Nihimyas 9:29 - Hanunuu

²⁹ Pagpasandaman nimu sida kuntay pagtupad maan sa kanmu Kasuguan, dapat marapalabaw sida ag unman nida pagtupadun kanmu manga sugu. Nagsalan sida laban sa kanmu manga sugu magpakaun tutuu pag buhi sa magtupad inda. Sa kaganitan nida manga ulu nagpatlikud sida sa kanmu, ag dayu sida mamatingi sa kanmu.

Nihimyas 9:29 Iomraidhean Croise

2 Hari 17:13

Pagpasandaman pirmi Panginuun ti Israil ag Huda sa panab-anan manga purupita ag manughula: “Pagpatlikud yi kamu sa kanyu daut pag manga ugali. Tupada niyu kang manga sugu hanggan ti manga surundanun sa tanan Kasuguan ti pag-ipatupad niku sa kanyu manga ginurang, ag ipinakaun niku sa kanyu sa panab-anan niku manga manugsirbi pag manga purupita.”

2 Hari 17:14

Dapat unman sida magtupad. Maganit kanda manga ulu parihu sa kanda manga ginurang unman magsarig sa Panginuun nida Diyus.

2 Krunika 24:19

Nagpadara ti Panginuun manga purupita sa manga tawu hampay pabalikun sida sa kanya. Ag una pag pasandaman sida manga purupita, unman diman sida magpatingi.

2 Krunika 33:10

Una pinasandaman Panginuun si Manasis ag kay manga nasakupan, unman diman sida namatingi sa kanya.

2 Krunika 36:15

Pirmi magpakihampang sa kanda ti Panginuun, ti Diyus nida manga ginurang, sa panab-anan niya manga purupita, dahil magkaawa siya sa kanda hanggan sa kay Balay.

Nihimyas 13:15

Sa tunda pag udas, may nakitan aku manga taga Huda magpuga ubas sa Sirang Pamahari. Ti iba sa kanda magkarga manga tirigu, intus, ubas, igus, ag iba waya pag manga bagay sa kanda manga asnu hampay daran-un sa Hirusalim. Nakan binagawan niku sida danga magpabili kanda manga kalakal sa Sirang Pamahari.

Nihimyas 9:10

Nagbuwat kawu manga makadululaw hanggan manga lilingutan pag manga bagay laban sa hari Ihiptu, hanggan sa tanan niya manga may kangaranan ag tawuhan, dahil magkaalaman nimu nu kabitay nida inapi kanmi manga ginurang. Ag kanmu ngaran bantug taynguna tugka.

Nihimyas 9:16

Dapat sida kanmi manga ginurang nagmarapalabaw-labaw, maganit kay ulu, unman masinurundun sa kanmu manga sugu.

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Pag-ighit 10:3

Nakan nag-atag sida ni Muysis ni Aarun sa hari Ihiptu bag-u sinabi sa kanya, “Inda ti pagsabihun Panginuun, ti Diyus manga Hibriyu, ‘Tugka kapira kawu magpalabaw-labaw sa kangku? Paighita yi nimu kang nasakupan hampay makasamba sida sa kangku.

Hirimyas 17:23

dapat balaw sida nagpatingi sa kangku. Maganit gid kanda ulu! Balaw nida pagtanggapun kang manga pag-itudlu sa kanda.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 42:19

“Kamu pag manga magkasawad taga Huda, pagsabihun Panginuun kuntay danga kamu mag-atag sa Ihiptu. Tandai gid niyu inda ti pasandam kang pagsabihun sa kanyu taynguna.

Hirimyas 43:2

magkun sa kanya sida ni Asariyas kay anak ni Husaya, si Huhanan kay anak ni Karya, ag ti iba waya pag manga palabi-labihun pag manga lalaki, “Pudilun kawu! Balaw kawu sinugu Panginuun nimi Diyus, para sabihun sa kanmi kuntay balaw kami kailangan umatag sa Ihiptu hampay mangulian ati.

Hirimyas 44:10

Taynguna tugka udwaya gid kamu magpakumbaba ngatay magkadala sa kangku. Unman diman kamu nagsunud sa manga kasuguan ag manga surundanun ipinakaun niku sa kanyu hanggan sa kanyu manga kaumputan.’

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Isikil 20:11

Ati, ipinakaun niku sa kanda kang manga sugu ag manga surundanun kailangan nida sundun hampay magpangabuhi sida.

Danyil 5:20

Dapat dahil sa kay nagpayabang ag nagpadayaw, pinaighit siya sa kay katungkulan bilang hari

Husyas 6:5

Nakan ngani pinasandaman niku kamu sa panab-anan niku manga purupita kuntay midamhak kamu ag magkaramatay. Ipaburayhaw niku kang pagsintinsiya sa kanyu parihu sa rayaw kilat.

Matiyu 19:17

Nagsagut si Hisus magkun, “Hayga aku kanmu pagpaingan-un nu hintay ti mayad? Usa lang ti mayad, unman yi may tuhay waya nu unman ti Diyus. Nu gustu nimu makatanggap buhi, tupada nimu ti manga kasuguan.”

Lukas 10:28

Magkun si Hisus sa kanya, “Tama duy kanmu sagut. Tupada yi ngani nimu tunda hampay may buhi kawu unman may katapusan.”

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Galasya 3:12

Dapat ti Kasuguan saman sa pagsarig. Dahil magkun ti Banal Kasuratan, “Ti tawu nu magtupad sa kay bilin Kasuguan may buhi dahil lang sa kay magtupad.”

Diyuturunumiyu 31:21

Ag nu rumas-ug yi sa kanda ti mayamu pag kadamhakan hanggan manga kakurian, inda pag kanta imaw ti kumastigus laban sa kanda, dahil balaw inda malimtan nida manga lahi. Alam niku nu hintay kanda paggayakun buwatun una unman waya niku sida magkadara sa kang itinaratu iayaw pag daga sa kanda.”

Diyuturunumiyu 31:27

Dahil alam di niku nu kabitay kamu maralabag ag maganit kanyu ulu. Una ngani taynguna kaibahan niyu aku, maglaban yi kamu sa Panginuun, lalu waya gid nu tigbak yi aku!

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.

Talaghusay 6:10

Magkun aku sa kanyu aku ti Panginuun niyu Diyus ag dapat balaw kamu magsamba sa manga diyus manga Amuriyu kanda rugar imaw ti kanyu pag-ulian kainda. Dapat unman kamu nagpatingi sa kangku.’ ”