Nihimyas 9:17 - Hanunuu

¹⁷ Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Nihimyas 9:17 Iomraidhean Croise

1 Hari 8:57

Mana ibahan kita Panginuun nita Diyus parihu sa kay pag-iba sa kanta manga ginurang. Mana balaw niya kita bugyahan ngatay pabay-anan.

2 Krunika 36:13

Naglaban diman siya kan Hari Nabukudunusur, una ipinasumpa niya siya sa ngaran Diyus kuntay balaw siya manlaban sa kanya. Nagbaliw maganit gid kay tagipusuun ni Sidikyas, ag dayu siya mamabalik sa Panginuun, ti Diyus Israil.

Isra 9:9

Una manga panawuhun kami, unman nimu kami pagbay-anan sa kanmi pagkapanawuhun, bagkus ngap pag-ipakakit di nimu kanmu pagmahal sa kanmi sa panab-anan mayad pagpasunaid sa kanmi manga hari sa Pirsiya. Binuwat nimu inda hampay mapakan-an nimu kami bag-u pag buhi, hampay maibungsud maan nimi kanmu nadaut pag Balay, hanggan hampay maalagaan nimu kami sa Huda ag Hirusalim.

Nihimyas 9:31

Dapat dahil sa daka nimu pangaawa, unman nimu sida pinabay-anan ngatay ipinadamhak lubus, dahil maawaun ag maalalahanun kawu, pag Diyus.

Kanta 106:13

Dapat nalimtan rargu nida kay binwat ag unman sida mag-alagad sa kay patigayun.

Kanta 106:7

Katpung ati sa Ihiptu kanmi manga ginurang, balaw nida binati kanmu makadululaw pag manga buwat. Balaw nida inalaala kanmu pagmahal ipinakakit sa kanda pira ka pag ulit, ag naglaban sida sa kanmu sa Marara pag Dagat.

Kanta 130:4

Dapat pagpatawadun nimu kami, nakan paggalangun kawu nimi.

Kanta 78:10

Balaw nida sinunud kanda kasunduan sa Diyus; balaw nida sinunud kay kasuguan.

Kanta 78:11

Kinalimtan nida kay makadululaw pag manga buwat kay ipinakakit sa kanda.

Kanta 78:38

Dapat una katida, maawaun di ti Diyus sa kanda. Pinatawad niya kanda manga kasalanan ag unman niya sida ipinadamhak. Mayamu bisis niya pinigil kay galit una masyadu yi gid kay pangagalit.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Pag-ighit 32:9

Magkun waya gid ti Panginuun sa kan Muysis, “Nakitan niku nu kabitay kaganit kay ulu inda pag manga tawu.

Kabagawan 1:24

Dahil balaw niyu pinakidnugan kang magtawag sa kanyu kuntay pagpakarani kamu sa kangku,

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Isikil 5:6

Linabag niya kang manga sugu, ag mas daut waya siya kaysa iba pag manga nasyun sa kay palibut. Dinayu niya kang manga sugu ag manga surundanun.

Danyil 9:9

Dapat maawaun di gid kawu, Panginuun nimi Diyus, ag mapinatawadun una waya naglaban kami sa kanmu.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Libitiku 26:44

Dapat una pagparusahan niku kamu, balaw niku kamu pabay-anan sa rugar niyu manga kalaban; dayu niku kamu papasun tugka sa udyi may masawad sa kanyu. Dahil balaw mahimu duraun niku kang kasunduan sa kanyu, dahil aku ti Panginuun kanyu Diyus.

Nahum 1:3

Balaw siya madali magkagalit, dapat makamaskihan gid siya ag pihu parusahan niya ti nagkasala. Nu maglakaw siya maghagunung ga bagyu mabaskug. Ti manga rurum ga galbuk lang mag-asbuk sa kay manga lulud.

Bilang 14:11

Magkun ti Panginuun sa kan Muysis, “Tugka kapira waya magdayu inda pag manga tawu sa kangku? Tugka kapira waya sida unman magpaniwala sa kangku lang madi ti tanan makadululaw binwat niku sa kanda?

Bilang 14:41

Dapat magkun si Muysis, “Hayga paglabagun niyu ti sugu Panginuun bumalik dapu kamu sa pangawakawaan? Balaw kamu manalu!

Bilang 16:14

Ag usa waya, balaw nimu kami dinara sa marinu ag abunda pag daga ngatay ayawan manga tanman taranuman ubas kanmi maapu. Kainda, gustu waya aw gid nimu kami lukuhun? Dayu kami asantag sa kanmu!”

Binwat 7:39

“Dapat kanta manga ginurang unman nagsunud sa kan Muysis. Bagkus ngap kanda yi lang gid dinayu. Nakadumdum di sida sa kanda ulian kaybi sa Ihiptu.

Ruma 9:15

Dahil kainda kay sinabi niya sa kan Muysis magkun, “Naawa aku sa gustu niku pagkaawaan, naluuy aku sa gustu niku pagkaluuyan.”

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.