Nihimyas 9:28 - Hanunuu

²⁸ “Dapat nu mayad yi ti kahamtangan nida, magbuwat yi maan sida daut sa kanmu atubangan. Ipinabahala nimu sida sa kamang manga kalaban nida hampay sakupun sida. Ag nu magdarangin maan sida hampay manhagad awat sa kanmu, pagpatingihan nimu sida asan sa langit. Ag sa kanmu pangaawa pirmi nimu sida pag-iribri.

Nihimyas 9:28 Iomraidhean Croise

1 Hari 8:39

patingihi sida asan sa kanmu ulian sa langit. Patawada nimu sida, ag buwata sa kanda ti angay sa kanda manga binwat, dahil alam nimu ti kada tagipusuun nida. Tutuu kawu lang ti may alam tagipusuun tanan tawu.

Kanta 106:42

Binwat panawuhun sida nida manga kalaban.

Kanta 136:24

Irinibri niya kita sa kanta manga kalaban. Kay pagmahal unman may katapusan.

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Talaghusay 2:19

Dapat nu namatay yi ngani ti takinan, magbalik yi maan sida sa kanda daan pag buruwatun imaw ti pagsirbi ag pagsamba sa tuhay pag manga diyus. Subra waya kanda kadautan binwat kaysa kanda manga ginurang. Balaw nida gustu tayakan kanda daut manga pagbuwatun ag manga kaganitan nida manga ulu.

Talaghusay 3:30

Nakan nasakup Israil ti Muab sa tunda pag sirang, ag siyun ginan may kahusayan yi ti Israil sa sulud 80 ka timpu.

Talaghusay 4:1

Pagka namatay si Ihud, nagbuwat maan kadautan ti manga Israilita sa magbantay Panginuun.

Talaghusay 5:31

“Nakan Panginuun, mana maruris ti tanan nimu manga kalaban. Dapat mana ti manga magmahal sa kanmu bumaliw parihu sa init magsinggit marayaw gid.” Ag may kahusayan sa Israil sa sulud upatpulu ka timpu.