Nihimyas 9:26 - Hanunuu

²⁶ “Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Nihimyas 9:26 Iomraidhean Croise

1 Hari 14:9

Mas daut ti binwat nimu kaysa binwat manga takinan nag-una sa kanmu. Dinayu nimu aku ag ipinalabi waya nimu ti manga diyus-diyusan baul.

1 Hari 18:13

Balaw aw nimu nabaritaan kang binwat katpung pagmatyun ni Hisibil ti manga purupita Panginuun? Itinagu niku ti 100 ka purupita Panginuun sa duwa ka lukib, 50 sa kada lukib, ag pinakan-an niku sida karan-unun hanggan danum.

1 Hari 18:4

Pagka pagmatyun ni Hisibil ti manga purupita Panginuun, itinagu niya ti 100 purupita sa duwa ka lukib, 50 kada lukib, ag pinakan-an niya sida karan-unun hanggan danum.)

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

2 Hari 21:10

Magkun ti Panginuun sa panab-anan niya manga manugsirbi pag manga purupita:

2 Hari 21:11

“Nagbuwat si Hari Manasis taga Huda inda pag mayagting pag manga buruwatun, mas daut waya sa binuwat manga Amuriyu nangulian sa inda pag daga bag-u rinmas-ug ti manga taga Israil. Pagpasundan niya ti manga taga Huda sa kasalanan sa panab-anan pagsamba sa kanda manga diyus-diyusan.

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Nihimyas 9:18

una magbuwat sida histuda baka, ag magkun, ‘Inda kanta diyus ti nagpalpas ag nagpalwas sa kanta sa Ihiptu.’ Masyadu gid kanda maglapastangan sa kanmu!

Nihimyas 9:29

Pagpasandaman nimu sida kuntay pagtupad maan sa kanmu Kasuguan, dapat marapalabaw sida ag unman nida pagtupadun kanmu manga sugu. Nagsalan sida laban sa kanmu manga sugu magpakaun tutuu pag buhi sa magtupad inda. Sa kaganitan nida manga ulu nagpatlikud sida sa kanmu, ag dayu sida mamatingi sa kanmu.

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Kanta 50:17

Pagkadat-an niyu kang magtamyaw sa kanyu; unman niyu pagpansinun kang manga pagbagawun.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 2:7

Ati ginan dinara niku sida sa marinu pag daga hampay makakinabang sa abunda pag patubas. Dapat pagka ati yi sida, inuringan nida ti magkaapu niku pag daga bag-u binuwat nida inda mayagting.

Hirimyas 32:23

Nagbaliw kanda inda dapat unman sida nagsunud sa kanmu ngatay sa kanmu manga kasuguan, bag-u balaw nida binuwat ti pag-ipabuwat nimu sa kanda. Nakan pinadaran-an nimu sida kadamhakan.

Hirimyas 42:19

“Kamu pag manga magkasawad taga Huda, pagsabihun Panginuun kuntay danga kamu mag-atag sa Ihiptu. Tandai gid niyu inda ti pasandam kang pagsabihun sa kanyu taynguna.

Karukuan 3:42

“Nagsalan kami ag naglaban ag unman nimu kami pagpatawadun.

Isikil 20:21

“ ‘Dapat kanda manga anak naglaban diman sa kangku. Unman nida sinunud kang manga sugu hanggan manga surundanun, nu tupadun mana nida magpangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku kang masyadu pag pangagalit sa kanda ati sa pangawakawaan.

Matiyu 21:35

Dapat ay dinuksulan manga manugtarabahu kay manga panawuhun, binakul nida kay usa, minatay kay usa, kay ikatlu binatu nida.

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

Diyuturunumiyu 32:14

Pinakan-an niya sida manga kisu ag gatas ginan sa manga baka hanggan kambing, bag-u pinakan-an maratabul pag manga karanidu ag manga kambing ginan sa Basan. Pinakan-an diman niya sida pinakamayad pag manga tirigu ag pinainum sa pinakamayad pag irinmun intus ginan sa ubas.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.