Nihimyas 9:38 - Hanunuu

³⁸ “Dahil siyun, kami pag manga Hudiyu nagbuwat usa ka marig-un pag kasunduan. Isinurat inda ag pinirmahan nimi manga takinan, manga manughandug, hanggan manga Libita.”

Nihimyas 9:38 Iomraidhean Croise

2 Hari 23:3

Bag-u nagtindug si Husyas sa saruy tulduk pirmi pagtindugan hari. Ag nagbuwat siya kasunduan sa atubangan Panginuun kuntay sumunud siya sa Panginuun sa panab-anan pagtupad sa kay manga sugu, hanggan tudlu, ag surundanun sa buu niya tagipusuun ag karadwa. Sa kainda pag paraan matupad ti manga pag-isugu sa kasunduan Diyus nakasurat sa inda pag ribru. Ag nangaku diman ti manga tawu tumupad sa kasunduan Diyus.

2 Krunika 23:16

Nagbuwat kasunduan si Hihuyada kaibahan ti manga tawu hanggan ti hari kuntay sida nasakupan yi Panginuun.

2 Krunika 29:10

Dapat taynguna, gustu gid niku manbuwat kasunduan sa Panginuun, ti Diyus Israil, hampay madura ti masyadu niya pag pangagalit sa kanta.

2 Krunika 34:31

Pagkatapus, tinmindug si Husyas sa saruy tulduk pirmi pag tindugan hari. Ag nagbuwat siya kasunduan sa nabubut-un Panginuun kuntay sumunud siya sa Panginuun sa panab-anan pagtupad sa kay manga sugu, itinudlu, ag surundanun may buu tagipusuun ag karadwa. Nanaratu siya tupadun niya ti manga pag-ipatupad kasunduan Diyus nakasurat sa ribru.

Isra 10:3

Nakan taynguna, sundun nimi ti paanyu nimu hanggan iba waya maggalang sa sugu nita Diyus. Mamuwat kami kasunduan sa kanmi Diyus palayasun inda pag manga babayi hanggan kanda manga anak. Sundun nimi ti pagsabihun Kasuguan.

Nihimyas 10:1

Ti un-an nagpirma si Gubirnadur Nihimyas kay anak ni Hakalyas, ag si Sidikyas.

Nihimyas 10:29

nagsumpa kaibahan nimi manga takinan, kuntay kanmi tupadun ti Kasuguan ipinakaun Diyus sa panab-anan niya manugsirbi si Muysis. Nagsumpa diman kami tanggapun nimi ti saad Diyus nu balaw nimi matupad kanmi itinaratu kuntay sundun ti tanan sugu hanggan manga surundanun Panginuun nimi Diyus.

Isayas 44:5

May manga sumabi, ‘Aku sa Panginuun,’ may sumabi diman, ‘Aku linahi ni Hakub.’ May imaw diman mamauli marka sa kanda manga kamang pangaran Panginuun, ag ipaparihu kay sadili minsan sa nasakupan Israil.”

Matiyu 27:66

Nakan ngani nag-ati sida sa tinaguktukan batu, bag-u sa magbantay manga guwardiya siniradu nida ti sabian hampay pihu unman may gumaraw.