Nihimyas 9:37 - Hanunuu

³⁷ Ti abunda pag manga patubas daga niatag sa manga hari kanmu pinili ti humari sa kanmi dahil sa kanmi manga kasalanan. Pagbuwatun nida ti gustu nida buwatun sa kanmi hanggan sa kanmi manga pag-alagaun pag hayup, ag masyadu kanmi pag-agwantahun.”

Nihimyas 9:37 Iomraidhean Croise

Isra 4:13

Mahal Hari, nu maibungsud maan inda pag banwa ag mahiwat kay manga alad batu, manlaban ti manga mag-uli siyun ag balaw yi sida manbayad manga buhis hanggan iba waya manga baraydan. Nakan dumiit yi ti kitaun kaharian.

Isra 6:8

“Pag-isugu diman niku pag-awat kamu sa manga takinan manga Hudiyu sa pagbayad kadali sa tanan gastusun hampay balaw mabalag kanda tarabahu. Ti panmayad bul-un niyu sa kuwarta kaharian ginan sa buhis niyu purubinsiya.

Isra 7:24

Pag-ipaalam diman nimi sa kanyu danga niyu pagpabayada buwis ag iba waya baraydan ti manga manughandug, manga Libita, manga manugkanta, manga guwardiya sa manga sabian Balay Diyus, manga suruguun sa Balay Diyus, ag iba waya pag manugsirbi siyun pag Balay Diyus.

Nihimyas 5:8

Magkun aku, “Pagsikapun gid nita malukat kanta kaparihu manga Hudiyu nagpabili kanda sadili bilang panawuhun sa manga day-uhan. Dapat taynguna, dahil sa kanyu pagbuwatun, magkapilitan diman sida magpabili kanda sadili bilang panawuhun. Pirmi yi lang aw lugud nita sida pagpakalukatun?” Naghim-ung yi lang sida dahil unman sida may maidahilan.

Karukuan 5:5

Pagpatarabahuun kami ga manga hayup pag singkawan. Unman gid kami pagpaharyun.

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Huwan 8:33

Sinabi nida sa kan Hisus magkun, “Linahi kami ni Abraham. Una kaybi ginan kami balaw duy panawuhun. Kabitay kanmu masabi kuntay kami iribri?”

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.

Diyuturunumiyu 28:39

Mananum kamu ubas bag-u kanyu alagaan inda, dapat unman kamu makaputi kay burak inda ngatay makainum kay intus, dahil kan-un inda manga basul.

Diyuturunumiyu 28:48

ipabahala niya kamu sa ipinadara niya pag manga kalaban sa kanyu ag sumirbi kamu sa kanda. Lun-usun kamu, uwawun, kurangun sa rutay ag matabwan una hintay pag bagay. Pakurianan niya kamu ga binitinan singkaw baul tugka sa magkaramatay kamu.

Diyuturunumiyu 28:51

Kan-un nida kanyu manga hayup hanggan kanyu manga tubas tugka sa magkaramatay kamu. Unman diman sida may sawadan sa kanyu uyas, una irinmun ubas ngatay lana ulibu hanggan manga hayup tugka sa maruris kamu.