Nihimyas 9:35 - Hanunuu

³⁵ Una may imaw sida sadili pag kaharian, ag nakalakaw masyadu pag kaayadan, una pinakan-an nimu sida maluang ag abunda pag daga, unman diman sida magsirbi sa kanmu ag unman magpatlikud sa kanda daut pag manga kaugalian.

Nihimyas 9:35 Iomraidhean Croise

Nihimyas 9:25

Sinakup nimu nasakupan ti manga may alad batu pag manga banwa hanggan ti abunda pag manga daga. Inapu diman nida ti manga balay punu mararinu pag manga bagay, manga bubun, manga ubasan, manga taranuman ulibu ag iba waya pag manga kayu magbururak. Nangaun sida tugka sa nabsug sida ag nagbaliw makurasug kanda bilug. Nakabaya sida sa mayad pag binwat nimu sa kanda.

Nihimyas 9:34

Kanmi manga hari, manga takinan, manga manughandug, hanggan manga ginurang unman magtupad sa kanmu Kasuguan. Unman nida binati kanmu manga sugu hanggan manga pasandam.

Isayas 63:7

Ipaburayhaw niku ti pagmahal Panginuun. Dayawun niku siya sa tanan niya pag binwat sa kanta. Pagkayamu kay binwat sa kanta sa kay nasakupan Israil dahil sa daka niya pag pangaawa ag pagmahal.

Hirimyas 5:19

Nu may magpaingana, ‘Hayga binwat Panginuun nita Diyus inda tanan sa kanta?’ Sabihun nimu sa kanda, ‘Dahil dinayu niyu ti Panginuun ag nagsirbi kamu sa iba pag diyus sa kanyu sadili daga. Nakan taynguna, sumirbi kamu sa manga day-uhan sa daga bukun kanyu.’

Isikil 5:6

Linabag niya kang manga sugu, ag mas daut waya siya kaysa iba pag manga nasyun sa kay palibut. Dinayu niya kang manga sugu ag manga surundanun.

Diyuturunumiyu 28:47

Dahil balaw kamu nagsirbi may kabayaan ag kasulungan sa Panginuun niyu Diyus sa udas niyu kaabundahan,

Diyuturunumiyu 28:48

ipabahala niya kamu sa ipinadara niya pag manga kalaban sa kanyu ag sumirbi kamu sa kanda. Lun-usun kamu, uwawun, kurangun sa rutay ag matabwan una hintay pag bagay. Pakurianan niya kamu ga binitinan singkaw baul tugka sa magkaramatay kamu.

Diyuturunumiyu 31:21

Ag nu rumas-ug yi sa kanda ti mayamu pag kadamhakan hanggan manga kakurian, inda pag kanta imaw ti kumastigus laban sa kanda, dahil balaw inda malimtan nida manga lahi. Alam niku nu hintay kanda paggayakun buwatun una unman waya niku sida magkadara sa kang itinaratu iayaw pag daga sa kanda.”