku ag magsamba aku sa Panginuun, ti Diyus sa langit ti naglalang dagat hanggan daga.”

Huwan 10:30

Aku hanggan ti Ama urusa kami.”

Binwat 4:24

Pagka nadnugan manga patar-ari tunda pag manga barita, nagkarausa kanda manga tagipusuun, nagdarangin sida naghampang sa Diyus magkun, “Kawu duy Panginuun, ti naglalang langit, daga, dagat, hanggan ti tanan pag manga bagay asan sa kanda.

Diyuturunumiyu 10:14

“Sa Panginuun niyu Diyus ti kalangitan, una ti pinakaabwat pag langit, hanggan ti kalibutan ag ti tanan siyun.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

Diyuturunumiyu 6:4

“Pagpatingi kamu, manga nasakupan Israil: Ti Panginuun nita Diyus imaw lang ti Panginuun.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 1:6

Kainda waya kay sinabi Diyus, pagka arani yi suguun niya ti panganay tag sa kalibutan, magkun siya, “Kailangan siya sambahun tanan manga anghil.”

Ipinakakit 14:7

Nagbagaw ti anghil daka magkun, “Pagkadala kamu sa Diyus, dayawun niyu kay kamaskihan. Dahil rinmas-ug yi kay kaudasan hampay pilahun niya ti manga matadlung sa manga unman matadlung. Sambahun niyu ti Diyus ti naglalang langit, daga ag dagat hanggan bulbugan danum.”

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”