Nihimyas 9:32 - Hanunuu

³² “Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Nihimyas 9:32 Iomraidhean Croise

1 Hari 8:23

bag-u nandarangin, “Panginuun, Diyus Israil, unman may Diyus parihu ga kanmu sa langit ngatay sa daga. Pagtupadun nimu kanmu kasunduan, ag pag-ipakakit nimu kanmu pagmahal sa kanmu manga suruguun magsunud sa kanmu sa buu nida tagipusuun.

2 Hari 15:19

Taynguna, nag-atag si Hari Tiglat Pilisir taga Asirya sa Israil hampay man-gira. Pinakan-an ni Minahim si Tiglat Pilisir manga 35 ka tunilada pilak hampay awatan siya ni Tiglat Pilisir rumig-un waya gid kay maghari.

2 Hari 15:29

Pagka sa udas maghari si Pika, ginira ni Hari Tiglat Pilisir taga Asirya ti Israil, ag inagaw niya ti banwa Iyun, Abil Bit Maaka, Hanuwa, Kidis, ag Hasur. Naagaw diman niya ti Gilyad, Galiliya, ag ti tanan daga Niptali. Ag dinara niya kay manga nasakupan sa Asirya bilang bihag.

2 Hari 17:23

tugka sa pinaighit sida Panginuun sa kay atubangan, angay sa kay ipinasandam sa kanda sa panab-anan niya manga manugsirbi pag manga purupita. Nakan binihag Asirya ti nasakupan Israil, ag ati sida pag nangulian tugka taynguna.

2 Hari 17:3

Ginira ni Hari Salmanisir taga Asirya si Husyas. Sinakup niya siya ag pinabayad buhis.

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

2 Hari 23:29

Katpung maghari waya si Husyas, si Niku, ti hari Ihiptu, nag-atag sa Sapa Iyupratis hampay mangawat sa hari Asirya. Ginminan si Hari Husyas hanggan kay manga sundalu hampay manlaban sa kan Niku, dapat minatay siya ni Niku pagka nagsarampakan sida sa Migidu.

2 Hari 25:7

Pinanmatay sa kay atubangan kay manga anak lalaki. Bag-u linuwat kay manga mata, hinigtan tarikada siya, ag dinara sa Babilunya.

Isra 4:2

nakan nag-ati sida sa kan Surubabil hanggan sa manga takinan manga magtal-anakan ag magkun, “Awatan nimi kamu sa pagbungsud Balay Diyus dahil pagsambahun diman nimi kanyu Diyus parihu sa pagbuwatun niyu. Dugay yi kami maghandug manga handug sa kanya, ginan waya sa pangudasun ni Hari Isarhadun taga Asirya, ti nagdara sa kanmi sitay.”

Isra 9:13

Pinarusahan nimu kami, Diyus nimi, dahil sa kanmi manga kasalanan. Dapat ti parusa nimu sa kanmi kurang waya sa dapat nimi tanggapun, ag pinasnuan nimu waya may masawad buhi sa kanmi.

Nihimyas 1:5

Magkun aku, “Panginuun, Diyus sa langit, makamaskihan kawu ag makadululaw pag Diyus. Pagtupadun nimu kanmu kasunduan may pagmahal sa manga magmahal sa kanmu ag magtupad sa kanmu manga sugu.

Kanta 47:2

Kagalang-galang gid ti Panginuun, ti Kaabwat-abwatan pag Diyus. Makamaskihan siya pag hari sa buu kalibutan.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Kanta 66:5

Abala kamu, bantayi niyu ti makadululaw pag manga binwat Diyus sa manga tawu.

Pag-ighit 18:8

Itinultul ni Muysis sa kan Hitru ti tanan binwat Panginuun sa hari Ihiptu hanggan sa manga Ihipsiyu para sa manga Israilita. Itinultul diman niya ti tanan nida nalakawan pag kakurian sa kanda maglakaw ag nu kabitay sida irinibri Panginuun.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Danyil 9:4

Kaindaay kang pagsabihun sa kang darangin sa Panginuun niku Diyus ag nanhagad patawad sa kang manga kasalanan hanggan sa kasalanan manga Israilita: “Panginuun, makamaskihan kawu ag makadululaw pag Diyus. Matinupadun kawu sa kanmu kasunduan mahalun nimu ti magmahal sa kanmu hanggan ti magsunud sa kanmu manga sugu.

Danyil 9:6

Unman kami namatingi sa kanmu manugsirbi pag manga purupita, kanmu sinugu manhampang sa kanmi manga hari, manga takinan, manga paggurangunun hanggan sa tanan nasakupan Israil.

Danyil 9:8

Makakaray-a kami, Panginuun, hanggan kanmi manga hari, manga takinan, ag manga paggurangunun, dahil nagkasala kami sa kanmu.

Libitiku 26:18

Ag nu dayu waya gid kamu mamatingi sa kangku, parusahan niku kamu pitu ka ulit.

Libitiku 26:21

Nu parargu waya gid kamu maglabag ag balaw mamatingi sa kangku, dugangan waya gid maan niku pitu ka bisis kanyu parusa.

Libitiku 26:24

aku yi gid mismu ti lumaban sa kanyu bag-u parusahan niku kamu pitu waya gid ka bisis.

Libitiku 26:28

sa kang pangagalit labanan niku kamu bag-u parusahan pitu waya gid ka bisis.

Diyuturunumiyu 7:12

Nu tupadun ag sundun niyu mayad inda pag manga sugu, tupadun diman waydi Panginuun niyu Diyus kay kasunduan kuntay mahalun niya kamu, angay sa kay itinaratu sa kanyu manga ginurang.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

Diyuturunumiyu 7:21

Danga kamu magkadala sa kanda dahil ti Panginuun niyu Diyus kaibahan niyu, ti makamaskihan ag makadululaw pag Diyus.

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.