Nihimyas 9:34 - Hanunuu

³⁴ Kanmi manga hari, manga takinan, manga manughandug, hanggan manga ginurang unman magtupad sa kanmu Kasuguan. Unman nida binati kanmu manga sugu hanggan manga pasandam.

Nihimyas 9:34 Iomraidhean Croise

2 Hari 17:13

Pagpasandaman pirmi Panginuun ti Israil ag Huda sa panab-anan manga purupita ag manughula: “Pagpatlikud yi kamu sa kanyu daut pag manga ugali. Tupada niyu kang manga sugu hanggan ti manga surundanun sa tanan Kasuguan ti pag-ipatupad niku sa kanyu manga ginurang, ag ipinakaun niku sa kanyu sa panab-anan niku manga manugsirbi pag manga purupita.”

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

2 Krunika 29:6

Unman matinupadun kanta manga ginurang. Daut ti binwat nida sa magbantay Panginuun nita Diyus ag siya kanda dinayu. Pinabay-anan nida ti Balay Diyus ag siya kanda ngani pinatlikudan.

Isra 9:10

“Dapat taynguna, Diyus nimi, nagkasala kami. Unu waya ti masabi nimi? Dahil pag-ipalawuy nimi kanmu manga sugu

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Nihimyas 9:33

Matadlung kanmu binwat pagpihu sa kanmi. Matinupadun kawu sa kanmi, dapat kami inda nagbuwat kasalanan.

Nihimyas 9:35

Una may imaw sida sadili pag kaharian, ag nakalakaw masyadu pag kaayadan, una pinakan-an nimu sida maluang ag abunda pag daga, unman diman sida magsirbi sa kanmu ag unman magpatlikud sa kanda daut pag manga kaugalian.

Hirimyas 29:19

Dahil balaw nida pinatingihan kang manga bagaw ti pirmi niku pagsabihun sa kanda sa panab-anan niku manga manugsirbi pag manga purupita. Ag hanggan kamu pag manga binihag balaw diman naniwala.” Aku, ti Panginuun, ti magsabi inda.

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Hirimyas 44:4

Pirmi niku pagsuguun ti manga manugsirbi niku manga purupita hampay pakan-an sida pasandam kuntay danga nida pag buwata tida pag manga bagay mayagting sa kangku ag pagkadat-an niku,

Isikil 5:6

Linabag niya kang manga sugu, ag mas daut waya siya kaysa iba pag manga nasyun sa kay palibut. Dinayu niya kang manga sugu ag manga surundanun.

Danyil 9:6

Unman kami namatingi sa kanmu manugsirbi pag manga purupita, kanmu sinugu manhampang sa kanmi manga hari, manga takinan, manga paggurangunun hanggan sa tanan nasakupan Israil.

Diyuturunumiyu 31:21

Ag nu rumas-ug yi sa kanda ti mayamu pag kadamhakan hanggan manga kakurian, inda pag kanta imaw ti kumastigus laban sa kanda, dahil balaw inda malimtan nida manga lahi. Alam niku nu hintay kanda paggayakun buwatun una unman waya niku sida magkadara sa kang itinaratu iayaw pag daga sa kanda.”